ཀྲུང་གོ་བོད་ཀྱི་དྲ་བའི་འཕྲིན། ཚེས5ཉིན་གསར་འགོད་པས་བོད་ལྗོངས་སློབ་གསོ་རྒྱུགས་ལེན་ཁང་ནས་ཤེས་རྟོགས་བྱུང་བར། མིག་སྔར2015ལོའི་རང་ལྗོངས་ཀྱི་མཐོ་རིམ་སློབ་གྲྭ་དཀྱུས་མའི་སློབ་མ་བསྡུ་བའི་ལས་དོན་གོ་རིམ་ལྡན་པའི་སྒོ་ནས་སྤེལ་བཞིན་ཡོད་ཅིང་། གཙོ་གནད་དངོས་གཞིའི་ཚན་ཁག་གི་ཁག་ཐེངས་སུ་ཁྱོན་སློབ་མ254བསྡུ་རྒྱུའི་འཆར་གཞི་ཡོད་པའི་ནང་རིག་གནས་ལོ་རྒྱུས་རིགས་ཀྱི་སློབ་མ78དང་རང་བྱུང་བཟོ་སྐྲུན་རིགས་ཀྱི་སློབ་མ176བསྡུ་རྒྱུ་རེད། ཁག་ཐེངས་དེར་སློབ་གླིང་དང་སློབ་ཆེན25ཡིས་སློབ་མ་བསྡུ་བའི་ལས་དོན་ནང་ཞུགས་ཡོད་པ་རེད།
ཤེས་རྟོགས་བྱུང་བར་གཞིགས་ན། རྒྱུགས་སྤྲོད་སློབ་མ་ཚོས་བོད་རང་སྐྱོང་ལྗོངས་སློབ་གསོ་རྒྱུགས་ལེན་ཁང་གི་དྲ་ཚིགས་བརྒྱུད་སློབ་བསྡུའི་གྲུབ་འབྲས་འདྲི་རྟོགས་བྱས་ཆོག་ལ་བོད་རང་སྐྱོང་ལྗོངས་སློབ་གསོ་རྒྱུགས་ལེན་ཁང་གི་བློ་འདྲི་ཁང་དང་། གློག་འཕྲིན་སྐད་འཕྲིན་སྟེགས་བུ96833513 “བོད་ལྗོངས་སློབ་གསོ་ཡིག་རྒྱུགས་འདྲི་རྟོགས”ཅེས་པའི་དབྱི་ཤིན་སྤྱི་དམངས་ཨང་རྟགས་བཅས་བརྒྱུད་འདྲི་རྟོགས་ཀྱང་བྱས་ཆོག