ཟླ་བ3པའི་ཚེས10ཉིན་འབྱོར་བའི་གཏམ་གསར།སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྲོས་ཚོགས་ཐེངས་བཞི་པ་དེ་ཚེས10ཉིན་གྱི་སྔ་དྲོར་མི་དམངས་ཚོགས་ཁང་ཆེན་མོར་ཚང་འཛོམས་གྲོས་ཚོགས་ཐེངས་གཉིས་པ་འཚོགས།ཨུ་ཡོན་ཀྲང་ཝུའུ་པང་གོས་རྒྱལ་ཡོངས་དམངས་ཆེན་རྒྱུན་ཨུའི་མངགས་བཅོལ་ལྟར་ཚོགས་ཆེན་ལ་ལས་ཀའི་སྙན་ཞུ་ཕུལ།     ཧུའུ་ཅིན་ཐའོ་དང་།ཝུན་ཅ་པའོ།ཅ་ཆིང་ལིན།ལི་ཁྲང་ཁྲུན།ཞི་ཅིན་ཕིང་།ལི་ཁེ་ཆང་།ཧོ་གོ་ཆང་།ཀྲོའུ་ཡུང་ཁང་སོགས་ཀྲུའུ་ཞི་སྟེགས་བུའི་ཐོག་བཞུགས་ཡོད།     གྲོས་ཚོགས་དེ་ཚོགས་ཆེན་གྱི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི།ལག་བསྟར་ཀྲུའུ་ཞི་ཝང་ཀྲའོ་གོ་ཡིས་གཙོ་འགན་བཞེས།    ཝུའུ་པང་གོས་སྙན་ཞུའི་ནང་གསུངས་དོན།འདས་ཟིན་པའི་ལོ་གཅིག་རིང་།རྒྱལ་ཡོངས་དམངས་ཆེན་རྒྱུན་ཨུས་ཏེང་ཞའོ་ཕིང་གི་རིགས་པའི་གཞུང་ལུགས་དང་“མཚོན་པ་གསུམ་”གྱི་དགོངས་པ་གལ་ཆེན་གྱིས་ཁྲིད་སྟོན་བྱས་པ་དང་།ཚན་རིག་དང་མཐུན་པའི་འཕེལ་རྒྱས་གཏོང་བའི་ལྟ་བ་ལག་བསྟར་དོན་འཁྱོལ་ཟབ་མོ་བྱས་པ།ཏང་གི་འགོ་ཁྲིད་བྱ་རྒྱུ་རྒྱུན་འཁྱོངས།མི་དམངས་ཀྱིས་རང་ཁྱིམ་རང་བདག།བཅའ་ཁྲིམས་ལྟར་རྒྱལ་ཁབ་སྐྱོང་རྒྱུ་དང་གཅིག་གྱུར་ཡོང་བ་བྱས།སྐབས་བཅུ་གཅིག་པའི་རྒྱལ་ཡོངས་དམངས་ཆེན་གྱི་གྲོས་ཚོགས་ཐེངས་གསུམ་པའི་སྙིང་དོན་ལྟར།ཏང་དང་རྒྱལ་ཁབ་ཀྱི་ལས་ཀའི་ཁྱོན་ཡོངས་ལ་དམིགས་པ།དོ་དན་ཞིང་ལས་ཆོད་མཐོ་བའི་ལས་ཀ་འབོར་ཆེན་བསྒྲུབས་ཡོད།   ཝུའུ་པང་གོས་ནན་པོ་བསྟན་དོན།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཁྲིམས་ལུགས་མ་ལག་ཆགས་པ་དེ་རང་རྒྱལ་གྱི་སྤྱི་ཚོགས་རིང་ལུགས་ཀྱི་དམངས་གཙོ་ཁྲིམས་ལུགས་འཛུགས་བསྐྲུན་གྱི་ལོ་རྒྱུས་ཐོག་གི་གལ་འགངས་ཆེ་བའི་ལམ་ཚད་རྡོ་རིང་ཞིག་ཡིན་པས་གལ་འགངས་ཆེ་བའི་ད་ཡོད་ཀྱི་དོན་སྙིང་དང་རྒྱང་རིང་གཏིང་ཟབ་ཀྱི་དོན་སྙིང་ཡོད་པ་རེད།དང་པོ།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བཅའ་ཁྲིམས་མ་ལག་ནི་ཀྲུང་གོའི་ཁྱད་ཆོས་ལྡན་པའི་སྤྱི་རིང་ལུགས་ཀྱི་རང་བཞིན་སྲུང་འཛིན་བྱས་པའི་ཁྲིམས་ལུགས་ཀྱི་རྩ་བ་ཞིག་ཡིན་སྟབས།ལམ་ལུགས་ཐོག་དང་བཅའ་ཁྲིམས་ཐོག་ནས་ཀྲུང་གོ་གུང་ཁྲན་ཏང་གིས་ཐོག་མཐའ་བར་གསུམ་དུ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་བྱ་གཞག་གི་འགོ་ཁྲིད་ཀྱི་སྲོག་ཤིང་དུ་འགྱུར་བར་ཁག་ཐེག་བྱེད་དགོས།རྒྱལ་ཁབ་ཀྱི་དབང་ཆ་མཐའ་དག་མི་དམངས་ཀྱི་ལག་ཏུ་བརྟན་པོར་འཛིན་པར་ཁག་ཐེག།མི་རིགས་རང་ཚུགས་ཁག་ཐེགརྒྱལ་ཁབ་ཀྱི་བདག་དབང་དང་མངའ་ཁོངས་ཆ་ཚང་ཡོང་བར་ཁག་ཐེགརྒྱལ་ཁབ་ཀྱི་གཅིག་གྱུར་དང་།སྤྱི་ཚོགས་བདེ་འཇགས།མི་རིགས་ཁག་མཐུན་སྒྲིལ་ཆེན་པོ་ཡོང་བར་ཁག་ཐེགརང་ཚུགས་རང་བདག་གི་ཕྱིར་ཕྱོགས་ཀྱི་སྲིད་ཇུས་དང་།ཞི་བདེ་འཕེལ་རྒྱས་ཀྱི་ལམ་བུའི་ཐོག་འགྲོ་རྒྱུ་རྒྱུན་འཁྱོངས་བྱ་རྒྱུ་ཁག་ཐེགརྒྱལ་ཁབ་དུས་ནམ་ཡང་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཡང་དག་པའི་ཁ་ཕྱོགས་དེད་ནས་དཔའ་ངར་ངང་མདུན་སྐྱོད་བྱེད་དགོས།གཉིས།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཁྲིམས་ལུགས་ཀྱི་མ་ལག་ནི་ཀྲུང་གོའི་ཁྱད་ཆོས་ལྡན་པའི་སྤྱི་རིང་ལུགས་ཀྱི་གསར་སྐྲུན་ལག་ལེན་གྱི་ཁྲིམས་སྲོལ་མཚོན་པས།ལམ་ལུགས་ཐོག་དང་བཅའ་ཁྲིམས་ཐོག་ནས་རྒྱལ་ཁབ་ཀྱི་ཐོག་མཐའ་བར་གསུམ་དུ་བཅོས་བསྒྱུར་སྒོ་ཕྱེའི་ཡང་དག་པའི་ཁ་ཕྱོགས་འགན་ལེན་བྱས་ནས་གསོན་ཤུགས་ཀྱིས་ཁེངས་པ་དང་།ཕན་འབྲས་ལྡན་པ།དེ་བས་སྒོ་ཕྱེ་རྒྱུ།ཚན་རིག་དང་མཐུན་པའི་འཕེལ་རྒྱས་ཡོང་བར་ཕན་པའི་ནང་རྐྱེན་ཞིག་འཛུགས་སྐྱོང་ཤུགས་ཆེན་བྱས་ནས་རང་རྒྱལ་སྤྱི་ཚོགས་རིང་ལུགས་ཀྱི་ལམ་ལུགས་རྒྱུན་ཆད་མེད་པར་རང་ཉིད་འཐུས་ཚང་དང་འཕེལ་རྒྱས་ཡོང་བ་བྱེད་དགོས།གསུམ།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བཅའ་ཁྲིམས་མ་ལག་ནི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དར་ཞིང་རྒྱས་པའི་ཁྲིམས་ལུགས་འགན་ལེན་ཡིན་པ།ལམ་ལུགས་ཐོག་དང་།བཅའ་ཁྲིམས་ཐོག་ནས་རྒྱལ་ཁབ་འཕེལ་རྒྱས་ཀྱི་ཁྲོད་དུ་རྩ་བའི་རང་བཞིན་དང་།ཡོངས་ཀྱི་རང་བཞིན།བརྟན་པོའི་རང་བཞིན།ཡུན་རིང་གི་རང་བཞིན་བཅས་ཀྱི་གནད་དོན་ཐག་གཅོད་བྱས་ནས་སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་རྒྱུན་ཆད་མེད་པར་འཐུས་ཚང་ཡོང་བ་དང་།སྤྱི་ཚོགས་རིང་ལུགས་ཀྱི་དམངས་གཙོའི་ཆབ་སྲིད་འཕེལ་རྒྱས་ཟབ་མོ།སྤྱི་ཚོགས་རིང་ལུགས་ཀྱི་སྔོན་ཐོན་རིག་གནས་ཉིན་རེ་བཞིན་དར་རྒྱས་ཕུན་སུམ་ཚོགས་པ་དང་།སྤྱི་ཚོགས་རིང་ལུགས་ཀྱི་འཆམ་མཐུན་སྤྱི་ཚོགས་ཀྱི་དགེ་མཚན་འཛུགས་སྐྱོང་བྱེད་ཆེད།ཡང་དག་པའི་རིན་ཐང་གི་ཁ་ཕྱོགས་དང་འཕེལ་རྒྱས་ཀྱི་ཁ་ཕྱོགས་དང་རྩ་བའི་ལམ་བུ་གཏན་འཁེལ་བྱས་ནས་སྟོབས་འབྱོར་ལྡན་པ་དང་དམངས་གཙོ་དར་བ།དཔལ་ཡོན་ལྡན་པའི་འཆམ་མཐུན་ཀྱི་སྤྱི་ཚོགས་རིང་ལུགས་ཀྱི་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པ་དང་།ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་ཡོང་བར་སྲ་ཞིང་བརྟན་པའི་ཁྲིམས་ལུགས་ཀྱི་རྨང་གཞི་ཞིག་མངོན་འགྱུར་ཡོང་བ་བྱེད་དགོས༎