ཀྲུང་གོའི་བོད་ཀྱི་དྲ་བའི་འཕྲིན། ཟླ11ཚེས18ཉིན་ནས་ཚེས20ཉིན་བར།རྒྱལ་ཁབ་འཕེལ་སྒྱུར་ཨུའི་ས་ཁུལ་སིའི་སི་ཀྲང་གཞོན་པ་ཀྲོའུ་ཡུང་གིས་རུ་སྣེ་ཁྲིད་པ་དང་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའུ།ཞིང་ལས་པུའུ།འགྲིམ་འགྲུལ་སྐྱེལ་འདྲེན་པུའུ།རྒྱལ་ཁབ་དབུལ་སྐྱོར་གཞུང་ལས་ཁང་སོགས་འབྲེལ་ཡོད་པུའུ་ཨུ་ནས་གྲུབ་པའི་ཀྲུང་དབྱང་བོད་ཁུལ་ལས་དོན་བརྟག་དཔྱད་ཞིབ་འཇུག་ཚོ་ཆུང་གིས་བདེ་ཆེན་ཁུལ་དུ་བརྟག་དཔྱད་ཞིབ་འཇུག་བྱས། བརྟག་དཔྱད་ཞིབ་འཇུག་ཚོ་ཆུང་གིས་གཙོ་བོར2010ལོ་ནས་བཟུང་ཀྲུང་དབྱང་དང་ཞིང་ཆེན་གྱིས་རྒྱབ་སྐྱོར་འོག་ཡུན་ནན་བོད་ཁུལ་གྱི་དཔལ་འབྱོར་སྤྱི་ཚོགས་ཀྱི་འཕེལ་རྒྱས་སྲིད་ཇུས་དང་བྱ་ཐབས་ཀྱི་དོན་འཁྱོལ་བྱེད་ཚུལ་དང་།བདེ་ཆེན་གྱི་དཔལ་འབྱོར་སྤྱི་ཚོགས་ཀྱི་འཕེལ་རྒྱས་གནས་ཚུལ་ལ་བརྟག་དཔྱད་ཞིབ་འཇུག་བྱས།
བརྟག་དཔྱད་ཞིབ་འཇུག་ཚོ་ཆུང་གིས་སྔ་རྗེས་སུ་ཆིན་ཁའོ་ཁྱད་ལྡན་ཐོན་ལས་ཡུག་སྦྲེལ་ཁུལ་དང་ཁུལ་ཐད་གཏོགས་སློབ་ཁུལ།ཁུལ་མི་རིགས་ལུས་རྩལ་ལྟེ་གནས།སེམས་ཀྱི་ཉི་ཟླ་རྫོང་མཁར་གྱི་ཕྱོགས་བསྡུས་བཅོས་སྒྲིག་ལས་ཡུལ་དངོས།སེམས་ཀྱི་ཉི་ཟླ་རྫོང་མཁར་གྱི་ཤར་རྒྱུད།སེམས་ཀྱི་ཉི་ཟླའི་རྡོ་ཁར་རྫོང་གི་སླར་གསོ་བསྐྱར་འཛུགས་ལས་ཡུལ་དངོས།འཇོལ་རྫོང་གི་སློབ་ཆུང་གཉིས་པ་སོགས་ལ་བརྟག་དཔྱད་ཞིབ་འཇུག་བྱས་ཤིང་།ཚེས་20ཉིན་གྱི་ཕྱི་དྲོར།བཞུགས་མོལ་ཚོགས་འདུ་འཚོགས་ནས་རང་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་ལས་ཀའི་གནས་ཚུལ་གྱི་སྙན་ཞུ་ཉན་པ་རེད།
བཞུགས་མོལ་ཚོགས་འདུའི་ཐོག་ཀྲུང་དབྱང་དང་ཞིང་ཆེན།འབྲེལ་ཡོད་སྡེ་ཁག་སོ་སོ་ཡིས་རྒྱབ་སྐྱོར་འོག་བདེ་ཆེན་གྱིས་ཐོག་མཐའ་བར་གསུམ་དུ་མཆོང་སྐྱོད་འཕེལ་རྒྱས་དང་ཡུན་རིང་བདེ་འཁོད་ཡོང་རྒྱུ་དེ་ཆབ་སྲིད་ཀྱི་ལས་འགན་དང་པོར་བཞག་ནས་དམ་འཛིན་གང་ལེགས་བྱས་ཤིང་བློ་བརྟན་འགྱུར་མེད་ཀྱིས་འཕེལ་རྒྱས་དམ་འཛིན་བྱས་པ་དང་དར་ཆ་གསལ་སྒྲེང་གིས་བརྟན་ལྷིང་དམ་འཛིན་བྱས་པ།བྱ་ཐབས་ནུས་ལྡན་དུ་བཏང་ནས་འཕེལ་རྒྱས་ལ་སྐུལ་འདེད་བཏང་སྟེ་དཔལ་འབྱོར་སྤྱི་ཚོགས་ཀྱི་འཕེལ་རྒྱས་མགྱོགས་སུ་གཏོང་བ་དང་སྤྱི་ཚོགས་འཆམ་མཐུན་བརྟན་ལྷིང་།དམངས་འཚོ་མུ་མཐུད་དུ་ལེགས་སུ་གཏོང་བ།མི་རིགས་མཐུན་སྒྲིལ་འཆམ་མཐུན་གྱི་གནས་བབ་བཟང་པོ་རྒྱུན་འཁྱོངས་བྱས་པས།རྒྱལ་ཡོངས་སུ་འཕེལ་རྒྱས་ཆེས་མགྱོགས་པ་དང་ཆེས་ཡག་ཅིང་ཆེས་བརྟན་ལྷིང་ཡིན་པའི་བོད་ཁུལ་ཞིག་ཏུ་གྱུར་ཡོད།གནས་བབ་གསར་པ་དང་ལས་འགན་གསར་པ།བླང་བྱ་གསར་པའི་མདུན་དུ།ཡུན་ནན་བོད་ཁུལ་གྱི་ཚན་རིག་དང་མཐུན་པའི་འཕེལ་རྒྱས་ལམ་བུའི་ཐད་མདུན་སྐྱོད་གོམ་སྟབས་གང་ལྟར་མགྱོགས་སུ་བཏང་སྟེ་ཡུན་ནན་བོད་ཁུལ་གྱི་མཆོང་སྐྱོད་འཕེལ་རྒྱས་དང་ཡུན་རིང་བདེ་འཁོད་ཡོང་བ་ཁག་ཐེག་བྱེད་རྒྱུ་དེ་བདེ་ཆེན་ལ་མིག་སྔར་ཐུག་པའི་འགངས་ཆེན་དང་དགོས་གཏུག་ཆེ་བའི་ལས་འགན་ཞིག་ཡིན་ཞིང་།ཀྲུང་དབྱང་གིས་བདེ་ཆེན་ཁུལ་འདི་ཉིད་རྒྱལ་ཡོངས་བོད་ཁུལ་གྱི་མཆོང་སྐྱོད་འཕེལ་རྒྱས་དང་ཡུན་རིང་བདེ་འཁོད་དཔེ་སྟོན་ཁུལ་དུ་ཚུད་ནས།སྲིད་ཇུས་དང་རྣམ་གྲངས།མ་དངུལ་སོགས་ཕྱོགས་མང་གི་ཐད་ནས་བདེ་ཆེན་ལ་གཟིགས་སྐྱོང་དང་རྒྱབ་སྐྱོར་བྱེད་པ་དང་།བདེ་ཆེན་གྱིས་སྔོན་ཚུད་ནས་ཚོད་ལྟ་བྱེད་པར་རྒྱབ་སྐྱོར་བྱས་ཏེ་མཆོང་སྐྱོད་འཕེལ་རྒྱས་དང་ཡུན་རིང་བདེ་འཁོད་དངོས་སུ་གྲུབ་པའི་ས་ཁུལ་ཞིག་ཏུ་འགྱུར་རྒྱུའི་རེ་བ་བཏོན་རྒྱུ་ཡིན་ཞེས་བསྟན་པ་རེད།
ཁུལ་ཨུའི་རྒྱུན་ཨུ།རྒྱུན་ལས་ཁུལ་དཔོན་གཞོན་པ་ཀྲང་ཀྲི་ཅུན་གྱིས་བརྟག་དཔྱད་ཞིབ་འཇུག་ལ་ཕེབས་རོགས་ཞུས་ཤིང་།བཞུགས་མོལ་ཚོགས་འདུར་ཞུགས་པ་དང་བདེ་ཆེན་གྱི་དཔལ་འབྱོར་སྤྱི་ཚོགས་ཀྱི་འཕེལ་རྒྱས་གནས་ཚུལ་དང་གནས་པའི་གནད་དོན་དང་དཀའ་ངལ།གོམ་རིམ་འོག་མའི་ལས་ཀའི་བསམ་ཕྱོགས་དང་“ལོ་ལྔ་ཚན་བཅུ་གསུམ་པའི་འཆར་འགོད”བཟོ་བའི་ལས་ཀའི་སྒྲུབ་ཚུལ་དང་།ཐག་གཅོད་རོགས་ཞུ་བའི་དོན་ཚན་སོགས་ཕྱོགས་མང་པོའི་ཐད་ལ་བརྟག་དཔྱད་ཞིབ་འཇུག་ཚོ་ཆུང་ལ་ཞིབ་ཕྲའི་སྙན་སེང་ཞུས་པ་རེད།  །