ད་ལོའི་ལོ་མཇུག་ཏུ་ཀྲེ་ཅང་ཞིང་ཆེན་ཁྲང་ཞི་རྫོང་ཏུང་ཧྲེང་འོད་ཤུགས་ཞིང་ལས་ཚན་རྩལ་སྡེ་ཁུལ་ནང་ས་ཞིང་མུའུ1460བཟུང་བ་དང་། གློག་འདོན་འཕྲུལ་འཁོར་གྱི་སྤྱིའི་གློག་འདོན་ཚད་ཀྲའོ་ཝ30ལྡན་པའི་འོད་ཤུགས་གློག་འདོན་ལས་གྲྭའི་གློག་དྲྭ་སྦྲེལ་ནས་ཚོད་ལྟ་འཁོར་སྐྱོད་བྱེད་པའི་དུས་རིམ་དུ་བསླེབས་ཡོད། ལས་གྲྭ་དེས་འོད་ཤུགས་ཞིང་ལས་ཚན་རྩལ་གྱི་དྲོད་ཁང་ཆེན་པོ325བསྐྲུན་ཡོད་ཅིང་། དྲོད་ཁང་གི་སྟེང་དུ་གློག་འདོན་པ་དང་དྲོད་ཁང་འོག་ཏུ་སྲིབ་ངོས་འཕྲོད་པའི་དཔལ་འབྱོར་ལོ་ཏོག་འདེབས་པའི་ཇུས་བཀོད་བྱས་ཏེ། ས་ཞིང་གཅིག་ལ་ཕན་ཡོན་གཉིས་ལྡན་པ་མངོན་འགྱུར་བྱས་པས། ཀྲེ་ཅང་ཞིང་ཆེན་གྱི་མིག་སྔར་བར་གཞི་ཁྱོན་ཆེས་ཆེ་བའི་འོད་ཤུགས་ཞིང་ལས་ཀྱི་དཔེ་སྟོན་ལས་གཞི་ཡིན། ལས་གྲྭ་དེ་འཁོར་སྐྱོད་བྱེད་འགོ་བཙུགས་རྗེས་སྔོན་རྩིས་བྱས་ན་ལོ་རེར་འོད་ཤུགས་ཀྱི་གློག་འདོན་ཚད་སྟོང་ཝ་ཁྲི2813ལ་སླེབས་ཐུབ་པ་དང་། ལོ་རེར་ཁྲང་ཞི་རྫོང་ལ་དམིགས་ཚད་རྡོ་སོལ་ཏུན་ཁྲི1.01གི་བེད་སྤྱོད་བྱེད་ཚད་ཉུང་དུ་གཏོང་བ་དང་། དབྱངས་གཉིས་སོལ་འགྱུར་གྱི་གཏོང་ཚད་ཏུན་ཁྲི2.8ཉུང་དུ་གཏང་ཐུབ། འདོན་པའི་གློག་ཤུགས་ནི་རྒྱལ་ཁབ་གློག་དྲྭའི་ཁྲང་ཞི་རྫོང་གློག་འདོན་སྤྱི་གཉེར་ཁང་གིས་ཐམས་ཅད་ཉོ་སྒྲུག་བྱ་རྒྱུ་དང་ཁྱིམ་ཚང9000ལྷག་གི་ལོ་རེའི་གློག་སྤྱད་རྒྱུའི་དགོས་མཁོ་བསྐང་ཐུབ་རྒྱུ་རེད།　　པར་འདི་ནི་མཁའ་ཐོག་ནས་དཔར་བའི་ཁྲང་ཞི་རྫོང་གི་སྟོང་མུའུ་ལྡན་པའི་འོད་ཤུགས་གློག་འདོན་གྱི་ལས་གཞི་རེད།