ཀྲུང་གོ་བོད་ཀྱི་དྲ་བའི་འཕྲིན། ཟླ3པའི་ཚེས21ཉིན།2015ལོའི་བདེ་སྐྱིད་ལྡན་པའི་བོད་ལྗོངས་ཀྱི་ཁམ་བུའི་མེ་ཏོག་རིག་གནས་ཡུལ་སྐོར་དུས་ཆེན་གྱི་གནས་སྐོར་ཚོགས་པའི་མེ་འཁོར་ཐོག་མ་བོད་ལྗོངས་སུ་འབྱོར་བ་ལས2015ལོའི་བོད་ལྗོངས་ཀྱི་གནས་སྐོར་བྱ་བ་ཡོངས་ནས་སྤེལ་འགོ་བརྩམས་པ་མཚོན།ཁམ་བུའི་མེ་ཏོག་རིག་གནས་ཡུལ་སྐོར་དུས་ཆེན་གྱི་བྱ་འགུལ་རབ་དང་རིམ་པ་ཟླ3པའི་ཚེས19ཉིན་སྤེལ་འགོ་བརྩམས་ཤིང་།ཟླ4བའི་ཚེས4ཉིན་མཇུག་རྫགས་རྒྱུ་ཡིན་པས།བསྟུད་མར་མེ་འཁོར་ཐེངས5ལ་གཏོང་རྒྱུ་ཡིན་པ་དང་།ཐེངས་རེའི་མི300ལྷག་འདུས།ལོ་གཅིག་ལ་ཐེངས་གཅིག་སྤེལ་བའི་ཉིང་ཁྲིའི་ཁམ་བུའི་མེ་ཏོག་རིག་གནས་ཡུལ་སྐོར་དུས་ཆེན་ཡང་ཟླ3པའི་ཚེས30ཉིན་སྤེལ་འགོ་རྩོམ་རྒྱུ་ཡིན་ཞིང་།ཟླ4བའི་ཚེས20ཉིན་བར་རྒྱུན་འཁྱོངས་བྱེད་རྒྱུ་རེད།
གཞི་གྲངས་ལྟར་ན།2014ལོར་བོད་ལྗོངས་ཀྱིས་བསྡོམས་པས་རྒྱལ་ཁབ་ཕྱི་ནང་གི་གནས་སྐོར་བ་མི་ཐེངས་ཁྲི1553སྣེ་ལེན་བྱས་ཤིང་།གནས་སྐོར་སྤྱིའི་ཡོང་སྒོ་སྒོར་དུང་ཕྱུར204མངོན་འགྱུར་བྱས།ད་ལོར་བོད་ལྗོངས་ཀྱིས་གནས་སྐོར་རིག་གནས་ཐོན་ལས་འཕེལ་རྒྱས་ཇེ་མགྱོགས་སུ་བཏང་སྟེ།གནས་སྐོར་བ་མི་ཐེངས་ཁྲི1700ཡན་སྣེ་ལེན་བྱ་རྒྱུ་དང་།གནས་སྐོར་ཡོང་སྒོ་སྒོར་དུང་ཕྱུར240མངོན་འགྱུར་བྱེད་པར་བརྩོན་ལེན་བྱ་རྒྱུ་རེད།  །