ཀྲུང་གོ་བོད་ཀྱི་དྲ་བའི་འཕྲིན། བོད་ལྗོངས་ཚན་རིག་ལག་རྩལ་མཐུན་ཚོགས་ཀྱིས་བོད་སྐྱོར་ལས་དོན་ཚོགས་འདུ་ཐེངས་གཉིས་པ་གོ་སྐབས་སུ་རྩིས་ནས།  ཀྲུང་གོ་ཚན་རིག་ལག་རྩལ་མཐུན་ཚོགས་ཞིང་ལས་ཚན་རྩལ་ལྟེ་གནས་དང་ཀྲུང་གོ་ཞོག་ཁོག་དྲ་བ་དང་ཕྱོགས་ཡོངས་ནས་མཉམ་ལས་བྱས་ཏེ།  གཞིས་རྩེའི་ཁྱད་ལྡན་ཞོག་ཁོག་འདེབས་འཛུགས་ལ་བརྟེན་ནས་བོད་ལྗོངས་ཚན་རིག་ལག་རྩལ་མཐུན་ཚོགས་གྲོང་ཚོར་བཅའ་སྡོད་བྱེད་གནས་ཀྱི་ས་ཚིགས།  གཞིས་རྩེ་གྲོང་ཁྱེར་ལྷ་རྩེ་རྫོང་བཀྲ་ཤིས་སྒང་ཤང་སུའུ་གྲོང་ཚོ་དང་མང་ཕུ་ཤང་གནས་གྲོང་ཚོ་གཉིས་དཔེ་སྟོན་ཁུལ་བྱེད་པ་དང་།  རྣམ་གླིང་རྫོང་ཨེ་མ་སྒང་གི་ཞོག་ཁོག་འདེབས་འཛུགས་ཀྱི་ལེགས་ཆ་སྤྱད་དེ་རིམ་བཞིན་གཞི་ཁྱོན་ཆེ་རུ་བཏང་ནས་ཞོག་ཁོག་འདེབས་འཛུགས་རྟེན་གཞི་ཆགས་པ་རེད།

ཉིན་ཤས་གོང་།  བོད་ལྗོངས་ཚན་རིག་ལག་རྩལ་མཐུན་ཚོགས་ཀྱི་འབྲེལ་ཡོད་མི་སྣའི་ཕེབས་རོགས་འོག་ཀྲུང་གོ་ཞོག་ཁོག་དྲ་བའི་ལས་དོན་པས་གཞིས་རྩེ་གྲོང་ཁྱེར་དུ་ས་གནས་ས་ཐོག་གི་རྟོག་ཞིབ་བྱས་པ་དང་།  ལྷ་རྩེ་རྫོང་གི་སུའུ་གྲོང་ཚོ་དང་གནས་གྲོང་ཚོའི་འདེབས་འཛུགས་ལེགས་ཆ་དང་ཟུང་འབྲེལ་བྱས་ནས་གཞིས་རྩེ་གྲོང་ཁྱེར་དེ་ཉིད་ལྷོ་ནུབ་ས་ཁུལ་དང་ཀན་སུའུ་སོགས་ལ་ཁྱབ་འགྱེད་ཐུབ་པའི་ཞོག་ཁོག་མཁོ་སྤྲོད་རྟེན་གཞི་ཞིག་ཆགས་པ་བྱེད་དགོས་རྒྱུ་གསལ་སྟོན་བྱས་པ་རེད།  དུས་འགོའི་རྨང་གཞིའི་ལས་དོན་ཡག་པོ་སྒྲུབ་ཆེད།  ཀྲུང་གོ་ཞོག་ཁོག་དྲ་བས་སྤྱི་ཟླ10པའི་ཚེས25ཉིན་གཞིས་རྩེ་གྲོང་ཁྱེར་གྱི་འབྲེལ་ཡོད་དོ་དམ་མི་སྣ་ཀོང་ཏུང་གི་དགུན་འདེབས་ཁུལ་དུ་དུས་ཡུན་ཉིན15ཡི་ས་གནས་ས་ཐོག་གི་སྦྱོང་བརྡར་བྱེད་པར་སྐྱོད་རྒྱུ་བཀོད་སྒྲིག་བྱས་པ་རེད།  དེང་སྐབས།  བོད་ལྗོངས་ཚན་རིག་ལག་རྩལ་མཐུན་ཚོགས་དང་ཀྲུང་གོ་ཞོག་ཁོག་དྲ་བས་ཁྲོམ་རར་བརྟག་དཔྱད་བྱས་ནས་གྲངས་གཞི་འཐུས་ཚང་བཟོ་བ་དང་ལག་བསྟར་ཇུས་གཞི་ལེགས་སུ་གཏོང་བཞིན་ཡོད་པས།  ཇུས་གཞི་ལེགས་སུ་བཏང་ཟིན་རྗེས་འདེབས་འཛུགས་རྟེན་གཞིའི་གཞི་ཁྱོན་དང་སྣེ་ཁ།  སྔོན་དཔག་ཐོན་ཚད་སོགས་གཏན་འཁེལ་ཐུབ་རྒྱུ་རེད།   །