ཀྲུང་གོའི་བོད་ཀྱི་དྲ་བའི་འཕྲིན། གསར་འགོད་པས་བོད་རང་སྐྱོང་ལྗོངས་མངའ་རིས་ས་ཁུལ་ཏང་ཨུ་ཡིས་ཚོགས་པའི་ལས་བྱེད་མི་སྣ་དང་འཇོན་མིའི་བྱ་བའི་ཚོགས་འདུ་སྟེང་ནས་རྒྱུས་ལོན་པ་ལྟར་ན། རྗེས་ཕྱོགས་མངའ་རིས་ས་ཁུལ་གྱི་ས་གནས་ཨུ་ཡོན་ལྷན་ཁང་དང་སྲིད་འཛིན་ཀུང་ཧྲུའུ་ཡིས་མུ་མཐུད་དུ་རིམ་པ་སོ་སོའི་ལས་བྱེད་པའི་རུ་ཁག་གི་སྟོབས་ཤུགས་ཇེ་ཆེར་བཏང་སྟེ། ཆེད་ལས་ལག་རྩལ་མི་སྣའི་འཇོན་མི་མིང་མཛོད་འཛུགས་རྒྱུ་ཡིན་ལ། ལས་བྱེད་པ་དང་འཇོན་མིའི་ཡོངས་ཁུངས་རྒྱ་བསྐྱེད་རྒྱུ་ཡིན་པ་མ་ཟད། ས་ཁུལ་དང་། རྫོང་། ཤང་། (གྲོང་རྡལ)བཅས་ཀྱི་སྡེ་དཔོན་སོགས་སྔར་ཡོད་ཀྱི་ལས་བྱེད་པ་དང་ཆེད་ལས་ལག་རྩལ་མི་སྣ་སོ་སོ་འོས་འཚམས་ངང་བཀོལ་སྤྱོད་བྱས་ཏེ། ས་ཁུལ་ཡོངས་ཀྱི་བྱ་བ་འཕེལ་རྒྱས་བྱུང་བར་རྒྱུན་ཆད་མེད་པའི་ལས་བྱེད་པ་དང་འཇོན་མི་མཁོ་འདོན་བྱ་རྒྱུ་རེད།  །