ཀྲུང་གོ་བོད་ཀྱི་དྲ་བའི་འཕྲིན།ཉེ་ལམ།ལྷོ་ཁ་ས་ཁུལ་གྱིས་རྒྱལ་ཁབ་ཀྱི་སྤྱི་སྤྱོད་རིག་གནས་ཞབས་ཞུ་མ་ལག་དཔེ་སྟོན་ཁུལ་འཛུགས་སྐྲུན་བྱེད་པ་དང་དམངས་ཁྲོད་སྒྱུ་རྩལ་ཚོགས་པའི་རིག་རྩལ་འཁྲབ་སྟོན་བྱ་འགུལ་ལྷ་ས་གྲོང་ཁྱེར་ནས་སྤེལ་འགོ་བརྩམས།བསྡོམས་པས་འཁྲབ་སྟོན་ཐེངས་གསུམ་སྤེལ་བ་དང་།དེའི་ཁྲོད་རྗོང་རྒྱབ་ཀླུ་ཁང་དུ་འཁྲབ་སྟོན་ཐེངས་གཅིག་སྤེལ་བ་དང་།རང་སྐྱོང་ལྗོངས་ཀྱི་མང་ཚོགས་སྒྱུ་རྩལ་ཁང་དུ་འཁྲབ་སྟོན་ཐེངས་གཉིས་སྤེལ་བ་རེད།
2015ལོར།ལྷོ་ཁ་ས་ཁུལ་ནི་སྐོར་ཐེངས་གཉིས་པའི་རྒྱལ་ཁབ་ཀྱི་སྤྱི་སྤྱོད་རིག་གནས་ཞབས་ཞུ་མ་ལག་དཔེ་སྟོན་ཁུལ་འཛུགས་སྐྲུན་གྲོང་ཁྱེར་ཡིན་པའི་ཆ་ནས།ལྗོངས་ཕྱི་ནང་གི་ཕུལ་བྱུང་རིག་གནས་ཚོགས་པ་སོ་སོ་བར་དང་རིག་གནས་བརྗེ་རེས་བྱ་འགུལ་རབ་དང་རིམ་པ་སྤེལ་ཡོད་ཅིང་།མིག་སྔའི་བར་དུ།བསྡོམས་པས་ས་ཁོངས་རིགས་སོ་སོའི་རིག་གནས་མཉམ་འབྲེལ་བྱ་འགུལ་ཐེངས70ལྷག་སྤེལ་བ་དང་། བྱ་འགུལ་ཁྲོད་ཞུགས་མཁན་མི1000ཙམ་ཡོད་དེ། ལྟད་མོ་བ་མི་ཐེངས་ཁྲི8ལྷག་ཡོད་པ་རེད།  །