ཀྲུང་གོའི་བོད་རིག་པ་མཁས་ཅན་དང་བླ་སྤྲུལ་འཐུས་མི་ཚོགས་པས་སྤྱི་ཟླ་10པའི་ཚེས་1ཉིན་ནས་ཚེས་2ཉིན་བར་མོང་གོལ་ལ་འཚམས་འདྲི་ཞུས་འདུག འཚམས་འདྲི་གནང་རིང་འཐུས་མི་ཚོགས་པས་མོང་གོལ་རྒྱལ་ཁབ་ཀྱི་ལས་རིགས་ཁག་གི་མི་སྣ་དང་འབྲེལ་གཏུག་དམ་ཟབ་གནང་བ་དང་། མོང་གོལ་རྒྱལ་ཚོགས་གྲོས་དཔོན་གྱི་གྲོས་འདྲི་ཡུལ་ཉི་མ་ཟླ་བ་དང་མཇལ་འཛོམས་གནང་བ་དང་། མོང་གོལ་གྱི་འཐབ་ཇུས་ཞིབ་འཇུག་ཁང་གི་འབྲེལ་ཡོད་རིགས་གཅིག་མཁས་པ་དང་བཞུགས་མོལ་ཚོགས་འདུ་སྐོང་འཚོགས་གནང་འདུག

ད་དུང་ས་གནས་དེ་གའི་དགོན་སྡེར་འཚམས་འདྲིར་ཕེབས་པ་མ་ཟད་ཆོས་ལུགས་མི་སྣའི་བར་སྤེལ་རེས་གནང་འདུག འཐུས་མི་ཚོགས་པས་བོད་ལྗོངས་ཀྱི་ལོ་རྒྱུས་དང་། རིག་གནས། དཔལ་འབྱོར་དང་སྤྱི་ཚོགས་གོང་འཕེལ། མིག་སྔའི་གཙོ་གནད་གནད་དོན་སོགས་ཀྱི་ཐད་རྒྱ་ཆེ་དང་། གཏིང་ཟབ་པའི་སྤེལ་རེས་གནང་ཡོད་པ་རེད། འཚམས་འདྲི་གནང་བ་བརྒྱུད་ཀྲུང་གོ་དང་མོང་གོལ་ཕྱོགས་གཉིས་པོའི་བར་འབྲེལ་གཏུག་དང་སྤེལ་རེས་ལ་ཤུགས་སྣོན་དང་། ཤེས་རྟོགས་གཏིང་ཟབ་དུ་བཏང་བ། མཛའ་གྲོགས་ཇེ་ཟབ་དུ་བཏང་ཡོད་པ་རེད། །