བོད་རང་སྐྱོང་ལྗོངས་སློབ་གསོ་ཐིང་ནས་ཤེས་རྟོགས་བྱུང་བར།ཞིང་འབྲོག་ས་ཁུལ་འོས་འགན་སློབ་གསོ་དུས་རིམ་གྱི་སློབ་མའི་འཚོ་བཅུད་ལེགས་བཅོས་བྱ་རྒྱུའི་འཆར་གཞི་ལག་བསྟར་བྱས་ཏེ་བོད་ལྗོངས་ཞིང་འབྲོག་ས་ཁུལ་གྱི་སློབ་གྲྭ་འབྲིང་ཆུང་གི་སློབ་མ་ཁྲི20.65ལ་ཕན་ཐོགས་བསྐྲུན་ཞིང།ཞིང་འབྲོག་ས་ཁུལ་ཀྱི་འོས་འགན་སློབ་གསོ་དུས་རིམ་གྱི་སློབ་གྲྭ་བརྒྱ་ཆ100ལ་ཁྱབ་ཡོད།
    མིག་སྔར།བོད་ལྗོངས་འོས་འགན་སློབ་གསོ་དུས་རིམ་གྱི་སློབ་མར་འགན་ལེན་གསུམ（ཟ་རྒྱུ་དང་།སྡོད་ས།སློབ་ཡོན་བཅས་འགན་ལེན་）བྱེད་པ་དང་སློབ་ཞུགས་རོགས་དངུལ་སྤྲོད་པའི་སྲིད་ཇུས་ལོངས་སྤྱོད་བྱས་ཡོད།དེའི་ནང་ཟས་གྲོན་བརྒྱ་ཆ90བཟུང་ཡོད།ཟ་མ་སྤྲོད་སྟངས་གཙོ་བོ་ནི་སློབ་གྲྭའི་ཟ་ཁང་གིས་ཟ་མ་སྤྲོད་པ་དེ་རེད།ས་གནས་ཁག་གིས་འཚོ་བཅུད་ལེགས་བཅོས་བྱ་རྒྱུའི་ཁ་གསབ་རོགས་དངུལ་གཏོང་སྤྲོད་བྱས་རྗེས་སློབ་གྲྭས་ཆེད་སྤྱོད་རོགས་དངུལ་དེ་འགན་ལེན་གསུམ་གྱི་གྲོན་དངུལ་ནང་བཞག་སྟེ་གཅིག་གྱུར་བཀོད་སྤྱོད་བྱ་རྒྱུ་ཡིན་པ་མ་ཟད།ད་རུང་དོན་དངོས་དང་ཟུང་འབྲེལ་བྱས་ཤིང་ཡུལ་བབ་དང་བསྟུན་ནས་ཤ་དང་།སྒོ་ང་།འོ་མ།སྔོ་ཚལ་སོགས་ཚན་རིག་དང་མཐུན་པར་སྡེབ་སྒྲིག་བྱེད་པ་དང་།ལུགས་མཐུན་གྱིས་འཚོ་བཅུད་ཀྱི་དམིགས་ཚད་བཟོ་འགོད་བྱེད་པ།སློབ་མའི་འཚོ་བཅུད་གྲུབ་གཞི་ལེགས་བཅོས་བྱས་ཏེ་སློབ་མའི་འཚོ་བཅུད་དམིགས་ཚད་ཐོག་སླེབས་པར་ཁག་ཐེག་ནན་པོ་བྱས་ཡོད།