ཀྲུང་གོའི་བོད་ཀྱི་དྲ་བའི་འཕྲིན། ད་ལོའི་ཚུན་དུ། བོད་ལྗོངས་ཏང་ཨུད་དང་སྲིད་གཞུང་གིས་ཀྲུང་དབྱང་གི་སྤྱི་ཁོག་སྙོམས་སྒྲིག་ཚོད་འཛིན་གྱི་བྱ་ཐབས་ཁག་ལག་བསྟར་དོན་འཁྱོལ་གཏིང་ཟབ་བྱས་ཏེ། དཔལ་འབྱོར་གོང་འཕེལ་གཏོང་སྟངས་བསྒྱུར་བ་དང་རིམ་སྤོར་བྱེད་རྒྱུར་སྐུལ་འདེད་བཏང་བ། དཔལ་འབྱོར་འཕར་སྣོན་གྱི་སྒུལ་ཤུགས་བརྟན་པོའི་ངང་ཆེ་རུ་བཏང་བས་ལྗོངས་ཡོངས་ཀྱི་དཔལ་འབྱོར་བརྟན་རླིང་དང་མགྱོགས་མྱུར་ངང་འཕར་སྣོན་བྱུང་ཡོད་པ་རེད།

ད་ལོའི་སྤྱི་ཟླ་དང་པོ་ནས་ལྔ་པའི་བར་གཏན་འཇགས་རྒྱུ་ནོར་ལ་མ་འཇོག་བྱེད་ཚད་འཕར་སྣོན་མགྱོགས་པོ་བྱུང་བ་དང༌། སྤྱི་ཚོགས་ཡོངས་ཀྱི་གཏན་འཇགས་རྒྱུ་ནོར་ལ་མ་འཇོག་བྱེད་ཚད་སྒོར་དུང་ཕྱུར218ཙམ་བྱས་པ་དེ་འཕར་ཚད27.1%ཟིན་པ་དང་། འཕར་སྣོན་མྱུར་ཚད་རྒྱལ་ཡོངས་ཀྱི་ཨང་དང་པོར་སླེབས་ཡོད། ཡུལ་སྐོར་ཡོང་འབབ་འཕར་སྣོན་མགྱོགས་པོ་བྱུང་ནས་ལྗོངས་ཡོངས་ཀྱིས་རྒྱལ་ཁབ་ཕྱི་ནང་གི་ཡུལ་སྐོར་བ་མི་ཐེངས་ཁྲི་ཚོ218.22ལ་སྣེ་ལེན་བྱས་པ་དང༌། ཡུལ་སྐོར་མི་ཐེངས21.2%འཕར་ནས་ཡུལ་སྐོར་གྱི་སྤྱིའི་ཡོང་འབབ་སྒོར་དུང་ཕྱུར24ཙམ་ཟིན་ཏེ་འཕར་ཚད24.6%ཟིན་པ། ལྗོངས་ཡོངས་ཀྱི་ནོར་སྲིད་ཡོང་འབབ་སྒོར་དུང་ཕྱུར41ལྷག་ཟིན་པ་དང་འཕར་ཚད37%ཟིན། ནོར་སྲིད་གཏོང་སྒོ་སྒོར་དུང་ཕྱུར356ཙམ་ཟིན་པ་དང་འཕར་ཚད11.5% ཟིན། ཟོག་གོང་སྤྱིར་ནས་བརྟན་པོ་ཡིན་པ་རེད།  །