ཀྲུང་གོ་བོད་ཀྱི་དྲ་བའི་འཕྲིན། རྒྱལ་ཁབ་རིག་དངོས་ཅུས་ཀྱིས་མཛུབ་སྟོན་གནང་ཞིང་།ཀྲུང་གོའི་གནའ་ཤུལ་སྲུང་སྐྱོང་མཐུན་ཚོགས་སོགས་ཀྱིས་གཙོ་སྒྲུབ་གནང་བའི་སྐབས་དང་པོའི་རྒྱལ་ཡོངས་རིག་དངོས་སྲུང་སྐྱོང་ལས་གཞི་ལེགས་ཤོས་བཅུའི་དཔྱད་འདེམས་མཇུག་འབྲས་སྤྱི་ཚེས5ཉིན་པེ་ཅིན་ནས་སྤྱི་བསྒྲགས་བྱས་ཡོད་ཅིང་།གཙང་བཀྲ་ཤིས་ལྷུན་པོ་དང་ཀན་སུའུ་ཡི་ཏུན་ཧུང་བྲག་ཕུག་སོགས་ལས་གཞི་བཅུ་དེའི་ཁྲོད་ཚུད་འདུག

རྒྱལ་ཁབ་རིག་དངོས་སྲུང་སྐྱོང་ཅུས་ཀྱི་འགན་འཛིན་གཞོན་པ་དང་ཀྲུང་གོའི་གནའ་ཤུལ་སྲུང་སྐྱོང་མཐུན་ཚོགས་ཀྱི་ལས་འཛིན་ཐུང་མིང་ཁང་གིས་དཔྱད་འདེམས་ཚོགས་འདུའི་ཐོག་བཤད་པ་ལྟར་ན།ལས་གཞི་ལེགས་ཤོས་བཅུ་དཔྱད་འདེམས་བྱེད་པའི་དམིགས་ཡུལ་གཙོ་བོ་ནི་རིག་དངོས་སྲུང་སྐྱོང་ལས་གཞིའི་མིག་དཔེ་གཏོད་པ་དང་ཡང་དག་པའི་སྲུང་སྐྱོང་འདུ་ཤེས་ཆགས་པ་བྱ་རྒྱུ།གོམ་གང་མདུན་སྤོས་རིག་དངོས་སྲུང་སྐྱོང་ལས་གཞི་ལག་ལེན་དུ་བསྟར་བའི་ལས་ལ་མཛུབ་སྟོན་དང་དེ་ཚད་ལྡན་ཅན་དུ་བསྒྱུར་བ།དེ་བཞིན་དཔྱད་འདེམས་བརྒྱུད་རིམ་ཁྲོད་ཉམས་མྱོང་ཕྱོགས་སྡོམ་དང་། བསམ་བློ་བརྗེ་རེས། མཉམ་ལས་ཇེ་ཟབ་ཏུ་གཏོང་བ།ལས་འདི་སྐྱོན་བྲལ་ངང་གོང་དུ་འཕེལ་བར་སྐུལ་འདེད་དང་།མི་སྔར་ལས་མང་པོས་རིག་དངོས་སྲུང་སྐྱོང་ལས་དོན་ལ་དོ་སྣང་དང་རྒྱབ་སྐྱོར་གནང་བར་སྐུལ་སློང་བྱེད་ཆེད་བཅས་རེད།  །