ཟླ་བ10པའི་ཚེས4ཉིན་གྱི་ཆུ་ཚོད16སྟེང་། ཧུའུ་ནན་ཁྲང་ཧྲ་ནས་ཡིན་པའི་བུད་མེད་ཡུལ་སྐོར་བ་ཞིག་གིས་རོང་བྲག་རྫོང་མདའ་མདོ་ཡུལ་ཤོག་སྲིད་གཞུང་ལ་ཁ་པར་བཏང་ནས་བུད་མེད་ཡུལ་སྐོར་བ་གསུམ་ཡུལ་སྐོར་ལྗོངས་རྒྱུར་འགྲོ་བའི་ལམ་བར་དུ་འབྲེལ་ལམ་ཆད་དེ་གར་སོང་ཆ་མེད་དུ་གྱུར་ཞེས་ཡར་ཞུ་བྱས། གནས་ཚུལ་འབྱོར་རྗེས་རོང་བྲག་རྫོང་གིས་ཉེན་རྟོག་པ་དང་ས་གནས་དེ་གའི་མངག་གཏོང་ཁང་། ནགས་སྲུང་ཉེན་རྟོག་པ། སྡེ་བའི་ལས་བྱེད་པ། རོང་འབྲོག་དམངས་ཚོགས་སོགས་མི་སྣ100ལྷག་མྱུར་དུ་རྩ་འཛུགས་བྱས་ཏེ་འཚོལ་ཞིབ་བྱེད་འགོ་བརྩམས། རྫོང་ཨུའི་རྒྱུན་ཨུ། སྲིད་ཁྲིམས་ཨུ་ཡོན་ལྷན་ཁང་གི་ཧྲུའུ་ཅི་གཡང་ཕུན་ཚོགས་ཀྱིས་འཚོལ་ཞིབ་རུ་ཁག་རུ་ཆུང་ལྔ་རུ་བགར་ཏེ་འཚོལ་ཞིབ་བྱས། དུས་ཡུན་ཆུ་ཚོད31རིང་ལ་འཚོལ་ཞིབ་བྱས་པ་བརྒྱུད་ཚེས5བའི་ཆུ་ཚོད10ཡི་སྟེང་འཚོལ་ཞིབ་རུ་ཆུང་ཞིག་གིས་བལ་རི་ཡུལ་ཤོག་བཀོད་དགུ་གྲོང་སྡེའི་འབྲོག་ཁྲིམ་ཞིག་ཏུ་འབྲེལ་ལམ་ཆད་པའི་བུད་མེད་ཡུལ་སྐོར་བ་གསུམ་འཚོལ་རྙེད་བྱུང་།།