2011-11-02
མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་གིས་གནས་སྐོར་ཕྱོགས་བསྡུས་གསར་སྤེལ་ས་ཁུལ་འཛུགས་སྐྲུན་བྱེད་ཚད་ཇེ་མགྱོགས་སུ་གཏོང་བ་དང་། གནས་སྐོར་ཐོན་ལས་རྒྱ་བསྐྱེད་པའི་ཆེད་དུ་སྟོབས་ཤུགས་ཆེན་པོ་བཏོན་ནས་རིག་གནས་གནས་སྐོར་སྐྱེ་ཁམས་བཟོ་ལས་ས་ཁུལ་བསྐྲུན་རྒྱུ་ཡིན་པ་དང་ལས་གཞི་དེ་ད་ལོར་སྒོ་ཀུན་ནས་བསྐྲུན་མགོ་རྩོམ་རྒྱུ་རེད།འཆར་འགོད་ལྟར་ན། རིག་གནས་ཐོན་ལས་ས་ཁུལ་དུ་གཙོ་བོར་མི་རིགས་ཀྱི་ཁྱད་ཆོས་ལྡན་པའི་རིག་གནས་ཐོན་ལས་གཉེར་བ་དང་། ལས་གཞི་ལ་གཙགས་དྲུབ་དང་རྨ་ཆུའི་མཚར་རྡོ་སོགས་ལས་སྣོན་བྱེད་པ། ལྷད་མེད་ཞིང་ལས་ཟས་རིགས་དང་བཏུང་ཆས། ཞིང་ཞོར་ཐོན་རྫས་ལས་སྣོན་ས་ཁུལ་གྱི་ལས་གཞི་ལ་འོ་རྫས་དང་སིལ་ཁུ་ལས་སྣོན་དང་། སིལ་ཆང་བསྙལ་བ་དང་། བཟོ་སྐྲུན་ལས་རིགས་ལས་སྣོན་ས་ཁུལ་གྱི་ལས་གཞི་ལ་གཙོ་བོར་ཞིང་ཕྱུགས་འཕྲུལ་ཆས་དང་། བོད་སྨན་ལས་སྣོན། འབྲུ་རིགས་དང་གཟན་ཆས་ལས་སྣོན་སོགས་དང་། ཐོན་རྫས་འགྲམ་འཚོང་ས་ཁུལ་གྱི་ལས་གཞི་ལ་གཙོ་བོར་ཐོན་རྫས་ལས་སྣོན་དང་འགྲེམ་འཚོང་བྱེད་ས་བཅས་ཡོད། ལས་གཞི་དེ་ལེགས་འགྲུབ་བྱུང་རྗེས། གནས་སྐོར་པས་སྐྱེ་ཁམས་བཟོ་ལས་ས་ཁུལ་དུ་ལྟ་སྐོར་བྱེད་པ་དང་མཉམ་དུ། ཉོ་ཚོང་གི་སྤྲོ་བ་ཉམས་སུ་མྱོང་བ་དང་། ཁྲི་ཀའི་ཁྱད་ཆོས་ཡོད་པའི་ཞིང་ཕྱུགས་ཐོན་རྫས་རོལ་མྱོང་བྱེད་ཆོག
དོ་སྣང་ཆེ་བའི་རྩོམ།
རྩོམ་གསར། 10