ཞིན་ཧྭ་གསར་འགྱུར་ཁང་པེ་ཅིན་ནས་འབྱོར་བའི་གཏམ་གསར། ཉེ་ཆར།ཀྲུང་གོའི་ཞིང་ལས་འཕེལ་རྒྱས་དངུལ་ཁང་གིས་ཁྱབ་བསྒྲགས་བྱས་པའི་གྲངས་ཀའི་ཐོག་ནས་མཚོན་རྒྱུར། དུས་ཚིགས་དང་པོར། ཞིང་ལས་འཕེལ་རྒྱས་དངུལ་ཁང་གིས་རིགས་སོ་སོའི་དངུལ་བུན་སྒོར་དུང་ཕྱུར3801བཏང་སྟེ་ན་ལོའི་དུས་མཉམ་ལས་སྒོར་དུང་ཕྱུར876འཕར་སྣོན་བྱུང་ཡོད། ཟླ་བ3པའི་ཟླ་མཇུག་ཏུ་སླེབས་དུས། ཞིང་ལས་དངུལ་ཁང་གིས་དངུལ་བུན་བཏང་བའི་ལྷག་གྲངས་སྒོར་དུང་ཕྱུར26851ཡིན་པ་དེ་ལོ་འགོ་ལས་སྒོར་དུང་ཕྱུར1840འཕར་སྣོན་བྱུང་བ་རེད།
    གྲངས་ཀའི་ཐོག་ནས་མཚོན་རྒྱུར། དུས་ཚིགས་དང་པོར་འབྲུ་རིགས་དང་། སྲིང་བལ། ཟ་སྣུམ་གསུམ་གྱི་གསོག་ཉར་བྱེད་པར་རོགས་སྐྱོར་བྱ་རྒྱུ་ནི་སྔར་བཞིན་ཞིང་ལས་འཕེལ་རྒྱས་དངུལ་ཁང་གི་དངུལ་བུན་གཏོང་རྒྱུའི་ལས་འགན་ནང་གི་གལ་ཆེའི་ལས་འགན་ཞིག་ཡིན་པས། རིམ་བསགས་ཀྱིས་བརྩིས་ན་འབྲུ་རིགས་དང། སྲིང་བལ། ཟ་སྣུམ་བཅས་གསོག་ཉར་དང་། ལས་སྣོན། འཁོར་རྒྱུག་བཅས་བྱེད་པའི་ཐོན་ལས་འཁོར་འབྲེལ་ཧྲིལ་པོར་དངུལ་བུན་སྒོར་དུང་ཕྱུར2920བཏང་བ་དེ་ན་ལོའི་དུས་མཉམ་ལས་སྒོར་དུང་ཕྱུར853ལྷག་ཏུ་བཏང་སྟེ་དངུལ་བུན་བསྡོམས་གྲངས་ཀྱི་བརྒྱ་ཆ80.29ལ་ཟིན་པ། ལོ་འཁོར་བརྒལ་ནས་གསོག་ཉར་བྱེད་པ་བདེ་བླག་ངང་སྤེལ་བ་དང་རྒྱལ་ཁབ་ཀྱི་གནས་སྐབས་ཀྱི་གསོག་ཉར་སྲིད་ཇུས་ལག་ལེན་དོན་འཁྱོལ་བྱེད་པར་ཁག་ཐེག་ནན་པོ་བྱས་ཡོད།