དམངས་རྣམས་ཟས་ལ་བརྟེན་ཞིང་། འབྲུ་རིགས་ས་ཞིང་ལ་བརྟེན་དགོས། རྒྱལ་ཁབ་ཀྱི་འབྲུ་རིགས་ཉེན་མེད་ལ་འགན་སྲུང་བྱེད་པའི་རྩ་བ་དེ་རྨོ་ཞིང་ལ་ཐུག་ཡོད། ཏང་གི་ཚོགས་ཆེན་བཅོ་བརྒྱད་པའི་ཚུན་དུ་གྲོས་ཚོགས་ཐོག་གནང་བའི་གསུང་བཤད་ཡིན་ནའང་འདྲ། ཡུལ་དངོས་སུ་རྟོག་ཞིབ་གནང་བར་ཕེབས་པ་ཡིན་ནའང་འདྲ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྒྱུན་དུ་རྨོ་ཞིང་ལ་སྲུང་སྐྱོབ་བྱེད་པའི་དོན་ཆེན་དེ་ཐུགས་དབུས་སུ་འཇོག་གནང་མཛད་ཡོད།    

    རྨོ་ཞིང་མུའུ་དུང་ཕྱུར18ཀྱི་དམར་ཐིག་དེ་བརྟན་སྲུང་བྱེད་དགོས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས། རྨོ་ཞིང་སྲུང་སྐྱོབ་བྱེད་པའི་ཐད། མུའུ་དུང་ཕྱུར18ཀྱི་རྨོ་ཞིང་མིང་དོན་དང་མཚུངས་པ་བྱས་ཏེ་ཞིང་ཁ་སྲུང་སྐྱོབ་བྱེད་དགོས་པ་མ་ཟད་ངེས་པར་དུ་སྤུས་ལེགས་ཞིང་ཁ་ཡིན་དགོས་པའི་བླང་བྱ་ཁ་གསལ་སྟོན་གནང་ཡོད།   

    སྤྱི་ལོ2022ལོའི་ཟླ་བ6ཚེས8ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་སི་ཁྲོན་ཞིང་ཆེན་མེ་ཧྲན་གྲོང་ཁྱེར་ཏུང་ཕོ་ཆུས་ཐའེ་ཧོ་གྲོང་རྡལ་ཡུང་ཧྥོང་གྲོང་ཚོའི་ཚད་གཞི་མཐོ་བའི་ཆུ་འབྲས་འདེབས་འཛུགས་རྟེན་གཞིར་རྟོག་ཞིབ་གནང་བར་ཕེབས་སྐབས། ཁོང་གིས། ཁྲེན་ཏུའུ་ཡི་གཤོངས་ས་ནི་གནའ་ནས་དངོས་རྫས་འཛོམས་པའི་ཡུལ་ལུང་ཞེས་པའི་མཚན་སྙན་ལྡན་ཡོད། རྨོ་ཞིང་གི་དམར་ཐིག་བརྟན་སྲུང་བྱས་ནས་འབྲུ་རིགས་ཐོན་ཁུལ་གཙོ་བོ་དེར་སྲུང་སྐྱོབ་ཡག་པོ་དང་འབྲུ་རིགས་ཐོན་སྐྱེད་ལ་དམ་འཛིན་ཡག་པོ་བྱས་ཐོག་དུས་རབས་གསར་པར་ཆུ་ཚད་དེ་བས་མཐོ་བའི་ཁྲེན་ཏུའུ་ཡི་འབྲུ་རིགས་ཐོན་ཁུལ་གཏོད་དགོས་ཞེས་ནན་སྟོན་གནང་ཡོད།

    མིག་སྔའི་བར། སི་ཁྲོན་ཞིང་ཆེན་གྱིས་ཞིང་ཆེན་དང་གྲོང་ཁྱེར། རྫོང་། ཡུལ་ཤོག། གྲོང་ཚོ་བཅས་རིམ་པ་ལྔའི་ས་ཞིང་དོ་དམ་པ་དྲུག་ཁྲི་ལྷག་དང་། དྲ་མིག་དོ་དམ་པ་ཆིག་འབུམ་བདུན་ཁྲི་སུམ་སྟོང་ལྷག་ཙམ་བཀོད་སྒྲག་བྱས་ནས་རིམ་པ་ལྔའི་ཞིང་དཔོན་སྣོན་དྲ་མིག་དོ་དམ་པའི་རྨོ་ཞིང་སྲུང་སྐྱོབ་འགན་ཁྲིའི་ལམ་སྲོལ་དང་རྨོ་ཞིང་སྲུང་སྐྱོབ་བྱེད་པའི་དྲ་མིག་ཅན་གྱི་ལྟ་སྐུལ་དོ་དམ་ལམ་སྲོལ་སྤྱིའི་ཆ་ནས་བཙུགས་ཟིན་པ་རེད།   

    སྤྱི་ལོ2023ལོའི་ཟླ་བ5ཚེས11ཉིན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཧོ་པེ་ཞིང་ཆེན་ཚང་ཀྲའུ་གྲོང་ཁྱེར་ཧོང་ཧྭ་གྲོང་ཁྱེར་ཅེའུ་ཁྲེང་གྲོང་རྡལ་ཤན་ཀྲོང་ཁུལ་གྱི་ཐན་བུལ་གྲོ་ཞིང་དུ་རྟོག་ཞིབ་གནང་བར་ཕེབས་པ་དང་། རྒྱ་ཆེ་བའི་ཞིང་ཐང་དུ་གཟིགས་ཞོར། སྤྱི་ཁྱབ་ཧྲུའུ་ཅིས། རྒྱལ་ཡོངས་སུ་ཁྱོན་བ་ཚྭ་ཅན་གྱི་ས་ཆ་མུའུ་དུང་ཕྱུར15ཡོད་པ་ལས་འབྲུ་རིགས་འདེབས་རྒྱུར་འཚམས་པའི་རྒྱ་ཁྱོན་མུའུ་དུང་ཕྱུར5ལས་མེད། གལ་ཏེ། ལྷགས་འཕྲོ་དེ་དག་གསར་སྤེལ་བེད་སྤྱོད་ཐུབ་ན་རང་རྒྱལ་གྱི་རྨོ་ཞིང་རྒྱ་ཁྱོན་ཆེ་རུ་གཏོང་བ་དང་རྒྱལ་ཁབ་ཀྱི་འབྲུ་རིགས་བདེ་འཇགས་ལ་འགན་སྲུང་བྱེད་པའི་ཐད་དོན་སྙིང་ཆེན་པོ་ལྡན་ཡོད་ཅེས་གསུངས་ཡོད།     

    སྤྱི་ལོ2022ལོའི་ཟླ་བ12པར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་གྲོང་གསེབ་ལས་དོན་གྲོས་ཚོགས་སུ་ཞུགས་གནང་བར་མ་ཟད་གསུང་བཤད་གལ་ཆེན་གནང་བ་དང་། ཁོང་གིས། རྨོ་ཞིང་མུའུ་དུང་ཕྱུར18ཀྱི་དམར་ཐིག་བརྟན་སྲུང་བྱས་ནས་བརྟན་འཇགས་ཀྱི་གཞི་རྩའི་ས་ཞིང་དེ་དག་ཚང་མ་རིམ་པ་བཞིན་ཚད་གཞི་མཐོ་བའི་ས་ཞིང་དུ་བསྒྱུར་བ་བྱེད་དགོས་ཞེས་ནན་སྟོན་གནང་ཡོད།   

   ཏང་གི་ཚོགས་ཆེན་བཅོ་བརྒྱད་པའི་ཚུན་དུ། རང་རྒྱལ་གྱིས་ཚད་གཞི་མཐོ་བའི་ས་ཞིང་འཛུགས་སྐྲུན་ལ་སྐུལ་འདེད་བཏང་བ་བརྒྱུད་དེ་ཐན་སྐྱོན་དང་ཞོད་སྐྱོན་ཆེ་བའི་སྐབས་སུའང་འབྲུ་རིགས་བསྡུ་རྒྱུ་ཡོད་པ་དང་། ད་དུང་ཐོན་འབབ་མཐོ་པོ་དང་བརྟན་པོ་ཡོད་པའི་སྤུས་ལེགས་ས་ཞིང་ཁག་ཅིག་བསྐྲུན་ཡོད། སྤྱི་ལོ2022ལོའི་ལོ་མཇུག་བར་སླེབས་དུས། རང་རྒྱལ་གྱིས་རིམ་རྩིས་བྱས་ན་ཚད་གཞི་མཐོ་བའི་ས་ཞིང་མུའུ་དུང་ཕྱུར10འཛུགས་སྐྲུན་བྱས་ཡོད། ད་ལོ་མུའུ་བྱེ་བ4དང་ས་ཡ5གསར་སྦོལ་བྱ་རྒྱུར་མ་ཟད་མུའུ་བྱེ་བ3དང་ས་ཡ5བསྒྱུར་བཀོད་བྱ་རྒྱུ་ཡིན་པ་རེད།