ཉེ་སྔོན།ནུབ་བྱང་མི་རིགས་སློབ་ཆེན་གྱི་འབུམ་རམས་པའི་ཁྲིད་སྟོན་དགེ་རྒན་དོར་ཞི་ལགས་ཀྱིསpsབཏང་བའི༼ལྷག་ལྷའི་སྣང་བརྙན་བཟོ་གསར།—དོར་ཞི་རིན་པོ་ཆེས་རྩིས་འཁོར་སྒྲིག་བཟོ་གནང་བའི་ལྷ་སྐུ100༽ཞེས་པའི་དཔེ་ཆ་ཞིག་སི་ཁྲོན་མི་རིགས་དཔེ་སྐྲུན་ཁང་གིས་པར་བསྐྲུན་འགྲེམ་སྤེལ་བྱས་པ་མ་ཟད།རྒྱལ་ཡོངས་ས་ཆ་སོ་སོའི་དཔེ་ཁང་དུ་འགྲེམ་ཚོང་བྱེད་རྒྱུ་ཡོད།འདིའི་ནང་དགེ་རྒན་དོར་ཞི་ལགས་ཀྱིས་དངོས་སུ་རྒྱུ་ཆ་ལེགས་འདེམས་དང་རྩིས་འཁོར་སྒྲིག་བཟོ་གནང་བའི་ལྷ་སྐུ100འདུས་པ་དང་། རབ་ཏུ་བྱུང་བ་དང་།བྱང་ཆུབ་ཀྱི་སེམས་བསྐྱེད་པ།སའི་སྙིང་བོ་རྟོགས་པ།   ཆོས་སྲུང་བ་བཅས་དང་རང་བྱུང་བར་གྱི་འཆམ་མཐུན་ཞི་སྦྱོར་སོགས་མཚོན་པར་བྱས་ཡོང་ཅིང་།ལྷ་སྐུ་རེ་རེའི་རྒྱབ་ངོས་སུ་བོད་རྒྱ་དབྱིན་གསུམ་གྱི་སྒོ་ནས་ལྷ་སྐུ་དེའི་མིང་དང་ལོ་རྒྱུས།  ཁྱད་ཆོས།  མཚོན་དོན།  འདི་ཉིད་དད་པའི་དགེ་མཚན་སོགས་བསྡུས་འགྲེལ་གནང་ཡོད་ལ།བོད་ཀྱི་གསང་སྔགས་རྡོ་རྗེའི་ལྷ་སྐུ་ལ་རྒྱུས་ལོན་བྱེད་པར་གལ་ཆེའི་རྒྱུ་ཆ་ཞིག་ཏུ་ངེས།
རྒྱུས་ལོན་པ་ལྟར་ན།བོད་ཀྱི་རིག་གནས་དྲ་བས་ཇུས་འགོད་དང་རྩོམ་སྒྲིག་བྱེད་པའི་དགེ་རྒན་དོར་ཞི་ལགས་ཀྱི་རྒྱ་འགྱུར་མའི་དཔེ་དེབ་ཕྱོགས་བསྒྲིགས་ཏེ།༼བོད་ཡིག་ཆེད་རྩོམ་ལེགས་བསྒྱུར༽(བོད་རྒྱ་ཤན་སྦྱར)དང་།༼བྱང་ཆུབ་ལམ་རིམ་ཆེན་མོ༽(བོད་རྒྱ་ཤན་སྦྱར)སོགས་དཔེ་དེབ་གསར་བ་བཅུ་ལོ་འདིའི་ནང་འགྲེམ་སྤེལ་བྱ་འཆར་ཡོད་ཅིང་།          ནང་སྒོས་སུ་ཀྲུང་གོའི་བོད་རིག་པའི་དཔེ་སྐྲུན་ཁང་གིས་པར་སྐྲུན་བྱེད་པའི་བོད་ཡིག་པར་གཞི༼དོར་ཞི་བློ་བཟང་ཐུབ་བསྟན་ཆོས་འཕེལ་གྱི་བོད་ཡིག་གཅེས་བསྡུས༽ (གནས་སྐབས་ཀྱི་མིང) ཞེས་པའི་ནང་ཁོང་གི་བོད་ཡིག་ལམ་གྱི་ཆེད་རྩོམ་དང་དཔྱད་རྩོམ་ཡོངས་རྫོགས་འདུས་ཡོད་པ་རེད།

                                                                                                                                ༼ལྷག་ལྷའི་སྣང་བརྙན་བཟོ་གསར།༽

                                          ལྷ་སྐུ་རྒྱབ་ངོས་ཀྱི་གསལ་འགྲེལ།

                                              དགེ་རྒན་དོར་ཞི་ལགས་ཀྱི་དཔེ་དེབ་ཕྱོགས་བསྒྲིགས།