ཀྲུང་གོ་བོད་ཀྱི་དྲ་བའི་འཕྲིན། གསར་འགོད་པས་ཕོ་བྲང་པོ་ཏ་ལའི་དོ་དམ་ཁྲུའུ་ནས་ཤེས་རྟོགས་བྱས་པར་གཞིགས་ན།སྤྱི་ཟླ11པའི་ཚེས1ཉིན་ནས་བཟུང་ཕོ་བྲང་པོ་ཏ་ལར་དགུན་དུས་ཀྱི་སྤ་སེའི་རིན་གོང་ལག་བསྟར་བྱེད་འགོ་ཚུགས་པ་དང༌།དབྱར་དུས་སྐབས་ཀྱི་མི་རེར་སྒོར་ཉིས་བརྒྱ་ཡིན་པ་ནས་མི་རེར་སྒོར་བརྒྱ་བར་དམའ་རུ་བཏང་ཡོད།ཕོ་བྲང་པོ་ཏ་ལའི་གཞུང་ཕྱོགས་དྲ་བས་སྐབས་དེ་དུས་གློལ་རྡུལ་གྱི་སྤ་སེ་མངག་ཉོ་བྱེད་མཚམས་འཇོག་རྒྱུ་རེད།ཕོ་བྲང་པོ་ཏ་ལའི་དོ་དམ་ཁྲུའི་འགན་ཁུར་བས་གསར་འགོད་པར་ལོ་ལྟར་སྤྱི་ཟླ11པའི་ཚེས1ཉིན་ནས་ལོ་རྗེས་མའི་སྤྱི་ཟླ4པའི་ཚེས30ཉིན་བར་ཕོ་བྲང་པོ་ཏ་ལའི་སྤ་སེར་དགུན་དུས་ཀྱི་དོ་དམ་བྱ་ཐབས་ལག་བསྟར་བྱེད་ཀྱི་ཡོད་པ་རེད།ཡུལ་སྐོར་བས་སྔོན་ལ་མངག་ཉོ་བྱེད་མི་དགོས་པར་ཐད་ཀར་རང་ཉིད་ཀྱི་ཐོབ་ཐང་ལག་ཁྱེར་འཁྱེར་ནས་ཉིན་དེ་གའི་སྤ་སེ་ཉོས་ཏེ་ཕོ་བྲང་པོ་ཏ་ལར་ལྟ་སྐོར་བྱེད་ཆོག་གི་ཡོད།དེང་སྐབས་ཕོ་བྲང་པོ་ཏ་ལའི་སྒོ་དབྱེ་བའི་དུས་ཚོད་ནི་ཆུ་ཚོད9:30ཡིན་པ་དང་།སྒོ་བརྒྱབ་པའི་དུས་ཚོད་ནི་ཕྱི་དྲོའི་ཆུ་ཚོད4ཡིན་པ་རེད་ཅེས་བཤད་པ་རེད།  །