ཉེ་ཆར། བོད་ལྗོངས་སློབ་གྲྭ་ཆེན་མོའི་དེང་རབས་སློབ་གསོ་ལག་རྩལ་ལྟེ་གནས་སུ་ཚེས18ཉིན་རྒྱུས་ལོན་བྱུང་བ་ལྟར་ན། ཀྲུང་གོའི་ཆེད་ལས་བོད་རྒྱ་ཡིག་སྒྱུར་གྱི་མཉེན་ཆས་མ་ལག་ཐོག་མ་མི་འགྱངས་པར་ཕྱི་རུ་འགྲེམ་རྒྱུ་ཡིན་པ་དང་། སྐབས་དེར་རིན་མེད་སྒོས་མང་ཚོགས་ལ་ཡིག་སྒྱུར་ཞབས་ཞུ་འདོན་སྤྲོད་བྱ་ངེས།
     མ་ལག་མཉེན་ཆས་འདིའི་མིང་ལ་ཉི་འོད་བོད་རྒྱ་འཕྲུལ་འཁོར་ཡིག་སྒྱུར་མ་ལག་ཅེས་ཟེར་ཞིང་། བོད་ལྗོངས་སློབ་ཆེན་གྱི་མི20ཡིས་གྲུབ་པའི་ཞིབ་འཇུག་གསར་སྤེལ་ཚན་ཆུང་གིས་དུས་ཡུན་ལོ3རིང་ཚན་རྩལ་གྱི་དཀའ་གནད་བཏོལ་ཏེ་མ་དངུལ་སྒོར་ཁྲི200བཏང་ནས་རང་ཉིད་ཀྱིས་ཞིབ་འཇུག་གསར་སྤེལ་ལེགས་འགྲུབ་བྱུང་བ་ཞིག་ཡིན། མིག་སྔར་མཚོན་བྱེད་རང་བཞིན་གྱི་ཞིབ་འཇུག་གྲུབ་འབྲས་བླངས་ཤིང་ཡིག་སྒྱུར་གྱི་ཡང་དག་ཚད75%ལ་སླེབས།
     དེར་མ་ཟད། ཞིབ་འཇུག་ཚན་ཆུང་འདིས་ད་དུང་བོད་ཡིག་མིང་མཚམས་རང་དབྱེ་དང་མིང་ལ་རྟགས་མཚན་འགོད་པར་རོགས་འདེགས་ཀྱི་བོད་ཡིག་གློག་རྡུལ་ཚིག་མཛོད་ཡང་ཞིབ་འཇུག་གསར་སྤེལ་བྱས་ཡོད་དེ། 《འཕྲུག་ཀློག་ཚིག་མཛོད》དང་། 《མིས་ཀློག་ཚིག་མཛོད》གཉིས་ཡོད།