ཀྲུང་གོ་བོད་ཀྱི་དྲ་བའི་འཕྲིན། མགོ་ལོག་བོད་རིགས་རང་སྐྱོང་ཁུལ་པདྨ་རྫོང་གིས་ཐོན་ལས་དབུལ་སྐྱོར་དེ་གནད་ཕིགས་དབུལ་སྐྱོར་གྱི་ཁ་ཕྱོགས་གཙོ་བོ་དང་ཤུགས་འདོན་ས་བྱས་པ་དང་སྡེ་བ་གཅིག་ལ་ཐོན་རྫས་གཅིག་དང་སྡེ་བ་གཅིག་ལ་ཁྱད་ཆོས་གཅིག་གི་ཐོན་ལས་འཕེལ་རྒྱས་བསམ་ཕྱོགས་གཞིར་བཟུང་ནས་སྡི་མདའ་ཞང་དང་ཡར་ཐང་ཞང་གཉིས་ལ་མུའུ་བརྒྱ་རེ་ཡོད་པའི་སྔོ་ཚལ་འདེབས་གསོ་རྟེན་གཞི་གཉིས་འཛུགས་སྐྲུན་བྱས། འདི་ནི་པད་མ་རྫོང་གིས་གནད་ཕིགས་དབུལ་སྐྱོར་བྱ་བ་ལག་བསྟར་བྱས་པའི་ཚུན་ལ། གནད་ཕིགས་དབུལ་སྐྱོར་བྱ་བ་དེ་ཐོན་སྐྱེད་ལས་གཞིའི་སྟེང་ལག་བསྟར་བྱས་པ་ཡིན་ལ། གཞི་རིམ་དུ་ཟབ་ཞུགས་དང་ཞིབ་འཇུག་བརྟག་དཔྱད་གང་ལེགས་བྱས་ཏེ་དབུལ་ཕོངས་མང་ཚོགས་དང་གཞི་རིམ་ལས་བྱེད་པ་སོགས་དང་མཉམ་དུ་གླེང་མོལ་བྱས་པ་བརྒྱུད་ནས་འཛུགས་སྐྲུན་བྱས་པའི་སྔོ་ཚལ་འདེབས་གསོ་རྟེན་གཞི་ཡང་ཡིན།

ཉེ་ལམ། པད་མ་རྫོང་གི་སྡི་མདའ་ཞང་རིན་ཆེན་སྒང་སྡེ་བས་སྔོ་ཚལ་འདེབས་གསོ་རྟེན་གཞིའི་ས་བོན་སྟེར་བའི་མཛད་སྒོ་བསྡུས་པ་དང་བསྡོམས་པས་ཞོག་ཁོག་གི་ས་བོན་རྒྱ་མ་ཁྲི་གཉིས་སྟོང་བརྒྱད་དང་ཚོད་དཀར་གྱི་ས་བོན་སྒྱེ་མོ་ལྔ་བརྒྱ། འགྱིག་ཤོག་ཤོག་ཉིས་བརྒྱ་ཉེར་དགུ། གཅིན་རྒྱུ་རྒྱ་མ་སྟོང་གསུམ་དང་བཞི་བརྒྱ་སོགས་ལོ་ཏོག་གི་འདེབས་འཛུགས་རྒྱུ་ཆ་མང་པོ་བྱིན། སྔོ་ཚལ་འདེབས་གསོ་རྟེན་གཞི་དེ་གཉིས་ཀྱིས་སྡི་མདའ་ཞང་དང་ཡར་ཐང་ཞང་གཉིས་ཀྱི་དབུལ་ཕོངས་མང་ཚོགས་བཞི་བརྒྱ་ཉེར་གཉིས་ལ་བརྟན་འཇགས་ཀྱི་ཡོང་འབབ་ཡོད་པ་མངོན་འགྱུར་བྱས་པ་དང་ཐོན་ལས་འཕེལ་རྒྱས་ལ་བརྟེན་པ་དང་ཕྱུག་སྒྱུར་སྣེ་ཁྲིད་མི་སྣའི་སྣེ་ཁྲིད་ནུས་པ་འདོན་སྤེལ་གང་ལེགས་བྱས་ནས་དབུལ་ཕོངས་མང་ཚོགས་ལ་ཁེ་ཕན་ངོ་མ་བསྐྲུན།  །