ཀྲུང་གོ་བོད་ཀྱི་དྲ་བའི་འཕྲིན། ཟླ་བདུན་པའི་ཚེས་བཅོ་བརྒྱད་ཉིན། 2016ལོའི་མཚོ་སྐོར་རྒྱལ་སྤྱིའི་གཞུང་ལམ་ལྕགས་རྟ་འགྲན་སྡུར་སྐབས་བཅོ་ལྔ་བའི་འགྲན་རིམ་གཉིས་པ་དེ་ཟི་ལིང་ནས་ཏ་ཐུང་གི་བར་ཡིན་ལ། རྒྱུག་ཡུན་དུས་ཚོད་གསུམ་ལྷག་བརྒྱུད་མཐར་གཞི་ནས་རྒྱུག་འགྲན་རིམ་པ་གཉིས་པ་ཡོངས་སུ་མཇུག་སྒྲིལ།

ཐེངས་འདིའི་འགྲན་རིམ་ལ་ཁྱོན་བསྡོམས་རྒྱུག་ཡུན་སྤྱི་ལེ་བརྒྱ་དང་རེ་ལྔ་ཡོད་ཅིང་། རྒྱུག་འགྲན་གནས་གཞི་གསུམ་ཡོད། འགྲན་སྡུར་མགོ་བརྩམས་མ་ཐག་འགྲན་ཞུགས་པ་རྣམས་ཧུར་བརྩོན་ཆེན་པོས་མདུན་གྲས་སུ་སླེབས་པར་འབད་པ་བྱས་ནའང་། བར་ཁྱད་ཆེན་པོ་མ་ཤོར། ཝུའུ་ཁི་ལན་རུ་ཁག་གི་འགྲན་ཞུགས་པ་པུའུ་ཚི་ཝེ་ཐ་ལིས་དང་དབྱི་ལང་པིས་ཧྲི་ཅ་མན་རུ་ཁག་གི་འགྲན་ཞུགས་པ་ཧྭ་མིས་ཏི། དབྱི་ལང་ཏ་པུའུ་ལི་ཧྲི་རུ་ཁག་གི་འགྲན་ཞུགས་པ་ཧྲ་ཨར་ཐི་བཅས་དུས་ཡུན་རིང་བོར་སྔུན་ལ་ཤོར་ནས། མཇུག་མཐར་འགྲན་ཞུགས་རུ་ཁག་སྤྱི་དང་བར་ཁྱད་སྐར་མ་བཞི་ཡིས་བསྐྱུར་ནས། རིམ་པར་ཐེངས་འདིའི་རྒྱུག་འགྲན་གནས་གཞི་དང་པོའི་བྱ་དགའ་ཨང་དང་པོ་དང་གཉིས་པ། གསུམ་པ་བཅས་བླངས།

རྒྱུག་འགྲན་གནས་གཞི་གསུམ་པའི་ནང་དུ་ཝུའུ་ཁི་ལན་གྱི་འགྲན་ཞུགས་པ་པུའུ་ཚི་ཝེ་ཐ་ལེ་ལ་འགྲན་རིམ་དེའི་རྟུལ་ཕོད་བྱ་དགའ་བྱིན།།