བཟོ་རྩལ་པ29ཡི་ཕྱག་སོར་ལས་འཁྲུངས་པའི《བོད་ཀྱི་བཟོ་རྩལ་གཅེས་བཏུས།》

    གངས་ལྗོངས་ཉི་གཞོན།    2022-04-24

བཟོ་རྩལ་པ29ཡི་ཕྱག་སོར་ལས་འཁྲུངས་པའི《བོད་ཀྱི་བཟོ་རྩལ་གཅེས་བཏུས།》

   ཉེ་ཆར། བཟོ་རིག་མཉམ་འབྲེལ་ཚོགས་པས་ལོ་ངོ་30ཙམ་གྱི་རིང་དུ་བོད་ཀྱི་བཟོ་རྩལ་ཐད་ཀྱི་གྲུབ་འབྲས་མཚོན་པའི་དེབ་སྤུས་ལེགས་ཤིག་དངོས་སུ་པར་དུ་བསྐྲུན་འདུག །
   དེབ་འདིའི་ནང་བོད་ཡུལ་དུ་འཚར་ལོངས་བྱུང་ཞིང་། རང་རྒྱལ་གྱི་ནང་ལོགས་ས་ཁུལ་དུ་བཟོ་རིག་གི་སྤྱི་གཉེར་ཁང་དང་བཟོ་གྲྭ་བཙུགས་ནས་བོད་ཀྱི་བཟོ་རྩལ་རིག་གནས་རྒྱལ་ཕྱི་ནང་ཀུན་ཏུ་དར་སྤེལ་བཏང་བར་མཛད་རྗེས་ཧ་ཅང་ཆེ་བའི་མདོ་དབུས་ཁམས་གསུམ་གྱི་རྒྱལ་ཁབ་རིམ་པ་དང་། ཞིང་ཆེན་རིམ་པ། ཁུལ་རིམ་པ་སོགས་ཀྱི་བཟོ་རྩལ་པ་གྲགས་ཅན་29ཡི་ཆེས་སྤུས་ལེགས་དང་ཆེས་གསར་ཤོས་ཀྱི་བརྩམས་ཆོས་ཁག་ཅིག་གཅེས་བཏུས་བྱས་འདུག །
   ཤེས་རྟོགས་བྱུང་བར་གཞིགས་ན། དེབ་འདི་ནི་གཙོ་བོ་ཁྲེང་ཏུའུ་ཕྱོགས་ཀྱི་བཟོ་རིག་མཉམ་འབྲེལ་ཚོགས་པས་འཆར་འགོད་དང་འགྲོ་སོང་བཏང་ཞིང་། བོད་ཀྱི་པར་ལེན་པ་དཀོན་མཆོག་རྡོ་རྗེས་གཙོ་སྒྲིག་དང་འདྲ་པར་བླངས་པ་དང་། སི་ཁྲོན་མི་རིགས་དཔེ་སྐྲུན་ཁང་གིས་པར་དུ་བསྐྲུན་ནས་རྒྱལ་ནང་གི་པར་འདེབས་ཁང་ཡག་ཤོས་ཡཱ་ཁྲང་ནས་པར་བའི་དཔེ་དེབ་སྤུས་ལེགས་ཤིག་རེད། དེས་མ་ཚད་པར་སི་ཁྲོན་རིག་གནས་ཐིང་གི་སྔོན་གྱི་འགོ་གཙོ་གཞོན་པ་ཚེ་པོ་ལགས་དང་། བོད་ཀྱི་མཁས་དབང་དཀོན་མཆོག་བསྟན་འཛིན། ལྷ་བཟོ་གྲགས་ཅན་ཡོན་ཏན་ཚེ་རིང་རྣམ་གསུམ་གྱིས་ཆེད་དུ་འགོ་བརྗོད་ཀྱི་རྩོམ་ཡིག་ཀྱང་འབྲི་རོགས་གནང་ཡོད།
    སྤྱིར་བོད་ཀྱི་བཟོ་རྩལ་ལ་ལོ་རྒྱུས་ཡུན་རིང་ལྡན་ཞིང་སྔོན་ཆད་འཛམ་གླིང་ཐོག་སྐད་གྲགས་ཆེ་ཞིང་རིན་ཐང་བྲལ་བའི་བཟོ་རྩལ་རིགས་གྱ་ནོམ་པ་ཞིག་ཐོན་མྱངས། འོན་ཏེ། སྔོན་ཆོད་བཟོ་རྩལ་གྱི་ཐོན་ཁུངས་གཙོ་བོ་ནི་རྒྱ་གར་དང་རྒྱ་ནག །བལ་ཡུལ་སོགས་ཡིན་ཞིང་། བཟོ་རྩལ་ཐོན་རྫས་མང་ཤོས་དེ་ཕྱི་ཕྱོགས་ནས་ནང་འདྲེན་བྱ་དགོས།
    ཀྲུང་གོ་གསར་པ་དབུ་བརྙེས་རྗེས་དང་ལྷག་པར་དུ་བཅོས་བསྒྱུར་སྒོ་འབྱེད་ཚུན་གྱི་ལོ་ངོ་༣༠ཙམ་གྱི་ནང་དུ་བོད་རང་གི་ས་གནས་ནས་འཚར་ལོངས་བྱུང་བའི་བཟོ་རྩལ་པ་ཁག་ཅིག་ཁྲེང་ཏུའུ་སོགས་ཀྱི་གྲོང་ཁྱེར་དུ་ཕེབས་ནས་རྒྱལ་ཁབ་དང་མི་རིགས་གཞན་དག་གི་ལག་རྩལ་ལ་སློབ་སྦྱོང་དང་། རང་ཡུལ་གྱི་བཟོ་རྩལ་ཁག་ལ་ཞིབ་འཇུག་ནན་པོ་བྱས་ཏེ་སྲོལ་རྒྱུན་དང་དེང་རབས་ཀྱི་ལག་རྩལ་ཟུང་འབྲེལ་ངང་བོད་ཀྱི་སྲོལ་རྒྱུན་བཟོ་རྩལ་སྐོར་གྱི་ཐོན་རྫས་སྤུས་ལེགས་མང་དག་བསྐྲུན་པར་མ་ཟད་རང་རང་གིས་སྤྱི་གཉེར་ཁང་དང་བཟོ་གྲྭ་བཙུགས་ནས་བོད་ཀྱི་བཟོ་རྩལ་པ་མང་དག་གསོ་སྐྱོང་བྱས་ཏེ་བོད་ཀྱི་བཟོ་རྩལ་རིག་གནས་ཐད་སྔོན་མེད་ཀྱི་འཕེལ་རྒྱས་ཆེན་པོ་བཏང་ནས་བོད་རང་གི་ས་གནས་ཀྱི་ཚོང་རའི་དགོས་མཁོ་བསྐངས་པས་མ་ཚད་པར་ད་དུང་ཨ་རི་དང་། རྒྱ་གར། བལ་ཡུལ་སོགས་རྒྱལ་ཁབ་གཞན་དག་ལའང་ཕྱི་ཚོང་བྱས་ཏེ་རྒྱལ་སྤྱིའི་ཚོང་རའི་ཐོག་ཏུ་བོད་ཀྱི་བཟོ་རྩལ་སྐོར་གྱི་ཐོན་རྫས་འདི་དག་ལ་དགའ་བསུ་ཆེན་པོ་ཐོབ་བཞིན་ཡོད། 

བཟོ་རྩལ་པ29ཡི་ཕྱག་སོར་ལས་འཁྲུངས་པའི《བོད་ཀྱི་བཟོ་རྩལ་གཅེས་བཏུས།》

བཟོ་རྩལ་པ29ཡི་ཕྱག་སོར་ལས་འཁྲུངས་པའི《བོད་ཀྱི་བཟོ་རྩལ་གཅེས་བཏུས།》


  • ལེ་ཚན་སྔོན་མ།:ཞི་ཅིན་ཕིང་གིས་ཨང་ཀིའི་སྲིད་གཞུང་འཛུགས་སྐྱོང་ཐད་འདི་ལྟར་གསུངས།
  • ལེ་ཚན་རྗེས་མ།:རྒྱལ་ཡོངས་སྲིད་གྲོས་ཀྱིས་ཨུ་ཡོན་གྱི་དཔེ་ཀློག་བྱེད་སྒོ་སྤེལ།
  • དོ་སྣང་ཆེ་བའི་རྩོམ།