ཟླ6པའི་ཚེས22ཉིན་གྱི་སྔ་དྲོར།མཚོ་སྔོན་ཞིང་ཆེན་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་དང་མཚོ་སྔོན་ཞིང་ཆེན་རོལ་དབྱངས་མཁས་པའི་མཐུན་ཚོགས་ཀྱིས་གཙོ་སྒྲུབ་དང་།མཚོ་སྔོན་དོན་འགྲུབ་རིག་གནས་ཁྱབ་སྤེལ་མཐུན་གཉེར་ཁང་གིས་རོགས་སྒྲུབ་གནང་བའི་བོད་ཀྱི་སྐབས་དང་པོའི་རོལ་དབྱངས་ཆེད་ལས་མཁས་པའི་བགྲོ་གླེང་ཟི་ལིང་དུ་བསྡུས་ཤིང་།ཀྲུང་གོའི་རོལ་དབྱངས་མཁས་པའི་མཐུན་ཚོགས་ཀྱི་ཏང་རྩ་འཛུགས་ཀྱི་ཧྲུའུ་ཅི་གཞོན་པ་དང་། དྲུང་ཡིག་ཆེན་མོ་ཧན་ཞིན་ཨན། མཚོ་སྔོན་ཞིང་ཆེན་དྲིལ་སྒྲོག་པུའུ་དང་ཞིང་ཆེན་རྩོམ་རིག་མཉམ་འབྲེལ་ཨུ་ཡོན་ལྷན་ཚོགས་ཀྱི་འབྲེལ་ཡོད་འགོ་ཁྲིད།དེ་མིན་མདོ་དབུས་ཁམས་གསུམ་དང་ནང་ལོག་ནས་སླེབས་པའི་བོད་རིགས་རོལ་དབྱངས་མཁས་པ། མིང་གྲགས་གླུ་བ། དབྱངས་རྩོམ་མཁན།རོལ་མོ་བ་སོགས་ཐེངས་འདིའི་བགྲོ་གླེང་ཚོགས་འདུ་ལ་ཞུགས།ཐེངས་འདིའི་བགྲོ་གླེང་ཚོགས་འདུ་སྤེལ་བར་བརྒྱུད།བོད་ཀྱི་རོལ་དབྱངས་གསར་རྩོམ་གྱི་འདུ་ཤེས་སྒྱུར་བ་དང་།བོད་ཀྱི་རོལ་དབྱངས་སྒྲིག་བཟོའི་ལག་རྩལ་ཆུ་ཚད་དང་།གླུ་བའི་གླུ་ལེན་ཆུ་ཚད་དང་ཕྱོགས་བསྡུས་སྤུས་ཚད་བཅས་མཐོར་འདེགས་སུ་གཏོང་བར་ དགེ་མཚན་རབ་ཏུ་ལྡན།