ཀྲུང་གོ་བོད་ཀྱི་དྲ་བའི་འཕྲིན། སྤྱི་ཚེས27ཉིན་གྱི་སྔ་དྲོ།ཇོ་མོ་གླང་མའི་འཆད་ཁྲིད་ཅེས་པའི་སྙན་ཞུའི་ཚོགས་འདུ་ཐེངས་དྲུག་པ་ལྷ་སར་འཚོགས་པ་དང་།སྙན་ཞུའི་ཚོགས་འདུའི་བརྗོད་དོན་གཙོ་བོ་ནི་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་གསོ་སྐྱོང་དང་ལག་བསྟར་བྱེད་རྒྱུ་དེ་ཡིན་པ་དང་། པེ་ཅིང་སློབ་ཆེན་གྱི་མ་ཁེ་སི་རིང་ལུགས་སློབ་གླིང་གི་སློབ་སྤྱི་གཞོན་པ། འབུམ་རམས་པའི་སློབ་དཔོན་ཆེ་མོ་བ་ཁྲེན་མའེ་ཏུང་གིས་གདན་ཞུས་ལྟར་སྙན་ཞུ་གནང་བ་དང་།ལྗོངས་ཡོངས་ཀྱི་ཏང་ཡོན་ལས་བྱེད་པ900ལྷག་སྙན་ཞུའི་ཚོགས་འདུར་ཞུགས་ཡོད་པ་རེད།

དགེ་རྒན་ཆེ་མོ་བ་ཁྲེན་མའེ་ཏུང་གིས་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བའི་ད་ཡོད་ཀྱི་རྒྱབ་ལྗོངས་དང་། དོན་སྤྱི།གསལ་འགྲེལ་བཅས་ཕྱོགས་གསུམ་ཐད་ནས་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བར་ཁྱོན་ཡོངས་དང་གཏིང་ཟབ། བརྒྱུད་རིམ་ལྡན་པ། གསོན་ཉམས་དོད་པ་བཅས་ཀྱི་ཐོག་ནས་གསལ་འགྲེལ་གནང་ཡོད་པ་དང་། སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་གསོ་སྐྱོང་དང་་ལག་བསྟར་བྱེད་པའི་ཐད་རྒྱས་བཤད་གནང་ཡོད་པ་རེད།

ལྗོངས་ཏང་ཨུད་དྲིལ་བསྒྲགས་པུའི་འགན་འཁུར་བློ་མཐུན་གྱིས་སྙན་ཞུའི་ཚོགས་འདུ་གཙོ་སྐྱོང་གནང་བ་རེད།  །