ཟླ་བ9པའི་ཚེས22ཉིན། སྐབས་བཅོ་ལྔ་བའི་རྒྱལ་ཡོངས་བོད་ཡིག་སྨྱན་སྦྱོར་ལས་གཉེར་གྲོས་ཚོགས་མཇུག་བསྒྲིལ་བ་རེད།
　ཐེངས་འདིའི་གྲོས་ཚོགས་ཐོག2014ལོའི་ཟླ་བ7པ་ནས2015ལོའི་ཟླ་བ7པ་བར་གྱི་སྨྱན་སྦྱོར་ཁག་གི་ཐོག་བཀོད་པའི་བརྩམས་ཆོས་ཡག་པོ206བསྡུས་ཤིང་། བརྩམས་ཆོས་དཔྱད་ཞིབ་ཚོ་ཆུང་གིས་དཔྱད་ཞིབ་ནན་པོ་བྱས་པར་བརྒྱུད་བརྩམས་ཆོས162ལ་བྱ་དགའ་ཐོབ་ཅིང44མི་དགོས་པ་བཟོ་བ་དང་། དེའི་ནང་དུ་བརྩམས་ཆོས་ཨང་དང་པོའི་གྲས40དང་གཉིས་པའི་གྲས65གསུམ་པའི་གྲས52བཅས་དཔྱད་འདེམས་བྱས་པར་མ་ཟད། རྒྱ་བོད་ཡིག་སྒྱུར་ཐད་ཀྱི་ཐ་སྙད་གསར་པ152ཚད་ལྡན་གཅིག་གྱུར་བྱས་པ་རེད།
　ཐེངས་འདིར་ངེད་གསར་འགྱུར་ཁང་གི་མིའི་ཐེངས་གྲངས་ཁྱོན་བསྡོམས27ལ་བྱ་དགའ་ཐོབ་ཅིང་། དེའི་ནང་དུ་དཀའ་ངལ་མདུན་དུ་དཔའ་མི་ཞུམ་ཞིང་དད་སེམས་བརྟན་པས་ཡི་རང་བ་ཞེས་པར་གསར་འགྱུར་རིགས་ཀྱི་བྱ་དགའ་ཨང་དང་པོ་ཐོབ་པ་དང་། འབྲོག་མིའི་སེམས་ནང་གི་ཉེན་རྟོག་པ་བཟང་པོ་དང་ཡོང་འཕར་ཕྱུག་འགྱུར་ཡོང་བར་བྱས་ཏེ་འབྱོར་འབྲིང་ཕྱོགས་སུ་བསྐྱོད་ཅེས་པའི་བརྩམས་ཆོས་གཉིས་ལ་རྒྱས་འཕྲིན་རིགས་ཀྱི་བྱ་དགའ་ཨང་དང་པོ་ཐོབ་ཅིང་། ཡིག་སྒྱུར་ཁྲོད་དུ་བྱུང་བའི་གནད་དོན་འགའ་ལ་དཔྱད་པ་ཞེས་པར་དཔྱད་རྩོམ་རིགས་ཀྱི་བྱ་དགའ་ཨང་དང་པོ་ཐོབ་པ་རེད།