ཀྲུང་གོའི་བོད་ཀྱི་དྲ་བའི་འཕྲིན།ཟླ6པའི་ཚེས27ཉིན2014ལོའི་བོད་རང་སྐྱོང་ལྗོངས་ཀྱི་མཐོ་རིམ་སློབ་གྲྭ་དཀྱུས་མའི་སློབ་བསྡུའི་སྐར་གྲངས་ཕྱིར་བསྒྲགས།རྩོམ་རིག་ལོ་རྒྱུས་རིགས་ཀྱི་དངོས་གཞིའི་སྐར་གྲངས་ལས།མི་རིགས་གྲངས་ཉུང་གི་སྐར་གྲངས340དང་།རྒྱ་རིགས་ཀྱི་སྐར་གྲངས500ཡིན།དངོས་གཞི་དཀྱུས་མའི་སྐར་གྲངས་ལས།མི་རིགས་གྲངས་ཉུང་གི་སྐར་གྲངས285དང་།རྒྱ་རིགས་ཀྱི་སྐར་གྲངས355ཡིན།དེ་མིན་རང་བྱུང་རིག་པ་དང་བཟོ་སྐྲུན་རིག་པའི་དངོས་གཞིའི་སྐར་གྲངས་ནི།མི་རིགས་གྲངས་ཉུང་གི་སྐར་གྲངས280།རྒྱ་རིགས་ཀྱི་སྐར་གྲངས460།དངོས་གཞི་དཀྱུས་མའི་སྐར་གྲངས་ནི།མི་རིགས་གྲངས་ཉུང་གི་སྐར་གྲངས230།རྒྱ་རིགས་ཀྱི་སྐར་གྲངས310བཅས་ཡིན་པ་རེད།
གསར་འགོད་པས་ཤེས་གསལ་ལྟར་ན།2014ལོའི་བོད་རང་སྐྱོང་ལྗོངས་ཀྱི་མཐོ་རིམ་སློབ་གྲྭ་དཀྱུས་མའི་སློབ་བསྡུའི་སྐར་གྲངས་ཆེས་དམའ་བ་ནི་སློབ་གསོ་པུའུ་ཡིས་གཤམ་བསྒྲགས་བྱས་པའི་སློབ་བསྡུའི་འཆར་གཞི་དང་།རྒྱུགས་ཞུགས་སློབ་མའི་ཐེམ་ཁུངས།རྒྱུགས་ཞུགས་སློབ་མའི་རྒྱུགས་འབྲས་སྐར་གྲངས་སོགས་ཀྱི་གནས་ཚུལ་ལ་གཞིགས་ནས།ཕྱོགས་གང་ཅིའི་ཐད་ཀྱི་རྒྱུ་རྐྱེན་ཕྱོགས་བསྡུས་བྱས་ནས་དབྱེ་ཞིབ་ཕྲ་ཞིབ་བྱས་པ་བརྒྱུད་གཏན་འཁེལ་བྱས་པ་རེད།  །