《བོད་ཀྱི་ན་ཆུང་བྱིས་པའི་གླུ་གཞས་གཟི་ཡི་ཕྲེང་བ》།

     རྒྱུས་ལོན་པ་ལྟར་ན། བོད་ཀྱི་མིང་གྲགས་སྒྱུ་རྩལ་པ་སྨན་བླ་སྐྱབས་ཀྱིས་གཙོ་སྒྲིག་གནང་བའི《བོད་ཀྱི་ན་ཆུང་བྱིས་པའི་གླུ་གཞས་གཟི་ཡི་ཕྲེང་བ》འགྲེམ་སྤེལ་བྱེད་ལ་ཉེ་ཞིང་། དཔེ་དེབ་འདིའི་ནང《བསླབ་བྱ་དང་ལེགས་བཤད》དང་། 《གསལ་བྱེད་སུམ་ཅུ》། 《རེས་གཟའ་བདུན་པོ་གཟའ་འཁོར་གཅིག》། 《དུས་བཞིའི་གླུ》། 《རི་བོང་བློ་ལྡན》སོགས་བྱིས་པའི་གླུ་གཞས25འདུས།

     གཙོ་སྒྲིག་པ་སྨན་བླ་སྐྱབས་ཀྱིས་མཚམས་སྦྱོར་གནང་བ་ལྟར་ན། དཔེ་དེབ་འདིའི་ནང་ཨ་མདོ་ས་ཁུལ་གྱི་བྱིས་གླུ་ཕལ་ཆེ་བ་འདུས་ཤིང་། ཁོས་ལོ་ངོ་གསུམ་བཞི་ལྷག་གི་དུས་ཚོད་བེད་སྤྱད་དེ་འཚོལ་སྡུད་དང་ལེགས་སྒྲིག་བྱས་པའི་གྲུབ་འབྲས་ཡིན་པ་དང་། བོད་རིགས་བྱིས་པ་རྣམས་ཀྱིས་བྱིས་གླུ་ལེན་པ་མ་ཟད་བྱིས་གླུའི་མཛེས་ཉམས་རོལ་མྱོང་བྱ་རྒྱུ་དང་། བྱིས་གླུ་བརྒྱུད་དེ་དཔལ་ཡོན་ལྡན་ཞིང་ཤེས་བྱ་མི་དམན་པ་ཐོབ་པར་སྨོན།