སྐབས་བཅུ་གཅིག་པའི་ཁུལ་སྲིད་གཞུང་གིས་རྒྱུན་ལས་གྲོས་ཚོགས་ཐེངས༣༨པ་འཚོགས།

ཡེ་མགོན་གྱིས་བསྒྱུར། 2016-11-03

སྤྱི་ཟླ10པའི་ཚེས27ཉིན། ཁུལ་མི་དམངས་སྲིད་གཞུང་གི་ཁུལ་དཔོན་ཡེ་ཤེས་ཟླ་བས་གཙོ་སྐྱོང་གནང་ནས་སྐབས་བཅུ་གཅིག་པའི་ཁུལ་མི་དམངས་སྲིད་གཞུང་གིས་རྒྱུན་ལས་གྲོས་ཚོགས་ཐེངས38པ་ཚོགས་པ་རེད། གྲོས་ཚོགས་ཐོག  2016ལོའི་དུས་ཚིགས་གསུམ་པར་ཁུལ་ཡོངས་ཀྱི་དཔལ་འབྱོར་འཁོར་སྐྱོད་བྱས་པའི་གནས་ཚུལ་སྙན་སེང་ཞུས་པར་ཉན་འཇོག་བྱས་པ་དང《དཀར་མཛེས་ཁུལ་གྱི་ཤར་རྒྱུད་དང་ལྷོ་རྒྱུད། བྱང་རྒྱུད་ས་ཁུལ་གྱི་ས་ཁོངས་དཔལ་འབྱོར་འཆར་འགོད》སོགས་ཀྱི་བྱ་གཞག་ལ་གྲོས་ཞིབ་བྱས་པ་རེད།
གྲོས་ཚོགས་ཐོག་ད་ལོའི་ལས་ཀར་ཕྱོགས་བསྡོམས་བྱས་ནས་ཕྱིན་ཆད་ཀྱི་ལས་ཀ་བཀོད་སྒྲིག་བྱས་པའི་སྐབས་སུ་ནན་བཤད་བྱས་དོན། རྫོང（གྲོང་ཁྱེར）སོ་སོ་དང་ཁུལ་རིམ་པའི་འབྲེལ་ཡོད་སྡེ་ཁག་གིས་དཔལ་འབྱོར་གྱི་གནས་བབ་ལ་དབྱེ་ཞིབ་དང་ཞིབ་འཇུག་ཚོད་དཔག་བྱེད་ཤུགས་ཆེ་རུ་བཏང་ནས་ངེས་པར་དུ་དུས་ཚིགས་བཞི་པའི་ལས་ཀ་སོ་སོ་དམ་འཛིན་ཡག་པོ་བྱ་དགོས། ཁུལ་དཔོན་གཞོན་པ་ཚོས་རང་ཉིད་ཀྱི་ལས་བགོས་འགན་གཉེར་བྱེད་སའི་ཁྱབ་ཁོངས་ནང་ཉིན་བརྒྱའི་འགག་སྒྲོལ་བྱ་སྤྱོད་འཆར་འགོད་ལག་ལེན་བྱེད་སྟངས་ཀྱི་རེ་འདུན་ལྟར། ནུས་པའི་འབྱུང་ཁུངས་དང་འགྲིམ་འགྲུལ། ཡུལ་སྐོར། དབུལ་སྐྱོར། སྤྱི་ཚོགས་བྱ་གཞག  དམངས་འཚོ་བཅས་གཙོ་གནད་ལས་གཞི་སྐུལ་སྤེལ་བཏང་ཚུལ་ལ་ལྟ་སྐུལ་བྱས་ནས་བྱ་དགའ་དང་ཆད་གཅོད་ཀྱི་བྱེད་ཐབས་བླངས་པ་དང་། ངར་ཤུགས་སློང་བའི་ནང་རྐྱེན་བཟོས་ནས་ད་ལོའི་དམིགས་ཡུལ་ལས་འགན་འགྲུབ་པར་འགན་སྲུང་བྱ་དགོས། དེ་དང་ཆབས་ཅིག  ངེས་པར་དུ་ཉེན་མེད་ངང་འཕེལ་རྒྱས་བཏང་ནས་ཉེན་མེད་ཐོན་སྐྱེད་ཀྱི་འགན་འཁྲི་ལམ་ལུགས་དོན་འཁྱོལ་ཏན་ཏིག་བྱས་ཏེ་རིགས་སྣ་ཚོགས་ཀྱི་ཉེན་མེད་འབྱུང་རྐྱེན་མེད་པ་བཟོས་གང་ཐུབ་བྱས་ནས་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་ཉེན་མེད་ཡོང་བར་འགན་སྲུང་བྱ་དགོས།
《དཀར་མཛེས་ཁུལ་གྱི་ཤར་རྒྱུད་དང་ལྷོ་རྒྱུད། བྱང་རྒྱུད་ས་ཁུལ་གྱི་ས་ཁོངས་དཔལ་འབྱོར་འཆར་འགོད》སོགས་ཀྱི་བྱ་གཞག་ལ་གྲོས་ཞིབ་བྱེད་སྐབས་ནན་བཤད་བྱས་དོན། ས་ཁོངས་ཆེན་པོ་གསུམ་གྱི་འཆར་འགོད་འདི་ཁུལ་ཨུ་དང་ཁུལ་སྲིད་གཞུང་གིས་ཤར་རྒྱུད་སྔོན་དུ་སྐུལ་སྤེལ་གཏང་རྒྱུ་དང་། ལྷོ་རྒྱུད་འཕེལ་རྒྱས་ཇེ་མགྱོགས་སུ་གཏང་རྒྱུ། བྱང་རྒྱུད་རྗེས་སྙེགས་ཀྱིས་འཕེལ་རྒྱས་གཏང་རྒྱུའི་སྤྱིའི་བཀོད་སྒྲིག་ལྟར། རྒྱང་མདོག་གི་འཕེལ་རྒྱས་ཀྱི་འདུ་ཤེས་དམིགས་སུ་ཐོན་པ་བྱས་ཏེ་དམིགས་ཡུལ་འགྲོ་ཕྱོགས་དང་གནད་དོན་འགྲོ་ཕྱོགས་རྒྱུན་འཁྱོངས་བྱས་ནས་ཚན་རིག་དང་མཐུན་པར་ས་ཁོངས་སོ་སོའི་འཕེལ་རྒྱས་གཏོང་ཕྱོགས་དང་འཕེལ་རྒྱས་གཏང་རྒྱུའི་དམིགས་ཡུལ་གཏན་འཁེལ་བྱས་པར་བརྟེན། གཙོ་གནད་ཀྱི་ལས་གཞི་དང་གཙོ་གནད་ཀྱི་ལས་གྲྭ  ལོ་འཁོར་གྱི་དམིགས་ཡུལ་བཅས་གསལ་པོར་བྱ་དགོས།

སྐབས་བཅུ་གཅིག་པའི་ཁུལ་སྲིད་གཞུང་གིས་རྒྱུན་ལས་གྲོས་ཚོགས་ཐེངས༣༨པ་འཚོགས།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10