ཀྲུང་གོ་བོད་ཀྱི་དྲ་བའི་འཕྲིན། ཉེ་ལམ་བོད་ལྗོངས་གཞིས་རྩེ་གྲོང་ཁྱེར་གྱིས་སྐབས་གཉིས་པའི་རིག་གནས་འཕེལ་རྒྱས་གླེང་སྟེགས་བསྡུས་ཤིང་། ཐེངས་འདིའི་གླེང་སྟེགས་ཀྱི་དམིགས་ཡུལ་ནི་གཞིས་རྩེ་གྲོང་ཁྱེར་གྱི་རིག་གནས་ཐོན་ལས་འཕེལ་རྒྱས་ཐད་ཀྱི་གནད་དོན་ལ་དམིགས་ནས་ཆེད་མཁས་པ་དང་རིག་གནས་པའི་ཆ་ནས། གཞིས་ཀ་རྩེའི་རིག་གནས་འཕེལ་རྒྱས་ལ་དབྱེ་ཞིབ་བྱས་ཏེ། རིག་གནས་ཐོན་ལས་འཕེལ་རྒྱས་ཀྱི་བསམ་ཕྱོགས་གསར་པ་དཔྱད་བསྡུར་དང་། རིག་གནས་ཐོན་ལས་ཚན་རིག་དང་མཐུན་པར་འཕེལ་རྒྱས་བྱུང་བར་མཛུབ་སྟོན་གནང་བ་རེད།

གླེང་སྟེགས་སྟེང་བོད་རང་སྐྱོང་ལྗོངས་སྤྱི་ཚོགས་ཚན་རིག་ཞིབ་འཇུག་ཁང་གི་ཆེད་མཁས་པ་དང་ཀྲུང་གོའི་མི་རིགས་ལོ་རྒྱུས་སློབ་ཚོགས་ཀྱི་ཚོགས་གཙོ་གཞོན་པ། ཀྲུང་གོའི་ལོ་རྒྱུས་རིག་པའི་ཞིབ་འཇུག་ཚོགས་པའི་ལས་འཛིན་དང་། ཅན་ཆའོ་སློབ་ཆེན་གྱི་འཚམས་འདྲི་མཁས་པ་པ་སངས་དབང་འདུད་ནས་ཆེད་ལས་ལོ་རྒྱུས་དང་རིག་གནས་ཐད་ཀྱི་སྲོལ་རྒྱུན་གྱི་རིག་གནས་གསར་སྤེལ་དང་སྔོག་འདོན། སྲུང་སྐྱོབ་ཕྱོགས་ཀྱི་བསམ་འཆར་ཞིབ་ཕྲ་བཏོན། བོད་ལྗོངས་སློབ་ཆེན་ཚན་རིག་ཞིབ་འཇུག་ཁྲུའུ་ཡི་ཁྲུའུ་ཀྲང་དང་། དཔལ་འབྱོར་དང་རིག་གནས་ཞིབ་འཇུག་ལྟེ་གནས་ཀྱི་ཀྲུའུ་རེན། འབུམ་རམས་པའི་ཞིབ་འཇུག་སློབ་མའི་སློབ་དཔོན་དང་དགེ་རྒན་ཆེན་མོ་ཐུབ་བསྟན་མཁས་གྲུབ་ཀྱིས་གཞིས་ཀ་རྩེ་བོད་ལྗོངས་ཀྱི་ས་ཁུལ（གྲོང་ཁྱེར）བདུན་ཁྲོད་ཀྱི་ས་བབ་གནས་ཡུལ་དང་། ཀྲུང་དབྱང་གི་ཐེངས་དྲུག་པའི་བོད་ལྗོངས་ཀྱི་ལས་དོན་བཞུགས་མོལ་ཚོགས་འདུའི་དགོངས་དོན་དང་ཟུང་འབྲེལ་བྱས་ཏེ་རྣམ་པ་མི་འདྲ་བའི་སྒོ་ནས་གཞིས་ཀ་རྩེ་གྲོང་ཁྱེར་གྱིས་རྒྱལ་མཚམས་བརྒལ་བའི་གནས་སྐོར། མཐའ་མཚམས་གནས་སྐོར་བྱ་བ་ལེགས་པོར་སྒྲུབ་པའི་དགེ་མཚན་ལྡན་པའི་ཆ་རྐྱེན་བརྗོད་དེ། འཛུགས་སྐྲུན་རང་བཞིན་གྱི་བསམ་འཆར་བཏོན་པ་རེད།  །