ལོ་ལྔ་ནི་ལོ་རྒྱུས་རིང་པོའི་ཁྲོད་དུ་སྐད་ཅིག་ཙམ་ཡིན་རུང་། ཀྲུང་གོའི་མི་སེར་ལ་མཚོན་ནས་བཤད་ན། གནམ་ས་བླ་འོག་བསྒྱུར་བའི་འཕོ་འགྱུར་བྱུང་བ་ཞིག་ཡིན་པ་དང་། རྒྱལ་ཁབ་ལ་མཚོན་ནས་བཤད་ན། ལོ་རྒྱུས་ཀྱི་རང་བཞིན་ལྡན་པའི་བར་བརྒལ་བྱུང་བ་ཞིག་ཡིན་ཞིང་། དེ་ནི་ཏང་གི་ཚོགས་ཆེན་བཅུ་དགུ་པའི་སྙན་ཞུའི་ནང་བསྟན་པའི"དུས་ཡུན་རིང་པོར་ཐག་གཅོད་བྱ་དགོས་བསམས་ཀྱང་ཐག་གཅོད་བྱས་མེད་པའི་དཀའ་གནད་མང་པོ་ཐག་གཅོད་བྱས་པ་དང་། འདས་པའི་དུས་སུ་བསྒྲུབ་དགོས་བསམས་ཀྱང་སྒྲུབ་ཐུབ་མེད་པའི་དོན་ཆེན་མང་པོ་ལེགས་འགྲུབ་བྱས་ཏེ་ཏང་དང་རྒྱལ་ཁབ་ཀྱི་བྱ་གཞག་ལ་ལོ་རྒྱུས་ཀྱི་རང་བཞིན་ལྡན་པའི་འཕོ་འགྱུར་བྱུང་བར་སྐུལ་འདེད་བཏང་ཡོད"ཅེས་པ་ལྟ་བུ་རེད། གོང་གི་པར་རིས་ནི་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་ཀླུ་ཆུ་རྫོང་གི་ལྷ་མོ་མཚོ་རང་ཉིད་ཀྱིས་གཉེར་སྐྱོང་བྱེད་པའི"བོད་ཁྱིམ་སྤྲོ་སྐྱིད་ཁང"གི་མགྲོན་ཁང་དུ་ཡོད་པ།