ཀྲུང་གོ་བོད་ཀྱི་དྲ་བའི་འཕྲིན། རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་སྒྲུབ་ཁང་གིས་ཚེས15ཉིན《བོད་ལྗོངས་འཕེལ་རྒྱས་ཀྱི་ལོ་རྒྱུས་གདམས་གསེས》ཞེས་པའི་དེབ་དཀར་པོ་བཏོན་པའི་ཁྲོད་བསྟན་དོན།ལོ60ཡི་རིང་ལ།ཀྲུང་དབྱང་ནོར་སྲིད་ཀྱིས་བོད་ལྗོངས་ཀྱི་ནོར་སྲིད་ལ་མ་དངུལ་སྤྲོད་པའི་ནུས་ཤུགས་མུ་མཐུད་དུ་ཇེ་ཆེར་བཏང་སྟེ།1952ལོ་ནས2013ལོའི་བར་དུ།ཀྲུང་དབྱང་སྲིད་གཞུང་གིས་བོད་ལྗོངས་ཀྱི་ནོར་སྲིད་རིགས་སོ་སོར་ཁ་གསབ་རོགས་སྐྱོར་མ་དངུལ་གཏོང་ཚད་སྒོར་དུང་ཕྱུར5446ལ་སླེབས་ཡོད་དེ། བོད་ལྗོངས་ས་གནས་ཀྱི་སྤྱོ་སྤྱོད་ནོར་སྲིད་འགྲོ་གྲོན་གྱི95%ཟིན།དེབ་དཀར་པོ་ལས་བསྟན་དོན།བོད་ལྗོངས་དབུལ་ཕོངས་དང་རྗེས་ལུས་ཡིན་པའི་རྣམ་པ་ལས་གྲོལ་བར་རོགས་སྐྱོར་བྱས་ཏེ། འཕེལ་རྒྱས་ཀྱི་གོམ་སྟབས་ཇེ་མགྱོགས་སུ་གཏོང་ཆེད། ཀྲུང་དབྱང་སྲིད་གཞུང་གིས་སྤྱི་ཚོགས་རིང་ལུགས་ཀྱི་ལམ་ལུགས་དང་ལམ་སྲོལ་གྱི་བཟང་ཆ་འདོན་སྤེལ་གང་ལེགས་བྱས་ཏེ།ནུས་ཤུགས་ཆེན་པོས་བོད་ལྗོངས་ཀྱི་འཛུགས་སྐྲུན་ལ་རྒྱབ་སྐྱོར་བྱས། དེ་མིན་དམངས་ཕན་སྲིད་ཇུས་དང་། མི་ཤུགས། དངོས་རྫས། ནོར་སྲིད་བཅས་ཀྱི་ནུས་བར་བརྟེན་ནས་བོད་ལྗོངས་ཀྱི་འཕེལ་རྒྱས་ལ་གསོན་ཤུགས་གསར་བ་བསྐྱེད་ཡོད་ཟེར།  །