བསྟུད་མར་ཉིན་འགར། ཕྱི་རྒྱལ་གྱི་མགོ་ཁྲིད་པ་དང་། སྲིད་ཏང་གིས་མུ་མཐུད་དུ་གློག་འཕྲིན་དང་འཕྲིན་ཡིག་གི་ལམ་ནས། ཀྲུང་གོ་གུང་ཁྲན་ཏང་དབུ་བརྙེས་ནས་ལོ་དགུ་བཅུ་འཁོར་བར་སྤྲོ་སེམས་འཁོལ་བའི་ངང་ནས་རྟེན་འབྲེལ་ཞུས།
 ཕ་ཁི་སི་ཐན་མི་དམངས་ཏང་གི་མཉམ་འབྲེལ་ཀྲུའུ་ཞི། ཙུང་ཐུང་ཀྲ་ཨེར་ཏ་ལིས་ཀྱིས་རྟེན་འབྲེལ་ཞུ་བའི་འཕྲིན་ཡིན་ནང་དུ། ཏང་ཡོན་བྱེ་བ་བརྒྱད་ཡོད་པའི་ཀྲུང་གོ་གུང་ཁྲན་ཏང་གིས་ཀྲུང་གོའི་འཕེལ་རྒྱས་དང་ཡར་ཐོན་གྱི་ལས་དོན་ཁྲོད་དུ་གདུང་འདེགས་ལྟ་བུའི་ནུས་པ་ཆེན་པོ་བཏོན་ཞེས་བཀོད་ཡོད་པ་དང་། པུ་ལི་ཧྲི་རྒྱལ་ཕྲན་མཉམ་འབྲེལ་དམངས་གྲོས་ཁང་གི་གྲོས་དཔོན་ཧྥོ་ལ་ཨོ་ཡིས་རྟེན་འབྲེལ་ཞུ་བའི་འཕྲིན་ཡིག་ནང་དུ། ཀྲུང་གོ་གུང་ཁྲན་ཏང་གིས་ཀྲུང་གོའི་ཁྱབ་ཁོངས་མང་པོའི་སྣེ་ཁྲིད་དེ་གྲུབ་འབྲས་རླབས་པོ་ཆེ་བླངས་བར་མ་ཟད། རྒྱལ་སྤྱིའི་གར་སྟེགས་སྟེང་གི་རྒྱལ་ཁབ་གཙོ་བོའི་གྲས་སུ་ཚུད་དེ། ཀུན་གྱི་བརྩི་འཇོག་ཐོབ། མཐར་རྒྱལ་ཁབ་གཉིས་ཀྱི་འབྲེལ་བ་དེ་རྒྱུན་ཆད་མེད་པར་བཟང་ཕྱོགས་སུ་འཕེལ་བའི་སྨོན་འདུན་ཞུ་ཞེས་བཀོད་འདུག
 གཞན་ཡང་། སེང་ག་ཕོར་མི་དམངས་འགུལ་སྐྱོད་ཏང་གི་དྲུང་ཡིག་ཆེན་མོ། ཙུང་ལི་ལིས་ཞན་ལུང་དང་། ཅི་ཨེར་ཅི་སི་སི་ཐན་རྒྱལ་ཁབ་ཀྱི་ཙུང་ཐུང་ཨོ་ཐུང་པ་ཡེ་བ། བུའུ་ཁི་ལན་ས་ཁུལ་ཏང་གི་ཀྲུའུ་ཞི། ཙུང་ལི་ཨ་ཀྲ་ལོ་ཧྥུའུ། དབྱི་རག་ཁུའུ་ཨེར་ཏི་སི་ཐན་རྒྱལ་གཅེས་མནའ་འབྲེལ་གྱི་སྤྱི་ཁྱབ་ཧྲུའུ་ཅི། ཙུང་ཐུང་ཐ་ལ་པ་ཉིས། ཅོར་ཏན་རྒྱལ་ཡོངས་ཚོགས་ཆེན་ཏང་གི་ཀྲུའུ་ཞི། ཙུང་ཐུང་པ་ཞི་ཨེར། སེར་ཝེ་ཡ་དམངས་གཙོ་ཏང་གི་ཀྲུའུ་ཞི། ཙུང་ཐུང་ཐ་ཏུས་ཆི་སོགས་ཕྱི་རྒྱལ་གྱི་མགོ་ཁྲིད་པ་བརྒྱ་ལྷག་དང་དེ་མིན་སྲིད་ཏང་དང་ཆབ་སྲིད་རྩ་འཛུགས་མང་པོས་ཀྱང་རྟེན་འབྲེལ་གློག་འཕྲིན་དང་འཕྲིན་ཡིག་བཏང་ཡོང་།