ཀྲུང་གོ་བོད་ཀྱི་དྲ་བའི་འཕྲིན།ཉེ་སྔོན།བོད་རང་སྐྱོང་ལྗོངས་མི་དམངས་སྨན་ཁང་གིས་བོད་ལྗོངས་ཀྱི་ཀྲུང་གོ་སྐྱེ་དངོས་གསོ་རིག་ཡིག་ཚགས་ཞབས་ཞུ་མ་ལག་ཐོག་མའི་སྒོ་བདེ་བླག་ངང་ཕྱེས། རྒྱུས་ལོན་བྱུང་བ་ལྟར་ན། མ་ལག་དེ་ནི་ཀྲུང་གོ་གསོ་རིག་ཚན་རིག་གླིང་གི་གསོ་རིག་ཆ་འཕྲིན་ཞིབ་འཇུག་དཔེ་མཛོད་ཁང་གིས་གསར་སྤེལ་དང་ཞིབ་འཇུག་བྱས་ལ།  དེ་ནི་བོད་ལྗོངས་ཀྱི་ཀྲུང་གོ་སྐྱེ་དངོས་གསོ་རིག་ཡིག་ཚགས་ཞབས་ཞུ་མ་ལག་ཐོག་མ་ཡིན་ཏེ། ཤོང་ཚད་ཕུན་སུམ་ཚོགས་པ། ཁྱོན་ཡོངས་དང་མགྱོགས་མྱུར་སྒོས་རྒྱལ་ཁང་ཕྱི་ནང་གི་སྐྱེ་དངོས་གསོ་རིག་ཁྱབ་ཁོངས་ཀྱི་ཞིབ་འཇུག་གི་གོང་འཕེལ་གསར་བ་ཚུར་སྣང་བྱེད་ཐུབ་པ་མ་ཟད། བྱེད་ནུས་ཧ་ཅང་ཆེ།   དེ་ནི་འཚོལ་ཞིབ་དང་། གཅིག་གྱུར་དབྱེ་ཞིབ། རིན་མེད་ལེན་པ། ཡི་གེ་ཆ་ཚང་བརྒྱུད་སྤྲོད་ཀྱི་ཞབས་ཞུ་སོགས་གཅིག་དྲིལ་ཅན་གྱི་སྐྱེ་དངོས་གསོ་རིག་ལས་རྒྱལ་ཁབ་ཕྱི་ནང་གི་ཡིག་རིགས་ལེགས་སྒྲིག་བྱས་ཡོད་པའི་ཡིག་ཚགས་ཞབས་ཞུ་མ་ལག་ཅིག་ཡིན་ལ། སྨན་ཁང་གི་གཞི་གྲངས་དཔེ་མཛོད་ཁང་ལ་བློ་གཏད་བྱས་ཆོག་པའི་ལག་རྩལ་འགན་སྲུང་མཁོ་འདོན་བྱེད་བཞིན་ཡོད།  གཞི་གྲངས་དཔེ་མཛོད་ཁང་གི་འཕེལ་རྒྱས་ཁ་ཕྱོགས་ལྟར་ན།   བོད་རང་སྐྱོང་ལྗོངས་མི་དམངས་སྨན་ཁང་གིས་སྔར་ལས་ལྷག་པའི་སྒོ་ནས་གཞི་གྲངས་དཔེ་མཛོད་ཁང་གི་འཛུགས་སྐྲུན་འཐུས་ཚང་དུ་གཏོང་རྒྱུ་ཡིན་པ་མ་ཟད།  ད་དུང་ཞབས་ཞུའི་ཁྱབ་ཁོངས་རིམ་བཞིན་རྒྱ་ཆེར་བཏང་ནས་ལྗོངས་ཡོངས་ཀྱི་སྨན་སྲུང་མི་སྣར་འཕྲོ་བ་བརྩོན་ལེན་བྱ་རྒྱུ་རེད། ཡང་ཤེས་རྟོགས་བྱུང་བ་ལྟར་ན། ད་ཕྱིན་ནས་བཟུང་བོད་རང་སྐྱོང་ལྗོངས་མི་དམངས་སྨན་ཁང་གིས་ཀྲུང་གོ་གསོ་རིག་ཚན་རིག་གླིང་ཆ་འཕྲིན་དཔེ་མཛོད་ཁང་དང་སྔར་ལས་ལྷག་པའི་སྒོ་ནས་མཉམ་འབྲེལ་རྒྱ་ཆེར་བྱས་ཏེ། ཀྲུང་གོ་གསོ་རིག་ཚན་རིག་ཆ་འཕྲིན་ཁང་སྟེ་བོད་ལྗོངས་ཡན་ལག་ཁང་འཛུགས་སྐྲུན་བྱས་ནས་ཞབས་ཞུའི་ཁྱབ་ཁོངས་རིམ་བཞིན་ལྗོངས་ཡོངས་ཀྱི་སྨན་བཅོས་མ་ལག་ལ་རྒྱ་བསྐྱེད་རྒྱུ་ཡིན་པ་མ་ཟད། ད་དུང་མཁས་དབང་ཅན་གྱི་གསོ་རིག་ཚན་རིག་ཞིབ་འཇུག་གི་གྲུབ་འབྲས་འཚོལ་ཞིབ་ཞབས་ཞུ་འདོན་སྤྲོད་བྱ་རྒྱུ་རེད།  །