ཁྲེང་ཏུའུ་ནས་ཡུལ་ཤུལ་བར་གྱི་གནམ་གྲུ་ཤར་གཏོང་བྱས་པ།

　　ཟླ10པའི་ཚེས15ཉིན། མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་ནས་སི་ཁྲོན་ཁྲེང་ཏུའུ་བར་གྱི་ཐད་འཕུར་མཁའ་ལམ་དངོས་སུ་ཤར་གཏོང་བྱས་པ་རེད། 
　　མཚོ་སྔོན་གནམ་གྲུ་ཀུང་ཟིའི་འབྲེལ་ཡོད་འགན་འཁུར་བས་མཚམས་སྦྱོར་བྱས་པ་ལྟར་ན། ཡུལ་ཤུལ་ནས་ཁྲེང་ཏུའུ་བར་གྱི་མཁའ་ལམ་ཕྱེས་པ་ནི་ཡུལ་ཤུལ་གྱིས་ཕྱི་ཕྱོགས་སུ་སྒོ་འབྱེད་པའི་མཁའ་འགྲུལ་དྲ་རྒྱའི་གྲུབ་ཚུལ་གལ་ཆེན་ཞིག་ཡིན་ཞིང་། མཚོ་སྔོན་གྱི་རྨ་འབྲི་རྫ་གསུམ་འབྱུང་ཡུལ་དང་ཀྲུང་གོའི་ལྷོ་ནུབ་ས་ཁུལ་བར་གྱི་བར་སྣང་གི་སྦྲེལ་ཟམ་ཞིག་བཙུགས་པ་དེས་ས་གནས་གཉིས་ཀྱི་འབྲེལ་བ་ཇེ་དམ་དུ་བཏང་ཐོག  ཁམས་ཕྱོགས་ཀྱི་མང་ཚོགས་ཕྱི་རུ་བསྐྱོད་པར་སྟབས་བདེ་བཟོས་པ་རེད།
　　རྒྱུས་ལོན་བྱུང་བ་ལྟར་ན་ཡུལ་ཤུལ་ནས་ཁྲེང་ཏུའུ་བར་གྱི་གནམ་གྲུ་དེ་ཟླ10པའི་ཚེས15ཉིན་ནས་འཕུར་འགོ་བརྩམས་ཤིང་། A319རྟགས་ཅན་གྱི་གནམ་གྲུ་ཡིན་ལ། གཟའ་འཁོར་རེའི་གཟའ་ཟླ་བ་དང་། གཟའ་ལྷག་པ། གཟའ་པ་སངས། གཟའ་ཟླ་བར་ཉིན་རེར་འཕུར་ཐེངས་གཅིག་ཡོད། གནམ་གྲུའི་ལན་གྲངས་ནི་ཆུ་ཚོད6：30སྟེང་ཁྲེང་ཏུའུ་རུ་འཕུར་ནས་ཆུ་ཚོད7：45སྟེང་ཡུལ་ཤུལ་དུ་སླེབས་པ་དང་། ཆུ་ཚོད8：30སྟེང་ཡུལ་ཤུལ་དུ་འཕུར་ནས་ཆུ་ཚོད09：55སྟེང་ཁྲེང་ཏུའུ་རུ་སླེབས་ཐུབ་པ་རེད།