ཟླ་བརྒྱད་པའི་ཚེས་སོ་གཅིག་ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་ལིག་ཡུན་ཧྲན་གྱིས་པེ་ཅིན་ཀྲུང་གོ་རྒྱལ་སྤྱིའི་འགྲེམ་སྟོན་ལྟེ་གནས་གསར་བ་ནས་སྐབས་ཉེར་གཅིག་པའི་པེ་ཅིན་རྒྱལ་སྤྱིའི་དཔེ་ཆ་འགྲེམ་སྟོན་ལ་གཟིགས་ཞིབ་མཛད།

ཟླ་བརྒྱད་པའི་ཚེས་སོ་གཅིག་ཉིན། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི་ལིག་ཡུན་ཧྲན་གྱིས་པེ་ཅིན་ཀྲུང་གོ་རྒྱལ་སྤྱིའི་འགྲེམ་སྟོན་ལྟེ་གནས་གསར་བ་ནས་སྐབས་ཉེར་གཅིག་པའི་པེ་ཅིན་རྒྱལ་སྤྱིའི་དཔེ་ཆ་འགྲེམ་སྟོན་ལ་གཟིགས་ཞིབ་མཛད།

    ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན་ལིག་ཡུན་ཧྲན་གྱིས་ཟླ་བརྒྱད་པའི་ཚེས་སོ་གཅིག་ཉིན་པེ་ཅིན་ནས་སྐབས་ཉེར་གཅིག་པའི་པེ་ཅིན་རྒྱལ་སྤྱིའི་དཔེ་ཆ་འགྲེམ་སྟོན་ལ་གཟིགས་ཞིབ་མཛད། གཟིགས་ཞིབ་མཛད་སྐབས་ཁོང་གིས་དཔེ་སྐྲུན་འཐབ་ཕྱོགས་ཀྱིས་འཛམ་གླིང་གི་མཐོང་རྒྱ་ཇེ་ཡངས་སུ་གཏོང་བ་དང་། བཅོས་བསྒྱུར་གྱི་སྙིང་སྟོབས་དར་སྤེལ་བྱེད་པ། གསར་སྐྲུན་གྱི་འདུ་ཤེས་ཇེ་ཆེར་བཏང་སྟེ། མི་དམངས་མང་ཚོགས་ཀྱི་ཉིན་རེར་ཇེ་ཆེར་འགྲོ་བཞིན་པའི་བསམ་པའི་རིག་གནས་དགོས་མཁོ་སྐོང་བར་བྱེད་པ་དང་། ཀྲུང་ཧྭ་རིག་གནས་དར་སྤེལ་བྱེད་པར་བྱས་རྗེས་གསར་བ་འཇོག་དགོས་ཞེས་ནན་གྱིས་བསྟན།

    ལིག་ཡུན་ཧྲན་ཐོག་མར་ཀྲུང་གོའི་རྒྱལ་སྤྱིའི་འགྲེམ་སྟོན་ལྟེ་གནས་གསར་བའི་རྒྱལ་ནང་གི་འགྲེམ་སྟོན་ཁང་དུ་ཕེབས་ཏེ། འབྲེལ་ཡོད་ས་གནས་དཔེ་སྐྲུན་ཁེ་ལས་དང་ཀྲུང་དབྱང་དཔེ་སྐྲུན་ལས་ཁུངས་ཀྱི་འགན་ཁུར་བློ་མཐུན་དང་དཔེ་ཆ་ཇུས་འགོད་དང་དཔེ་སྐྲུན་འགྲེམ་སྟོན། རྒྱལ་སྤྱིའི་མཉམ་ལས་སོགས་ཐད་ནས་བརྗེ་རེས་མཛད། དཔེ་སྐྲུན་ཁང་སོ་སོས་དཔེ་སྐྲུན་ལས་རིགས་མྱུར་དུ་འཕེལ་རྒྱས་སུ་གཏོང་བ་དང་ཕྱི་རྒྱལ་དུ་དཔེ་ཆ་འགྲེམ་སྟོན་བྱེད་པར་སྐུལ་འདེད་གཏོང་བའི་ཐད་ནས་གྲུབ་འབྲས་གསར་བ་བླངས་པར་རྒྱུས་ལོན་བྱེད་སྐབས། ལིག་ཡུན་ཧྲན་གྱིས་དེར་གཟེངས་བསྟོད་མཛད་པར་མ་ཟད་ཚང་མས་ཡང་འབད་བསྐྱར་འབད་བྱེད་པ་དང་། ཡང་དག་པའི་དཔེ་སྐྲུན་ཁ་ཕྱོགས་རྒྱུན་འཁྱོངས་བྱས་ནས། དཔེ་སྐྲུན་ཐོན་ཁུངས་རྒྱུན་ཆད་མེད་པར་སྔོག་འདོན་བྱེད་པ་དང་། རྒྱ་ཆེའི་མང་ཚོགས་ཀྱི་བལྟ་འདོད་ཡོད་པའི་དཔེ་ཆ་བཟང་བོ་པར་སྐྲུན་བྱས་ནས། ཕྱི་རྒྱལ་བ་སྔར་ལས་མང་པོས་ཀྲུང་གོར་རྒྱུས་ལོན་བྱེད་དུ་འཇུག་དགོས་པའི་རེ་བ་བཏོན།  །