ཟླ་2ཚེས་3ཉིན། གསར་འགོད་པས་ལྷ་ས་གྲོང་ཁྱེར་འདམ་གཞུང་རྫོང་ཡུལ་སྐོར་ཅུད་ནས་ཤེས་རྟོགས་བྱུང་གསལ་དུ། བོད་རང་སྐྱོང་ལྗོངས་ཀྱི"མཚོ་གྲགས་ཅན་གསུམ"གྱི་ཡ་གྱལ་གནམ་མཚོ་ཕྱུག་མོ"དགུན་དུས་བོད་ལྗོངས་སུ་ཡུལ་སྐོར་བྱས་ཏེ་འཛམ་གླིང་ཡང་རྩེའི་མཛེས་སྡུག་ལ་རོལ"ཞེས་པའི་བྱེད་སྒོ་ལ་ཞུགས་པའི་རིམ་པ་Aཡི་མཛེས་ལྗོངས་ཁུལ་115ཡི་ཁྲོད་ཀྱི་གཅིག་ཡིན་པས། འབྱུང་འགྱུར་གྱི་ཟླ་བ་གསུམ་གྱི་རིང་ལ། ཡུལ་སྐོར་བྱེད་པར་རིན་པ་མི་དགོས་པ་རེད།
      གནམ་མཚོ་ཕྱུག་མོ་ནི་བོད་རང་སྐྱོང་ལྗོངས་ཀྱི་མཚོ་ཆེན་ཨང་གཉིས་པ་ཡིན་ལ། རང་རྒྱལ་གྱི་ཚྭ་མཚོ་ཨང་གསུམ་པ་ཡིན་པ་རེད། རྒྱ་མཚོའི་ངོས་ལས་སྨི་4441ཡོད་ལ། མཚོ་ངོས་ཀྱི་རྒྱ་ཁྱོན་ལ་སྤྱི་ལེ་གྲུ་བཞི་མ་638ཡོད་པ་དང་། མཐའ་སྐོར་གྱི་རིང་ཚད་ལ་སྤྱི་ལེ་ཉིས་བརྒྱ་ལྔ་བཅུ་ལྷག་ཙམ་ཡོད་ཅིང་། གཏིང་ཚད་ལ་སྨི་30ནས་40ཡི་བར་ཡོད་པ་རེད།