ཞིན་ཧྭ་གསར་འགྱུར་ཁང་ཀ་ཡ་མན་རྡུ་ནས་འབྱོར་བའི་གཏམ་གསར།   《ཞི་ཅིན་ཕིང་གིས་རྒྱལ་སྐྱོང་སྲིད་འཛིན་གླེང་བ》ཞེས་པའི་ནེ་པ་ལའི་ཡི་གེའི་པར་ཕུད་དེ་ཐོག་མར་འགྲེམས་སྤེལ་བྱེད་པའི་མཛད་སྒོ་ནེ་པ་ལའི་ཙུང་ཐུང་ཕོ་བྲང་དུ་སྤེལ་བ་རེད།  ནེ་པ་ལའི་ཙུང་ཐུང་པ་ཏ་ལི་དང་ཀྲུང་གོ་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན།   ཀྲུང་དབྱང་ཧྲུའུ་ཅི་ཁྲུའུ་ཡི་ཧྲུའུ་ཅི།   ཀྲུང་དབྱང་དྲིལ་བསྒྲགས་པུའུ་ཡི་པུའུ་ཀྲང་ལིའུ་ཆིན་པའོ་རྣམ་གཉིས་ཐོག་མར་འགྲེམས་སྤེལ་བྱེད་པའི་མཛད་སྒོར་ཞུགས་ཤིང་ཤིས་ཚིག་འབུལ་བ་རེད།

    པ་ཏ་ལི་ཡིས་ནེ་པ་ལར《ཞི་ཅིན་ཕིང་གིས་རྒྱལ་སྐྱོང་སྲིད་འཛིན་གླེང་བ》ཞེས་པའི་ནེ་པ་ལའི་ཡི་གེའི་པར་ཕུད་དེ་ཐོག་མར་འགྲེམས་སྤེལ་བྱས་པར་བརྒྱུད། ནེ་པ་ལིའི་མི་དམངས་ཀྱིས་ཀྲུང་གོ་གུང་ཁྲན་ཏང་ལ་རྟོགས་ཐུབ་ལ། ཀྲུང་གོའི་བཅོས་བསྒྱུར་དང་འཕེལ་རྒྱས།  རྒྱལ་སྐྱོང་སོགས་ལ་རྟོགས་ཐུབ་པ་དང་།  ཀྲུང་གོའི་སྨོན་འདུན་དང་ཀྲུང་ཧྭའི་རིག་གནས་ལ་རྟོགས་ཐུབ་པ། ཀྲུང་གོས་འཛམ་བུ་གླིང་ལ་ངོས་འཛིན་དང་ལྟ་རྟོགས་བྱེད་པ་ལའང་རྟོགས་ཐུབ་པ་རེད་ཅེས་བརྗོད།

     《ཞི་ཅིན་ཕིང་གིས་རྒྱལ་སྐྱོང་སྲིད་འཛིན་གླེང་བ》ཞེས་པའི་ནེ་པ་ལའི་ཡི་གེའི་པར་ཕུད་དེ་ཀྲུང་གོའི་ཕྱི་རྒྱལ་རིག་གནས་ཅུས་དང་ནེ་པ་ལའི་ཀྲུང་གོའི་ཞིབ་འཇུག་ལྟེ་བས་མཉམ་ལས་ཀྱིས་ཡིག་བསྒྱུར་བྱས་ཏེ་པར་དུ་བསྐྲུན་པ་རེད། 2014ལོའི་ཟླ་བ9པ་ནས་བཟུང་། 《ཞི་ཅིན་ཕིང་གིས་རྒྱལ་སྐྱོང་སྲིད་འཛིན་གླེང་བ》ཞེས་པའི་པར་ཕུད་དེ་ཀྲུང་གོ་དང་། དབྱིན་ཇི།  ཧྥ་རན་སེ། ཨུ་རུ་སུ་སོགས་སྐད་རིགས་བཅུ་གཅིག་ཏུ་བསྒྱུར་ནས་འཛམ་བུ་གླིང་ལ་འགྲེམས་སྤེལ་བྱས་ཡོད། རྒྱལ་ཁབ་དང་ས་ཁུལ100ལྷག་ལ་པར་ཕུད་ཁྲི620འགྲེམས་སྤེལ་བྱས་ཏེ།  རྒྱལ་སྤྱིའི་སྤྱི་ཚོགས་ཀྱིས་དོ་སྣང་ཆེན་པོ་བྱས་ཡོད།  《ཞི་ཅིན་ཕིང་གིས་རྒྱལ་སྐྱོང་སྲིད་འཛིན་གླེང་བ》ཞེས་པའི་ནེ་པ་ལའི་ཡི་གེའི་པར་ཕུད་དེ་འགྲེམས་སྤེལ་བྱས་པ་དེ་ཀྲུང་གོ་དང་ནེ་པ་ལ་རྒྱལ་ཁབ་གཉིས་བར་འབྲེལ་བ་བཙུགས་ཏེ་ལོ60འཁོར་བར་འབུལ་རྟེན་བཟང་པོ་ཞིག་ཕུལ་ཡོད་པ་རེད།