ད་ལོའི་ཟླ་བ3པར་སློབ་འགོ་ཚུགས་པ་ནས་བཟང་།དཀར་མཛེས་ཁུལ་གྱིས་རིན་པ་མི་དགོས་པའི་སློབ་གྲྭ་འཛུགས་སྐྱོང་སྔོན་གྱི་སློབ་གསོའི་རྨང་གཞིར་བརྟེན་ནས་མཐོ་རིམ་སློབ་འབྲིང་སྐབས་སུ་རིན་པ་མི་དགོས་པའི་སློབ་གསོའི་འཆར་གཞི་དངོས་སུ་ལག་ལེན་བྱེད་འགོ་ཚུགས་པ་རེད།
　སི་ཁྲོན་བོད་ཁུལ་ནི་རང་རྒྱལ་གྱི་བོད་རིགས་མི་དམངས་འདུས་སྡོད་ས་ཁུལ་ཆེན་པོ་ཨང་གཉིས་པ་ཡིན་ཞིང་།དུས་ཡུན་རིང་པོའི་ནང་མི་རིགས་རང་སྐྱོང་ཁུལ་གཉིས་པོ་དེ་དཔལ་འབྱོར་འཕེལ་རྒྱས་རྗེས་ལུས་ཡིན་པ་དང་སློབ་གསོའི་ཐད་མ་དངུལ་གཏོང་རྒྱུ་མི་འདང་བ།སློབ་ལོ་སྔོན་གྱི་སློབ་གསོ་བྱ་རྒྱུ་མི་འདང་བ།མཐོ་རིམ་སློབ་གསོའི་ཆུ་ཚད་དམའ་བ།སློབ་ཞུགས་བྱས་ཚད་ཞིང་ཆེན་ཡོངས་ཀྱི་ཆ་སྙོམས་ཆུ་ཚད་ལས་ཆེས་དམའ་བ་རེད།
　　དུས་ཡུན་རིང་པོར་སི་ཁྲོན་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་བོད་ཁུལ་གྱི་དམངས་འཚོ་ལས་ཀ་ལེགས་བཅོས་བྱས་ཏེ་དངོས་གནས་ཀྱིས་དམངས་འཚོ་གནད་དོན་ཐག་གཅོད་བྱ་རྒྱུས་ནང་དོན་གཙོ་བོ་བྱས་ཡོད་པ་རེད།ཤེས་རྟོགས་བྱུང་བ་ལྟར་ན།སི་ཁྲོན་ཞིང་ཆེན་གྱི་རིན་པ་མི་དགོས་པའི་སློབ་གསོའི་རྨང་གཞིར་བརྟེན་ནས་དེང་རབས་ཅན་གྱི་རྒྱང་བསྟན་སློབ་གསོ་ཚོད་ལྟ་བྱེད་ས་ཇེ་མགྱོགས་སུ་འཛུགས་རྒྱུ་དང་བོད་ཁུལ་གྱི་དགེ་རྒན་དཔུང་སྡེའི་བྱང་ཚད་ནུས་པ་མཐོ་འདེགས་གཏང་རྒྱུའི་གསོ་སྐྱོང་བྱེད་ཤུགས་ཆེ་རུ་གཏང་རྒྱུ།ནང་ལོགས་ས་ཁུལ་གྱི་ཕུལ་བྱུང་དགེ་རྒན་གྱིས་རོགས་ཁྲིད་བྱ་རྒྱུ་བཅས་བྱས་ནས་རིམ་བཞིན་དུ་བོད་ཁུལ་གྱི་སློབ་གསོའི་སྤུས་ཚད་ཁྱོན་ཡོངས་ནས་མཐོ་འདེགས་གཏོང་གང་ཐུབ་བྱ་རྒྱུ་རེད།།