གསར་འགོད་པས་ཟུང་ཆུ་རྫོང་གི་མཁས་དབང་དམུ་དགེ་བསམ་གཏན་རིག་གཞུང་བགྲོ་གླེང་ཚོགས་འདུའི་གྲ་སྒྲིག་ཚན་ཆུང་ནས་རྒྱུས་ལོན་བྱུང་བ་ལྟར་ན། ཟུང་ཆུ་རྫོང་ཨུ་དང་རྫོང་མི་དམངས་སྲིད་གཞུང་གིས་གཙོ་སྒྲུབ་བྱས་པའི་མཁས་པའི་དབང་བོ་དམུ་དགེ་བསམ་གཏན་རིག་གཞུང་བགྲོ་གླེང་ཚོགས་འདུ་ཞེས་པ་སྤྱི་ཟླ༨བའི་ཚེས༢༡ཉིན་ནས༢༣ཉིན་བར་དུ་མཁས་དབང་མཆོག་གི་འཁྲུངས་ཡུལ་ཟུང་ཆུ་རྫོང་དུ་འཚོགས་རྒྱུ་རེད། 

     ཐེངས་འདིའི་རིག་གཞུང་བགྲོ་གླེང་ཚོགས་འདུར་ཀྲུང་དབྱང་དང་ཞིང་ཆེན། ཁུལ་གྱི་འགོ་ཁྲིད་དང་། སློབ་གྲྭ་ཆེན་མོ་དང་རིག་གཞུང་ཞིབ་འཇུག་ལས་ཁུངས་ཀྱི་ཆེད་མཁས་པ། བོད་བརྒྱུད་ནང་བསྟན་གྱི་བླ་སྐུ་མང་བོ་གདན་འདྲེན་བྱས་ནས་ཞུགས་རྒྱུ་རེད། ཚོགས་འདུའི་སྐབས་སུ་མཁས་དབང་མཆོག་གི་བཤམས་སྟོན་ཁང་དང་འཁྲུངས་ཡུལ། དམར་དམག་གནའ་ཤུལ་གྱི་བཤམས་སྟོན་ཁང་། ཟུང་ཆུ་རྫོང་གི་མནའ་མཁར་སོགས་སུ་ལྟ་སྐོར་བྱ་རྒྱུ་རེད།།