ཀྲུང་གོའི་མི་དམངས་སློབ་ཆེན་གྱི་འབུམ་རམས་པའི་སློབ་ཡུན་ལོ་བཞི་རུ་བསྒྱུར།

2015-06-30

དཔྱད་གཞིའི་པར་རིས།

སྤྱི་ཟླ་6པའི་ཚེས་26ཉིན། ཤིན་ཧྭ་གསར་འགྱུར་ཁང་གིས་པེ་ཅིང་ནས་གློག་འཕྲིན་བཏང་བ་ལྟར་ན། ཉེ་ཆར་གསར་འགོད་པས་ཀྲུང་གོའི་མི་དམངས་སློབ་ཆེན་དུ་གནས་ཚུལ་རྒྱུས་ལོན་བྱུང་བར། འབུམ་རམས་པའི་གསོ་སྐྱོང་ལ་ཤུགས་སྣོན་ཕྱིར་2015ལོའི་འབུམ་རམས་པའི་སློབ་མ་གསར་བ་དག་ནས་འགོ་བརྩམས་ཏེ། ཀྲུང་གོའི་མི་དམངས་སློབ་ཆེན་གྱི་འབུམ་རམས་པའི་གཞི་རྩའི་སློབ་ཡུན་ལོ་གསུམ་ཡིན་པ་དེ་ལོ་བཞི་རུ་ནར་འགྱངས་བྱ་རྒྱུ་ཡིན་པ་དང་། ཆེས་རིང་ན་ལོ་དྲུག་གི་ནང་མཐར་ཕྱིན་རྒྱུ་བྱས།
ཀྲུང་གོའི་མི་དམངས་སློབ་ཆེན་གྱི་ཞིབ་འཇུག་སློབ་མའི་སློབ་གླིང་གི་རྒྱུན་ལས་གླིང་གཙོ་གཞོན་པ་ཝུའུ་ཞའོ་ཆི་ཡིས་བསྟན་དོན། འབུམ་རམས་པའི་རྩ་བའི་སློབ་ཡུན་དེ་ལོ་གསུམ་ནས་ལོ་བཞི་རུ་བསྒྱུར་བའི་རྒྱུ་རྐྱེན་ནི། འབུམ་རམས་པ་ཚོར་སློབ་སྐབས་ཀྱི་མཚམས་ནས་རྒྱལ་ཕྱིར་འགྲིམ་སྟེ་ལོ་ཕྱེད་ཅིག་གམ་ལོ་གཅིག་རིང་མཉམ་འབྲེལ་གསོ་སྐྱོང་ལ་ཞུགས་པའམ་རྒྱལ་སྤྱིའི་རིག་གཞུང་བགྲོ་གླེང་ལ་ཞུགས་པར་སྐུལ་མ་དང་རྒྱབ་སྐྱོར་བྱ་ཆེད་ཡིན་པ་མ་ཟད། འབུམ་རམས་ཞིབ་འཇུག་སློབ་མ་ཚོའི་རྒྱལ་སྤྱིའི་མཐོང་སྣེ་ཁོད་ཇེ་ཡངས་དང་རིག་གཞུང་ཆུ་ཚད་མཐོར་འདེགས་གཏོང་ཆེད་ཀྱང་ཡིན་ཞེས་བཤད།
རྒྱུས་ལོན་བྱུང་བ་ཡིན་ན། མི་དམངས་སློབ་ཆེན་གྱིས་འབུམ་རམས་པར་རྒྱལ་ཁབ་ཀྱི་གཞུང་མངགས་ཞིབ་འཇུག་སློབ་མའི་རྣམ་གྲངས་དང་པེ་ཅིང་གྲོང་ཁྱེར་གྱི་མཉམ་སྐྱོང་རྟེན་གཞིའི་རྣམ་གྲངས། སློབ་གྲྭ་དང་སློབ་གླིང་གི་སློབ་མ་བརྗེ་རེས་ཀྱི་རྣམ་གྲངས། འགྲོ་སོང་རང་འཁུར་གྱི་ཕྱིར་འགྲིམ་སློབ་མ་སོགས་ཀྱི་ཐབས་ལམ་ལ་བརྟེན་ནས། ཕྱི་རྒྱལ་གྱི་སློབ་ཆེན་རྩེ་གྲས་དག་ཏུ་སློབ་སྦྱོང་ལ་འགྲོ་བར་སྐུལ་མ་དང་རྒྱབ་སྐྱོར་གནང་གིན་ཡོད་པ་ལ། སློབ་གྲྭའི་རིག་གཞུང་གི་ཐོན་ཁུངས་ཀྱི་ཕན་ནུས་འདོན་སྤེལ་གང་ལེགས་ཀྱིས་རྒྱལ་ཕྱིའི་མཉམ་ལས་ལ་ཤུགས་བསྣན་ཏེ། འབུམ་རམས་པར་མཉམ་སྐྱོང་གི་གོ་སྐབས་གསར་གཏོད་བྱེད་པར་འབད་བརྩོན་བྱེད་ཀྱིན་ཡོད་འདུག །

ཀྲུང་གོའི་མི་དམངས་སློབ་ཆེན་གྱི་འབུམ་རམས་པའི་སློབ་ཡུན་ལོ་བཞི་རུ་བསྒྱུར།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10