ཀྲུང་གོའི་བོད་ཀྱི་དྲ་བའི་འཕྲིན། ཉེ་སྔོན། བོད་རང་སྐྱོང་ལྗོངས་ནག་ཆུ་ས་ཁུལ་ནག་ཆུ་རྫོང་གིས2013ལོའི་ལོ་སྨད་ཀྱི་དབུལ་ཕོངས་སློབ་ཆེན་སློབ་མའི་སློབ་སྐྱོར་རོགས་དངུལ་རྩིས་སྤྲོད་བྱེད་པའི་མཛད་སྒོ་སྤེལ།

ནག་ཆུ་རྫོང་གི་དབུལ་ཕོངས་སློབ་ཆེན་སློབ་མའི་སློབ་སྐྱོར་རོགས་དངུལ་གྱི་རོགས་སྐྱོར་འཆར་གཞི་དང་སྲིད་ཇུས་ཀྱི་འབྲེལ་ཡོད་ཆོད་དོན་ལྟར། ནག་ཆུ་ས་ཁུལ་སློབ་གསོ་ཅུའུ་ཡི་ལས་བྱེད་མི་སྣས་བསྡོམས་རྩིས་དང་ལེགས་འདེམས་ནན་ཏན་བྱས་པ་བརྒྱུད་རོགས་སྐྱོར་བྱ་ཡུལ100གཏན་ཁེལ་བྱས། རྫོང་ཡོངས་ཀྱི་དབུལ་ཕོངས་སློབ་ཆེན་སློབ་མ་མང་བའི་དོན་དངོས་དང་བསྟུན་ནས། སློབ་ཆེན་སློབ་མའི་ཁྱིམ་ཚང་ལ་དཀའ་ངལ་ཡོད་པའི་རྐྱེན་གྱིས་སློབ་མཚམས་ཆེད་པ་ཁག་ཐེག་བྱེད་ཆེད། འབྲེལ་ཡོད་སྡེ་ཁག་གིས་བོད་སྐྱོར་ཐབས་ལམ་བརྒྱུད་དེ་བསྡོམས་པས་མ་དངུལ་སྒོར274600གྲབས་གསོག་བྱས་ཏེ། འདྲ་མཉམ་དང་། གཞུང་དྲང་། ཡོངས་གྲགས་ཀྱི་སྒོ་ནས་སྒོར་མོ་དེ་དག་རྩིས་སྤྲོད་བྱས་པ་རེད།  །