ཟླ8པའི་ཚེས8ཉིན། བོད་ཁུལ་གྱི་ཁྲིམས་ཁང་གོང་དུ་སྤེལ་བར་སྐད་གཉིས་ཤེས་པའི་ཁྲིམས་དཔོན་འཇོན་ཐང་ཅན་སྐྱེད་སྲིང་བྱེད་ཆེད། སི་ཁྲོན་ཞིང་ཆེན་ཁྲིམས་ཁང་གིས་བོད་ཁུལ་གྱི་ཁྲིམས་དཔོན་སྐད་གཉིས་སློབ་གསོའི་སྲོལ་ཕྱེ་ཞིང་། དུས་དང་སྐོར་ཐེངས་དགར་ནས་ལོ40མན་གྱི་བོད་ཁུལ་གྱི་ཁྲིམས་དཔོན་ཡོངས་ལ་སྐད་གཉིས་ཟབ་སྦྱོང་བྱེད་རྒྱུ་རེད།
　　སྐད་གཉིས་ཟབ་སྦྱོང་ནི་སི་ཁྲོན་ཞིང་ཆེན་ཁྲིམས་ཁང་གིས་སི་ཁྲོན་མི་རིགས་སློབ་གླིང་ལ་མཉམ་འབྲེལ་བྱས་ནས་སྤེལ་བ་ཡིན་ཞིང་། འདི་ནི་རྒྱལ་ཡོངས་སུ་བོད་རྒྱ་སྐད་གཉིས་བཅའ་ཁྲིམས་ཀྱི་དངོས་གཞིའི་ཉིན་ཧྲིལ་བོའི་ལམ་ལུགས་ཀྱི་མཐོ་རིམ་སློབ་གླིང་ཁོ་ན་ཡིན་པ་རེད། དེའི་མཚུངས་སུ་སི་ཁྲོན་ཞིང་ཆེན་ཡོངས་ཀྱི་ཁྲིམས་དཔོན་ཟབ་སྦྱོང་དང་དངོས་སྦྱོང་བྱེད་པའི་རྟེན་གཞིའི་འཛུགས་སྐྲུན་བྱེད་འགོ་བརྩམས་ལ། འཆར་གཞི་ཡོད་པའི་སྒོ་ནས་བོད་ཁུལ་གྱི་ཁྲིམས་དཔོན་རྣམས་ལ་འདྲི་རྟོག་ལས་སྒོ་དང་། དོགས་གཞི་ཅན་དང་དཀའ་གནད་ཅན་གྱི་གྱོད་གཞིའི་གྲོས་ཞིབ། གསར་དུ་སྤེལ་བའི་བཅའ་ཁྲིམས་ཁྲིམས་འཛིན་གྱི་གསལ་བཀྲོལ་སོགས་ཀྱི་ཐད་ཟབ་སྦྱོང་བྱེད་པར་མ་ཟད། ཟབ་སྦྱོང་ལ་ཞུགས་པའི་ཁྲིམས་དཔོན་རྣམས་ལོ་རེར་གཟའ4ནས6ལ་དངོས་སྦྱོང་བྱེད་རྒྱུ་རེད།