ནང་ཆེན་སྤུ་རི་དགོན་པའི་རྗེས་ཤུལ་ནས་མིན་རྒྱལ་རབས་དུས་སྟོད་ཀྱི་བོད་བརྒྱུད་ནང་བསྟན་ལྡེབས་རིས་ཤིག་རྙེད།

མཚོ་སྔོན་གསར་འགྱུར། 2015-09-18

རྒྱུས་ལོན་བྱུང་བ་ལྟར་ན། ཡུལ་ཤུལ་བོད་རིགས་རང་སྐྱོང་ཁུལ་རིག་དངོས་ཡོངས་ཁྱབ་ཞིབ་བཤེར་རུ་ཁག་གིས་ཉིན་འགའི་སྔོན་ལ་ནང་ཆེན་རྫོང་སྤུ་རི་དགོན་པའི་རྗེས་ཤུལ་ནས་མིན་རྒྱལ་རབས་དུས་སྟོད་ཀྱི་བོད་བརྒྱུད་ནང་བསྟན་ལྡེབས་རིས་ཤིག་གསར་རྙེད་བྱུང་།
     སྤུ་རི་དགོན་པའི་རྗེས་ཤུལ་དེ་ནང་ཆེན་རྫོང་དང་བར་ཐག་སྤྱི་ལེ60ཡི་མཚམས་སུ་ཡོད་པ་དང་བྲག་རི་གཟར་མོའི་ངོས་སུ་འཛུགས་སྐྲུན་བྱས་ཡོད་ལ། མཚོ་ངོས་ལས་མཐོ་ཚད་རྨིད4100ཡོད། བྲག་ངོས་སུ་འགོ་སའི་གཞུང་ལམ་མེད་པས་རིག་དངོས་བྱ་བ་བྱེད་མཁན་དང་འབྲེལ་ཡོད་ཆེད་མཁས་པ་ཚོས་རྟ་ཞོན་ནས་དུས་ཚོད3ལྷག་ལ་སོང་ན་ད་གཟོད་ཡུལ་དེར་ཐོན་ཐུབ། ཆེད་མཁས་པ་ཚོས་དགོན་པའི་གྱང་ཆག་ཁྲོད་ནས་ཚོན་མདངས་རྣམ་པར་བཀྲ་བའི་ལྡེབས་རིས་ཤིག་གསར་རྙེད་བྱུང་།
     ལྡེབས་རིས་དེའི་རྒྱ་ཁྱོན་ལ་རྨིད་གྲུ་བཞི་མ80ལྷག་ཡོད་པ་དང་ཚོས་གཞི་པར་སླ་འབོར་ཆེན་བཀོལ་སྤྱོད་བྱས་ཡོད་ལ། ལྡེབས་རིས་ལ་ཅུང་མཛེས་སྡུག་ལྡན་པའི་ཕོ་བྲང་གི་ཁྱད་ཆོས་མངོན་པར་བྱས་ཡོད་པ་དང་སྐུ་པར་བྲིས་མའི་གཟུགས་བརྙན་མཛེས་སྡུག་ལྡན་ཞིང་རྣམ་འགྱུར་འཇམ་ཞིང་རྔམ་བརྗིད་ལྡན། མི་སྣའི་རྣམ་པ་འཇམ་ཞིང་མི་དངོས་མ་ཞིག་དང་འདྲ་བར་གསོན་ཉམས་ལྡན་པ་ཞིག་རེད།
     རྒྱལ་སའི་དངོས་མང་བཤམས་སྟོན་ཁང་གི་ཞིབ་འཇུག་མི་སྣ་ཧང་ཁྲོན་དང་ཀྲུང་གོ་སྤྱི་ཚོགས་ཚན་རིག་གླིང་གི་ཞིབ་འཇུག་མི་སྣ་དོན་གྲུབ་ཚེ་རིང་གཉིས་ཀྱིས་དགོན་པའི་ནང་གི་ལྡེབས་རིས་དེ་ནི་མིན་རྒྱལ་རབས་དུས་སྟོད་ཀྱི་བརྩམས་ཆོས་ཡིན་པར་བཤད། སྤུ་རི་དགོན་པའི་རྗེས་ཤུལ་ལྡེབས་རིས་ཀྱི་གསར་རྙེད་ལས་རྗེས་ཕྱོགས་བོད་བརྒྱུད་ནང་བསྟན་གྱི་ལྡེབས་རིས་ལ་ཞིབ་འཇུག་བྱེད་པར་རྨང་གཞི་བསྐྲུན།

ནང་ཆེན་སྤུ་རི་དགོན་པའི་རྗེས་ཤུལ་ནས་མིན་རྒྱལ་རབས་དུས་སྟོད་ཀྱི་བོད་བརྒྱུད་ནང་བསྟན་ལྡེབས་རིས་ཤིག་རྙེད།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10