ས་གནས་མང་པོ་ཞིག་གི་བྱིས་པ་རྣམས་སློབ་གྲྭར་འགྲོ་དཀའ་བ་དང་སློབ་ཡོན་མཐོ་བའི་དཀའ་ངལ་དང་འཕྲད་ཚེ། ཧྲན་ཞི་ནུབ་བྱང་རྒྱུད་ཀྱི་ཧྥུ་ཀུའུ་རྫོང་གིས་བྱིས་པ་ཁང་ནས་མཐོ་རིམ་སློབ་འབྲིང་གི་ལོ15རིང་ལ་རིན་པ་མི་དགོས་པའི་སློབ་གསོ་ལག་བསྟར་བྱས་ནས་ལོ་གཅིག་ལ་ཉེ་བར་གྱུར་། རྫོང་ཡོངས་ཀྱི་སློབ་གྲྭར་ཞུགས་པའི་སློབ་མ་དང་བྱིས་པ་ཚང་མས་རིན་པ་མི་དགོས་པའི་སློབ་གསོ་ལོངས་སུ་སྤྱད། དེའི་ནང་ཕྱི་རོལ་ནས་ཡོང་བའི་མི་འབོར་གསུམ་ཆ་གཅིག་བཟུང་ཡོད་པ་རེད།
      2011ལོར། ཧྲན་ཞི་ཧྥུ་ཀུའུ་ཡིས་རྒྱལ་ཡོངས་ཀྱི་སྔོན་ཚད་དུ་ལོ15ལ་རིན་པ་མི་དགོས་པའི་སློབ་གསོ་ལག་བསྟར་བྱས་ཏེ་འོས་འགན་སློབ་གསོའི་དུས་རིམ་དུ་སློབ་མའིསློབ་ཡོན་དང། སློབ་དེབ་ཉོ་སའི་གྲོན་དངུལ་མེད་པར་བཟོས་ཤིང་། བཞག་སྡོད་སློབ་མར་འཚོ་བའི་ཁ་གསབ་མ་དངུལ་བྱིན་པ། སྒོ་ང་དང་འོ་མ་བཅས་ཁ་གསབ་བྱས་ཤིང་ཧྥུ་ཀུའུ་རྫོང་གི་གཞུང་གཉེར་དང་སྒེར་གཉེར་གྱི་བྱིས་པ་ཁང་དུ་སློབ་སྦྱོང་བྱེད་པའི་ལོ་རན་བྱིས་པ་ལ་རྫོང་ནོར་སྲིད་ཀྱིས་ཟླ་བ་རེར་སློབ་མ་རེར་ཁ་གསབ་མ་དངུལ་སྒོར70སྤྲད་པ་དང་། དེ་མིན། 2012ལོའི་དཔྱིད་དུས་ནས་བཟུང་རྫོང་ཡོངས་ཀྱི་འོས་འགན་སློབ་གསོའི་དུས་རིམ་དུ་སློབ་གྲྭས་ལོ་རེའི་སྟོན་དུས་སུ་སློབ་ཆུང་གི་སློབ་རིམ་དང་པོ་དང་སློབ་རིམ་བཞི་པ།དམའ་རིམ་སློབ་འབྲིང་གི་སློབ་རིམ་དང་པོའི་སློབ་མ་བཅས་ལ་སློབ་གོས་ཆ་གཅིག་མཁོ་འདོན་བྱས་པ་རེད།