ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོའི་ལས་དོན་གྲོས་ཚོགས་ཐོག སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གསུང་བཤད་གལ་ཆེན་གནང་བར་ས་གནས་ཁག་གི་ཏང་ཡོན་ལས་བྱེད་པའི་ཁྲོད་ལན་ཆ་བཟང་པོ་བྱུང་ཡོད། ཚང་མས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པས་བསམ་བློར་དྲག་ཆས་སྤྲོད་རྒྱུ་དང་། ལག་ལེན་ལ་མཛུབ་ཁྲིད་བྱ་རྒྱུ། ལས་དོན་ལ་སྐུལ་འདེད་གཏོང་རྒྱུ་བཅས་མཐའ་འཁྱོངས་བྱས་ཐོག འབད་འབུངས་ཡར་བརྩོན་དང་ཞུམ་མེད་མདུན་སྐྱོད་བྱས་ཏེ། རྒྱང་ལམ་གསར་པའི་ཐོག་ལོ་རྒྱུས་ཀྱི་རླབས་ཆེའི་བྱ་གཞག་གསར་པ་ཟམ་མི་ཆད་པར་གཏོད་རྒྱུ་ཡིན་ཞེས་གསུངས་ཡོད།

     སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས། ད་ཐེངས་ཀྱི་བརྗོད་དོན་གཙོ་བོའི་སློབ་གསོ་སྤེལ་རྒྱུ་དེ་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་ལག་བསྟར་བྱ་རྒྱུ་གཏིང་ཟབ་ས་དང་དོན་དངོས་ཀྱི་ཕྱོགས་སུ་སྐུལ་འདེད་གཏོང་བའི་ཐད་འབད་འབུངས་བྱས་ཐོག བསམ་བློ་ཕྱོགས་གཅིག་ཏུ་གཏོང་བ་དང་སྟོབས་ཤུགས་ཕྱོགས་གཅིག་ཏུ་བསྒྲིལ་ནས། ཏང་འདི་ཉིད་རྒོལ་ན་གཏོར་མི་ཐུབ་པ་མེད་པ་དང་འཐབ་ན་རྒྱལ་ཁ་མི་ཐོབ་པ་མེད་པའི་ངར་ལྕགས་ལྟར་སྲ་ཞིང་མཁྲེགས་པ་ཞིག་ཏུ་ཞུན་བརྡར་བྱེད་དགོས་ཞེས་གསུངས་ཡོད།

     ཤིན་ཅང་སློབ་ཆེན་གྱི་སློབ་སྤྱི་གཞོན་པ་སའེ་མའེ་ཅང·ཨུ་སི་མན་གྱིས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པས་ཀྲུང་གོའི་འདྲི་གཞི་དང་། འཛམ་གླིང་གི་འདྲི་གཞི། མི་དམངས་ཀྱི་འདྲི་གཞི། དུས་རབས་ཀྱི་འདྲི་གཞི་བཅས་ལ་ཚན་རིག་དང་མཐུན་པའི་ལན་བཏབ་ཡོད་པ་དང་། ཚན་རིག་གི་དགོངས་པ་དེས་གཅིག་ནས་གང་ཞིག་ཡིན་པ་དང་རྒྱུ་མཚན་གང་ཡིན་པ་གསལ་པོར་བསྟན་ཡོད་ལ། གཉིས་ནས་གང་འདྲ་བྱས་ནས་བལྟ་བ་དང་གང་འདྲ་བྱས་ནས་སྒྲུབ་མིན་ཡང་གསལ་པོར་བསྟན་ཡོད་པས། མར་ཁེ་སི་རིང་ལུགས་ཀྱི་འཇིག་རྟེན་ལྟ་བ་དང་བརྟག་ཐབས་སྨྲ་བ་གཉིས་ཕན་ཚུན་གཅིག་གྱུར་ཡོང་བ་བྱ་རྒྱུ་གསོན་ཉམས་དོད་པོས་བསྟན་ཡོད་ཅིང་། རྒྱང་ལམ་གསར་པའི་ཐོག་མི་སེམས་ལ་སྐུལ་མ་ཐེབས་པའི་དམིགས་ཚད་དེ་དག་གི་མདུན་དུ། ང་ཚོས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པར་སློབ་སྦྱོང་དང་ལག་བསྟར་གཏིང་ཟབ་བྱས་ཏེ། སྦྱངས་ནས་ཤེས་པ་དང་། དོན་རྟོགས་པ། དོན་ཐོག་ཏུ་འཁྱོལ་བ་བཅས་བྱ་དགོས་ཞེས་གསུངས་ཡོད།

     ཧུའུ་ནན་ཞིང་ཆེན་བཟོ་ལས་དང་ཆ་འཕྲིན་ཅན་ཐིང་གི་ཐིང་ཀྲང་ལེ་ཧྲའོ་ཡེ་ཡིས། སྤྱི་ཁྱབ་ཧྲུའུ་ཅིའི་གསུང་བཤད་ཀྱིས་ཀྲུང་གོའི་རྣམ་པའི་དེང་རབས་ཅན་གྱི་ལམ་བུར་ཁ་ཕྱོགས་གསལ་སྟོན་གནང་ཡོད། ང་ཚོས་ད་ཐེངས་ཀྱི་བརྗོད་གཙོའི་སློབ་གསོ་དེ་གོ་སྐབས་སུ་བྱས་ནས། རང་རྟོགས་ངང་སློབ་སྦྱོང་བྱས་ནས་བསམས་གཞིགས་བྱེད་ཐུབ་པ་དང་ལག་ལེན་དུ་འཁྱོལ་ཐུབ་པ་བྱེད་པའི་ཐད་བྱང་ཆུབ་པ་དང་། ཤེས་བྱ་དང་དད་སེམས་བྱ་སྤྱོད་བཅས་ཕན་ཚུན་གཅིག་གྱུར་ཡོང་བ་བྱེད་པའི་ཁྲོད། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་སྟོབས་ཆེའི་བསམ་བློའི་དྲག་ཆས་དེར་ཁྱོན་ཡོངས་ནས་རྒྱུས་ལེན་ཐུབ་པ་བྱས་ཏེ། དེའི་ཁྲོད་ནས་ཡར་བརྩོན་ལྷུར་ལེན་གྱི་བློ་རིག་དང་སྟོབས་ཤུགས་བསྡུ་ལེན་བྱེད་དགོས་ཞེས་གསུངས་ཡོད།

     ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་མཛུབ་ཁྲིད་འོག ཀྲུང་ཧྭ་མི་རིགས་ལ་ལོ་ངོ་བརྒྱ་སྟོང་རིང་དཀའ་ཚེགས་བཟོས་པའི་བལྟོས་མེད་དབུལ་ཕོངས་ཀྱི་གནད་དོན་ལོ་རྒྱུས་རང་བཞིན་གྱི་སྒོ་ནས་ཐག་གཅོད་ཐུབ་ཡོད། ད་ཆ་ཕྱུག་འགྱུར་ཐུབ་པའི་ཡུལ་མི་ཚོས་གོམ་ཞེང་ཆེན་པོས་གྲོང་གསེབ་དར་རྒྱས་གཏོང་བའི་ལམ་བུའི་སྟེང་སྐྱོད་བཞིན་ཡོད། ཧྲའན་ཞི་ཡན་ཨན་ཨན་སའེ་ཁུལ་དུ། འདེབས་གསོ་དང་། ལས་སྣོན། མཛོད་འཇུག་བྱེད་པ་སོགས་ཀྱི་ཀུ་ཤུའི་ཐོན་ལས་སྦྲེལ་ཐག་བརྒྱུད་མང་ཚོགས་རྣམས་འབབ་འཕར་ཕྱུག་འགྱུར་བྱུང་ཡོད། ཧོ་པེ་ཧྥུ་ཕིང་རྫོང་ལོ་ཐོ་ཝན་གྲོང་ཚོར་ཡུལ་མི་ཚོས་ཤ་མོ་འདེབས་གསོའི་ལས་ལ་བྲེལ་བཞིན་ཡོད། སྔོན་ཆད་ཀྱི་ས་རྒྱུ་ཞན་ཞིང་སྒོ་བཀག་རྣམ་པར་ལུས་པའི་གྲོང་ཚོ་ཆུང་ཆུང་དེས་ཡུལ་བབ་དང་བསྟུན་ནས་ཁྱད་ལྡན་ཐོན་ལས་གོང་འཕེལ་བཏང་བས་འབྱོར་འབྲིང་གི་འཚོ་བ་སྐྱེལ་ཐུབ་པ་བྱུང་ཡོད།

     ཧོ་པེ་པའོ་ཏིང་གྲོང་ཁྱེར་ཧྥུ་ཕིང་རྫོང་གི་རྫོང་དཔོན་ཝང་ཀྲན་ཞང་གིས། དབུལ་སྒྲོལ་ནས་འབྱོར་འབྲིང་བར་ཧྥུ་ཕིང་རྫོང་དུ་གནམ་ས་བླ་འོག་ཏུ་འགྱུར་བ་ལྟ་བུའི་འཕོ་འགྱུར་བྱུང་ཡོད། དུས་རབས་གསར་པའི་ལོ་ངོ་བཅུའི་རླབས་ཆེའི་འཕོ་འགྱུར་དེ་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་ཚན་རིག་དང་མཐུན་པའི་མཛུབ་ཁྲིད་ལ་བརྟེན་ནས་བྱུང་བ་ཡིན། ད་ཐེངས་ཀྱི་བརྗོད་དོན་གཙོ་བོའི་སློབ་གསོའི་ཁྲོད། ང་ཚོས་ངེས་པར་དུ་རིགས་པའི་གཞུང་ལུགས་ལ་བརྟེན་ནས་བསམ་བློར་དྲག་ཆས་སྤྲོད་པ་དང་། ཤེས་སྤྱོད་ཟུང་འབྲེལ་ཐུབ་པ་བྱས་ཐོག རྐང་ཟུང་འགུལ་ནས་འཐབ་ས་དང་པོར་བསྐྱོད་དེ་གང་འདྲ་བྱས་ནས་གྲོང་གསེབ་ཀྱི་ཁྱད་ལྡན་ཐོན་ལས་སྔར་བས་གོང་འཕེལ་གཏོང་རྒྱུའི་ཐད་བརྟག་དཔྱད་ཞིབ་འཇུག་བྱེད་པ་དང་། ཐབས་ཤེས་རྙེད་པ་བྱས་ཏེ་ཡུལ་མི་རྣམས་དེ་བས་ལེགས་པའི་འཚོ་བ་སྐྱེལ་རྒྱུ་ཡོང་བ་བྱ་རྒྱུ་ཡིན་ཞེས་གསུངས་ཡོད།

     ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་མཛུབ་སྟོན་འོག ང་ཚོས་ས་ཁོངས་མཐུན་སྦྱོར་གོང་འཕེལ་གྱི་ལས་དོན་ལེགས་པར་བསྒྲུབ་ཐུབ་པ་བྱེད་བཞིན་ཡོད། པེ་ཅིང་དུ། གྲོང་ཁྱེར་གྱི་ལྟེ་བ་ཕལ་པའི་ས་ཚིགས་ཀྱི་ཕྱོགས་བསྡུས་འགྲིམ་འགྲུལ་འགག་གནད་ཀྱིས་དུས་ཚོད་དམ་འཛིན་གྱིས་ལས་དོན་སྒྲུབ་པ་དང་། པེ་ཅིང་དང་། ཐེན་ཅིན། ཧོ་པེ་བཅས་མཐུན་སྦྱོར་གོང་འཕེལ་ཡོང་བ་བྱེད་པའི་མཚོན་རྟགས་རང་བཞིན་གྱི་ལས་གྲྭ་ཞིག་ཡིན་པའི་ངོས་ནས། འབྱུང་འགྱུར་འདི་གར་ཆུ་ཚོད་གཅིག་གི་ནང་ཐར་ཀར་ཞུང་ཨན་ཁུལ་གསར་དང་། ཐེན་ཅིན། ཐང་ཧྲན་སོགས་སུ་སླེབས་ཐུབ་པ་བྱ་རྒྱུ་རེད། གཞན་ཡང་ཁྲུང་ཆིང་དུ། ཁྲེང་ཏུའུ་དང་ཁྲུང་ཆིང་གི་གྲོང་གཉིས་དཔལ་འབྱོར་ཁུལ་འཛུགས་སྐྲུན་བྱེད་པ་དང་བསྟུན་ནས། ལས་ཞུགས་དང་། སྤྱི་ཚོགས་འགན་བཅོལ། འཕྲིན་གཏོང་སོགས་དམངས་འཚོའི་བྱ་དོན་310ཙམ་སི་ཁྲོན་དང་ཁྲུང་ཆིང་དུ་མཉམ་གཉེར་ཐུབ་ཡོད་པ་རེད།

     པེ་ཅིང་གྲོང་ཁྱེར་གྱི་པེ་ཅིང་དང་། ཐེན་ཅིན། ཧོ་པེ་བཅས་མཐུན་སྦྱོར་གཞུང་ལས་ཁང་གི་ཀྲུའུ་རིན་གཞོན་པ་ལིའུ་པོ་ཀྲེང་གིས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་མཛུབ་སྟོན་འོག པེ་ཅིང་དང་། ཐེན་ཅིན། ཧོ་པེ་བཅས་མཐུན་སྦྱོར་གོང་འཕེལ་གཏོང་རྒྱུ་དེ་དུས་རབས་གོང་འཕེལ་གྱི་ཚན་རིག་དང་མཐུན་པའི་བཀོད་པ་དང་མཐུན་ཞིང་། ས་གནས་གསུམ་གྱི་བཟང་ཆ་ཕན་ཚུན་གསབ་རེས་ཐུབ་ཡོད་པས། དེང་རབས་ཅན་གྱི་རྒྱལ་སའི་གྲོང་ཚོམས་ཀྱི་འཁོར་རྒྱ་འཛུགས་སྐྲུན་བྱ་རྒྱུར་གསོན་ཤུགས་ཀྱིས་ཁེངས་པར་གྱུར་ཡོད། ང་ཚོས་ད་ཐེངས་ཀྱི་བརྗོད་གཙོའི་སློབ་གསོ་དེ་ལེགས་པར་གཉེར་ནས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པར་ཁྱོན་ཡོངས་ནས་སློབ་སྦྱོང་དང་གོ་བ་བླངས་ནས་ཀྲུང་གོའི་རྣམ་པའི་དེང་རབས་ཅན་དེ་ས་ཁོངས་མཐུན་སྦྱོར་གོང་འཕེལ་ཁྲོད་གསོན་ཉམས་དོད་པའི་ལག་ལེན་དེ་བས་མང་བར་འགྱུར་རྒྱུར་སྐུལ་འདེད་གཏོང་རྒྱུ་ཡིན་ཞེས་གསུངས་ཡོད། 

     ཁྲུང་ཆིང་གྲོང་ཁྱེར་ཅང་པེ་ཁུལ་ཨུ་ཡོན་ལྷན་ཁང་གི་ཧྲུའུ་ཅི་ཐེང་ཧུང་ཝེ་ཡིས། ང་ཚོས་ཁྲེང་ཏུའུ་དང་ཁྲུང་ཆིང་ས་ཁུལ་གྱི་གྲོང་གཉིས་དཔལ་འབྱོར་ཁུལ་འཛུགས་སྐྲུན་ནང་ཧུར་ཐག་ཞུགས་པ་དང་། ས་ཁོངས་གོང་འཕེལ་དོ་སྙོམས་མེད་པ་དང་འདང་ངེས་མེད་པ་སོགས་ཀྱི་གནད་དོན་ལ་དམིགས་ནས། ལྟེ་བའི་ཁྲིད་སྟོན་ནུས་པ་འདོན་སྤེལ་དེ་བས་ལེགས་པ་བྱས་ཏེ་བརྗོད་དོན་གཙོ་བོའི་སློབ་གསོའི་གྲུབ་འབྲས་དངོས་སྤུས་ཚད་མཐོ་བའི་གོང་འཕེལ་གྱི་འགུལ་ཤུགས་ཆེན་པོར་འགྱུར་བ་བྱ་རྒྱུ་ཡིན་ཞེས་བསྟན་ཡོད། 

     ཏང་གི་ཚོགས་ཆེན་བཅོ་བརྒྱད་པ་ཚོགས་ཚུན། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་དགོངས་པའི་མཛུབ་ཁྲིད་འོག སྒོ་དབྱེའི་རང་བཞིན་གྱི་འཛམ་གླིང་དཔལ་འབྱོར་གོང་འཕེལ་ལ་སྣེ་ཁྲིད་བྱེད་པའི་བསམ་བློ་གསར་པ་རབ་དང་རིམ་པ་བཏོན་ཡོད་པ་དང་། ཕྱི་ཕྱོགས་སྒོ་དབྱེའི་བྱ་ཐབས་གསར་པ་མང་པོ་དོན་འཁྱོལ་བྱས་ཡོད་པས། ཕྱི་ཕྱོགས་སྒོ་དབྱེའི་རྣམ་པ་གསར་པ་གཏོད་ཡོད། རྒྱལ་སྤྱིར་ཁ་ཕྱོགས་སྐབས། ཧའེ་ནན་གྱིས་འཛམ་གླིང་ལ་ཤུགས་རྐྱེན་ལྡན་པའི་ཀྲུང་གོའི་ཁྱད་ཆོས་ཀྱི་རང་མོས་ཉོ་ཚོང་གྲུ་ཁ་འཛུགས་སྐྲུན་གང་མགྱོགས་བྱས་ཡོད་པ་དང་། ཨ་ཤེ་ཡ་ཤར་ལྷོའི་མནའ་འབྲེལ་དང་འབྲེལ་མཐུད་བྱེད་པའི་ཐད། ཀོང་ཞི་ཡིས་ཆུ་ཚད་མཐོ་པོས་ནུབ་རྒྱུད་ཀྱི་སྐམ་མཚོའི་བགྲོད་ལམ་གསར་པ་མཉམ་སྐྲུན་བྱས་ཡོད། ཡུའེ་ཀང་ཨའོ་ཁུག་ཆེན་ཁུལ་གྱིས་ཀྱང་འཛམ་གླིང་གི་ཁུག་ཆེན་ཁུལ་རྩེ་གྲ་འཛུགས་སྐྲུན་བྱེད་མགྱོགས་སུ་གཏོང་བཞིན་ཡོད་པ་རེད། 

     ཀོང་ཏུང་ཞིང་ཆེན་གྱི་ཡུའེ་ཀང་ཨའོ་ཁུག་ཆེན་འཛུགས་སྐྲུན་ལ་སྐུལ་འདེད་གཏོང་བའི་འགོ་ཁྲིད་ཚོགས་ཆུང་གཞུང་ལས་ཁང་གི་རྒྱུན་ལས་ཀྲུའུ་རེན་གཞོན་པ་ཀྲུའུ་ཝེ་ཡིས། ཡུའེ་ཀང་ཨའོ་ཁུག་ཆེན་ཁུལ་འཛུགས་སྐྲུན་བྱེད་པ་ནི་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་དེ་ཀོང་ཏུང་ལྷོ་རྒྱུད་དུ་ངོ་མཚར་ཆེ་ཞིང་གསོན་ཉམས་ལྡན་པའི་ངང་ལག་ལེན་བསྟར་བ་ཞིག་ཡིན། ང་ཚོས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པར་སློབ་སྦྱོང་དང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོ་གཏིང་ཟབ་སྤེལ་བ་དེ་གོ་སྐབས་སུ་བརྩིས་ཐོག རྒྱལ་སྤྱིའི་ཁུག་ཆེན་ཁུལ་རྩེ་གྲའི་བར་གྱི་ཧེ་བག་བཙལ་བ་དང་བརྟག་དཔྱད་ཞིབ་འཇུག་གཏིང་ཟབ་བྱས་ཏེ་ཐབས་ཇུས་འཚོལ་བ་བརྒྱུད། ཤང་ཀང་དང་ཨའོ་མན་དང་མཉམ་དུ་འཛམ་གླིང་རིམ་པའི་ཁུག་ཆེན་ཁུལ་འཛུགས་སྐྲུན་གང་མགྱོགས་བྱེད་པ་དང་། ཁུག་ཆེན་ཁུལ་ལེགས་ཤོས་གོང་འཕེལ་གཏོང་རྒྱུ་ཡིན་ཞེས་བསྟན་ཡོད་པ་རེད། 

     རླུང་བརྟེན་རླབས་གཤགས་ཀྱིས་སླར་ཡང་མདུན་སྐྱོད་བྱས་ཏེ་རླབས་ཆེའི་བྱ་གཞག་གི་ལེའུ་གསར་པ་གཏོད་རྒྱུ་སྟེ། ཚང་མས། སློབ་སྦྱོང་དང་ལས་དོན་གྱི་སེམས་ཤུགས་ཆེན་པོ་དེ་དཀའ་གནད་འགག་སྒྲོལ་དང་། ལས་དོན་སྒྲུབ་པ། བྱ་གཞག་གསར་གཏོད་བྱེད་པ་བཅས་ཀྱི་སྒུལ་ཤུགས་ཆེན་པོར་འགྱུར་བ་བྱས་ཐོག སེམས་ཤུགས་གཅིག་སྒྲིལ་དང་འགན་འཁྲི་འཁུར་ཕོད་པའི་ཐོག་ནས། སྟོབས་ཆེན་རྒྱལ་ཁབ་འཛུགས་སྐྲུན་དང་མི་རིགས་བསྐྱར་དར་ཡོང་བ་བྱེད་པའི་རླབས་ཆེའི་དམིགས་འབེན་ཕྱོགས་སུ་འབད་འབུངས་བྱ་རྒྱུ་ཡིན་ཞེས་བསྟན་ཡོད་པ་རེད།