ཀྲུང་གོ་བོད་ཀྱི་དྲ་བའི་འཕྲིན།　ཉིན་ཤས་བསྟུད་མར་རང་ལྗོངས་ཀྱི་ས་ཁུལ（གྲོང་ཁྱེར）ཁག་དང་སྡེ་ཚན་ཁག་གིས་བཞུགས་མོལ་ཚོགས་འདུ་འཚོགས་པ་དང་གཏམ་བཤད་འགྲན་བསྡུར་བྱེད་པ་སོགས་རྣམ་པ་འདྲ་མིན་སྣ་ཚོགས་བརྒྱུད“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོ་བཀོད་སྒྲིག་ཧུར་ཐག་བྱས་ནས་རྒྱ་ཆེའི་ཏང་ཡོན་ལས་བྱེད་པའི་ཕུགས་བསམ་གྱི་དད་སེམས་སྔར་བས་བརྟན་དུ་བཏང་སྟེ་ཆབ་སྲིད་ཀྱི་འདུ་ཤེས་དང་། སྤྱི་ཡོངས་ཀྱི་འདུ་ཤེས། སྲོག་ཤིང་གི་འདུ་ཤེས། མིག་ལྟོས་ཀྱི་འདུ་ཤེས་བཅས་སེམས་སུ་ཟུག་རྒྱུར་སྐུལ་མ་ཏན་ཏིག་བཏང་ཐོག་བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་མྱུར་པོ་དང་ཡུན་རིང་བདེ་འཁོད་ཆེད་རྩ་འཛུགས་ཀྱི་འགན་ལེན་ནུས་ལྡན་མཁོ་འདོན་བྱས་ཡོད།

ཚེས་27ཉིན་གྱི་ཕྱི་དྲོ། གཞིས་རྩེ་གྲོང་ཁྱེར་གྱིས“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་ལས་ཀའི་བཞུགས་མོལ་ཚོགས་འདུ་འཚོགས་ནས་གྲོང་ཁྱེར་ཡོངས་ཀྱི“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོ་སྔར་བས་བཀོད་སྒྲིག་བྱས་ཡོད། ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་གཞིས་རྩེ་གྲོང་ཨུད་ཀྱི་ཧྲུའུ་ཅི་བསྟན་འཛིན་རྣམ་རྒྱལ་ཕེབས་ནས་གསུང་བཤད་ཀྱང་གནང་བ་རེད། ཚོགས་འདུའི་ཐོག་རིམ་ཁག་ཏང་རྩ་འཛུགས་དང་རྒྱ་ཆེའི་ཏང་ཡོན་ཚོར“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་དོན་སྙིང་གལ་ཆེན་ཁོང་དུ་གཏིང་ཟབ་ཆུད་པ་བྱས་ཏེ་བསམ་བློ་དང་བྱ་སྤྱོད་ཀྲུང་དབྱང་དང་ལྗོངས་ཏང་ཨུད་ཀྱི་བཀོད་སྒྲིག་བླང་བྱའི་ཐོག་གཅིག་གྱུར་ཡོང་བ་བྱེད་དགོས་པའི་བླང་བྱ་བཏོན་གནང་བ་རེད།

ཚེས་29ཉིན་གྱི་སྔ་དྲོ། ལྗོངས་མི་དམངས་འཐུས་ཚོགས་ལས་ཁུངས་ཀྱིས“སློབ་སྦྱོང་གཉིས་དང་ཚད་ལོན་གཅིག”གི་བརྗོད་བྱ་གཙོ་བོའི་གཏམ་བཤད་འགྲན་བསྡུར་བྱས་པ་རེད། རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་འོད་ཟེར་དང་ཉི་མ་ཚེ་རིང་རྣམ་གཉིས་གཏམ་བཤད་འགྲན་བསྡུར་ནང་ཞུགས་པ་རེད། ད་རེས་ཀྱི་འགྲན་བསྡུར་ནང་ཞུགས་པའི་བདམས་ཐོན་པ་14ཚང་མ་མི་དམངས་འཐུས་ཚོགས་ལས་ཁུངས་ཀྱི་ཏང་ཀྲི་པུའུ་ཁག་ནས་ཡོང་བ་ཤ་སྟག་རེད། བདམས་ཐོན་པ་ཚོས་རང་ངོས་ཀྱི་དོན་དངོས་ལ་གཞིགས་པ་དང་རང་འཁྲིའི་ལས་དོན་དང་ཟུང་འབྲེལ་གྱིས།“སློབ་སྦྱོང་གཉིས་དང་ཚད་ལོན་གཅིག”གི་ངོས་འཛིན་དང་ཚོར་ཤེས་ཐད་ཚ་ཚ་འུར་འུར་ངང་གཏམ་བཤད་སྤེལ་བ་རེད།

ཚེས་26ཉིན་གྱི་ཕྱི་དྲོ། ལྗོངས་མི་དམངས་ཞིབ་དཔྱོད་ཁང་ལས་ཁུངས་ཀྱིས་ཚོགས་འདུ་འཚོགས་ནས“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོ་བཀོད་སྒྲིག་བྱས་ཤིང་། ཚོགས་འདུའི་ཐོག“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོ་ནི་ལྗོངས་མི་དམངས་ཞིབ་དཔྱོད་ཁང་ལས་ཁུངས་ཀྱི་མིག་སྔའི་ཆབ་སྲིད་ཀྱི་ལས་འགན་གལ་ཆེན་ཞིག་ཡིན་པ་དང་། སློབ་སྦྱོང་སློབ་གསོའི་དམིགས་ཡུལ་ནི་གནད་དོན་ཤེས་རྟོགས་ཐུབ་པ་དང་གནད་དོན་ཐག་གཅོད་བྱས་ཏེ་ངེས་པར་དུ་ཏང་དང་མི་དམངས་ཀྱི་བྱ་གཞག་ལ་ཚད་མཐོའི་འགན་འཁུར་བའི་སྙིང་སྟོབས་ཐོག་ནས་གནད་དོན་ལ་དམིགས་ཏེ་སློབ་སྦྱོང་བྱེད་པ་དང་གནད་དོན་ལ་དམིགས་ནས་སྒྱུར་བཅོས་བྱེད་དགོས་པའི་ནན་བཤད་བྱས་པ་རེད།

ཚེས་29ཉིན་གྱི་སྔ་དྲོ། རང་སྐྱོང་ལྗོངས་ཁྲིམས་འཛིན་ཐིང་གིས“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་སྐུལ་སློང་དང་བཀོད་སྒྲིག་ཚོགས་འདུ་འཚོགས་ནས་ཁྲིམས་འཛིན་ཐིང་ཁོངས་གཏོགས་ཀྱི“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོ་སྐུལ་སློང་དང་བཀོད་སྒྲིག་བྱས་པ་རེད། ཚོགས་འདུའི་ཐོག་ལྗོངས་ཁྲིམས་འཛིན་ཐིང་ཁོངས་གཏོགས་ལ་བསམ་བློ་གཅིག་འགྱུར་དང་ཐུན་མོང་གི་ངོས་འཛིན་གཅིག་ཏུ་བསྡུས་ནས“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོ་སྤེལ་རྒྱུའི་དོན་སྙིང་གལ་ཆེན་ངོས་འཛིན་གང་ལེགས་བྱེད་པ་དང་། གཙོ་གནད་མངོན་གསལ་དོད་པ་དང་བྱེད་ཐབས་ཤུགས་ཆེར་བཏང་ནས་སློབ་སྦྱོང་སློབ་གསོར་ཕན་འབྲས་ཏན་ཏིག་ཐོབ་པ་བྱེད་དགོས་པའི་བླང་བྱ་བཏོན་པ་རེད།

ཉེ་དུས། རང་སྐྱོང་ལྗོངས་སློབ་གསོ་ལས་དོན་ཨུ་ཡོན་ལྷན་ཁང་གིས“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་ལས་དོན་བཞུགས་མོལ་ཚོགས་འདུ་འཚོགས་པ་རེད། བཞུགས་མོལ་ཚོགས་འདུའི་ཐོག་རང་སྐྱོང་ལྗོངས་བོད་ལུགས་གསོ་རིག་སློབ་གླིང་དང་། ལྷ་ས་གྲོང་ཁྱེར་མཐོ་རིམ་དགེ་འོས་ཆེད་ཚན་སློབ་གྲྭ། ལྷ་ས་སློབ་འབྲིང་། སློབ་གསོ་ཐིང་སོགས་ཚན་པའི་ཏང་ཙུའུ་ཡི་འགན་འཁུར་བས་ཚན་པ་སོ་སོས“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོ་སྤེལ་ཚུལ་དང་ཉམས་མྱོང་སྤེལ་རེས་བྱས་པ་རེད།

ཉེ་དུས། ཀྲུང་གོ་གློག་འཕྲིན་བོད་ལྗོངས་ཀུང་སིའི་ཏང་ཙུའུ་ཡིས“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོ་བཀོད་སྒྲིག་བྱས་པའི་རྨང་གཞིའི་ཐོག་ཀུང་སི་དེའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་སླར་ཡང་སྒྲིག་འཛུགས་བྱས་ནས་ཧྲུའུ་ཅི་ཁྲེན་ཆོན་གོས་ལྗོངས་ཏང་ཨུད་ཏང་གི་སློབ་གྲྭར“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་ཆེད་དོན་ཏང་གི་སློབ་ཚན་འཁྲིད་གནང་བའི་དགོངས་དོན་སློབ་སྦྱོང་ནན་ཏན་བྱས་པ་རེད།

ཉེ་དུས། ལྷ་ས་གྲོང་ཁྱེར་དཔལ་འབྱོར་གསར་སྤེལ་ཁུལ་ཏང་དོན་ལས་དོན་ཨུ་ཡོན་ལྷན་ཁང་གིས“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་ལས་དོན་བཀོད་སྒྲིག་ཚོགས་འདུ་འཚོགས་པ་རེད།

ཉེ་དུས། ཞིང་ལས་དངུལ་ཁང་བོད་ལྗོངས་ཡན་ལག་དངུལ་ཁང་གིས“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་སྐུལ་སློང་དང་བཀོད་སྒྲིག（བརྙན་ལམ）ཚོགས་འདུ་འཚོགས་ནས་ཀྲུང་དབྱང་དང་ཞིང་ལས་སྤྱི་ཁྱབ་དངུལ་ཁང་དང་། དེ་བཞིན་རང་སྐྱོང་ལྗོངས་ཀྱི་འབྲེལ་ཡོད་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་། ལྗོངས་ཡོངས་ཀྱི་ཞིང་ལས་དངུལ་ཁང་གི“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་ལས་དོན་སྐུལ་སློང་དང་བཀོད་སྒྲིག་བྱས་པ་རེད།

ཚེས་29ཉིན། བོད་ལྗོངས་ཁྲལ་དོན་ཁོངས་གཏོགས་ཀྱིས“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་སྐུལ་སློང་དང་བཀོད་སྒྲིག་ཚོགས་འདུ་འཚོགས་པ་རེད།

“སློབ་སྦྱོང་གཉིས་དང་ཚད་ལོན་གཅིག”གི་སློབ་སྦྱོང་སློབ་གསོའི་སློབ་སྦྱོང་ལ་ཕན་འབྲས་ཐོན་པ་དང་སློབ་གསོར་གྲུབ་འབྲས་ཐོབ་པ་བྱ་རྒྱུར་སྐུལ་འདེད་གཏོང་ཆེད། ལྷ་ས་གྲོང་ཁྱེར་ཆུ་ཤུར་རྫོང་ཚ་རགས་ཤང་གིས་སློབ་སྦྱོང་སློབ་གསོ་སྤེལ་སྟངས་གསར་གཏོད་ཧུར་ཐག་བྱས་ནས་སྐད་འཕྲིན་དང་QQསོགས་ཀྱི་སྟེགས་བུའི་ལེགས་ཆ་གང་ལེགས་སྤྱད་དེ་ཤང་དེའི་ཏང་ཡོན་ལས་བྱེད་པ་སྣེ་ཁྲིད་ཀྱིས“སློབ་སྦྱོང་གཉིས་དང་ཚད་ལོན་གཅིག”གི་ཤེས་བྱའི་གནད་འགག་གཙོ་བོ་སློབ་སྦྱོང་ཧུར་ཐག་བྱས་པ་རེད།