སྤྱི་ཟླ4བའི་ཚེས25ཉིན། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་རྨ་ཆུ་རྫོང་ནས་སྐབས་དང་པོའི་དམངས་ཁྲོད་ཁོར་ཡུག་སྲུང་སྐྱོབ་ཚོགས་པའི་བགྲོ་གླེང་ཚོགས་འདུ་ཞིག་བསྡུས་ཤིང་། ཐེངས་འདིར་ཕྱོགས་སོ་སོ་ནས་ཕེབས་པའི་དམངས་ཁྲོད་ཁོར་ཡུག་སྲུང་སྐྱོབ་ཚོགས་པ་དགུའི་ཚབ་བྱེད་མི་སྣ18ཚོགས་ཐོག་ཏུ་ཞུགས།ཚོགས་འདུ་འདིའི་གླེང་གཞི་གཙོ་བོ་ནི་མི་རིགས་ཀྱི་སྲོལ
་རྒྱུན་རིག་གནས་དང་ཁོར་ཡུག་སྲུང་སྐྱོབ་ཀྱི་སྐོར་ཡིན་ཞིང་། ཚོགས་ཐོག་ཏུ་ས་གནས་ཀྱི་ཁོར་ཡུག་གདན་དོན་དང་དེ་དག་ཇི་ལྟར་ཐག་གཅོད་བྱེད་དགོས་པའི་སྐོར་མང་པོ་བགྲོ་གླེང་བྱས་པ་མ་ཟད། ཚོགས་ཞུགས་པ་རྣམས་ཀྱིས་རྗེས་ཕྱོགས་ད་དུང་མུ་མཐུད་དུ་ལོ་རེར་ཆེད་མཁས་མི་སྣ་གདན་འདྲེན་སྒོས་ཁོར་ཡུག་སྲུང་སྐྱོབ་དང་མི་གཤིས་ཀུན་སྤྱོད་སྐོར་གྱི་བགྲོ་གླེང་ཚོགས་འདུ་ལོ་རེར་ཐེངས་རེ་བསྡུ་བའི་འཆར་གཞི་བཏོན།  །