ཀྲུང་གོ་བོད་ཀྱི་དྲ་བའི་འཕྲིན། ཟླ་ལྔ་བའི་ཚེས་ཉེར་དྲུག་ཉིན། མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་གྱིས་ཟས་རིགས་བདེ་འཇགས་ཐད་ཀྱི་ཆེད་དོན་དག་ཐེར་བཅོས་སྐྱོང་བྱ་འགུལ་སྤེལ།
ཤེས་གསལ་བྱུང་བ་ལྟར་ན། མཚོ་བྱང་ཁུལ་གྱིས་སྐབས་འདིའི་བྱ་འགུལ་སྤེལ་བ་བརྒྱུད། འཁོར་རྒྱུག་བྱེད་ཀྱིན་པའི་ཟས་རིགས་བདེ་འཇགས་ཀྱི་གནད་དོན་དག་ཐེར་བཅོས་སྐྱོང་བྱེད་པར་ཤུགས་བསྣན་ནས། ལྟ་སྐུལ་དོ་དམ་གྱི་ལས་འགན་དངོས་འབེབ་བྱེད་རྒྱུ་ཡིན་ལ། ཁྲིམས་འགལ་གྱི་ཟས་རིགས་གནད་དོན་དག་ལ་རྡུང་རྡེག་ནན་མོ་བྱས་ནས། ཟས་རིགས་ཚོང་ཁང་དང་སྐྱེལ་འདྲེན་བྱེད་པའི་རླངས་འཁོར། བཟའ་སྣུམ་སོགས་ཀྱི་གནད་དོན་འགའ་དག་ཐེར་བཅོས་སྐྱོང་ནན་མོ་བྱེད་པའི་ལས་དོན་ཁྲོད་བཞག་ཡོད།
ད་ལོའི་ཟླ་བཞི་བའི་ཚེས་གཅིག་ནས་ཟླ་དགུ་བའི་ཚེས་སུམ་ཅུ་བར། རོང་འབྲོག་ས་ཁུལ་གྱི་ཟས་རིགས་ཚོང་ར་དང་སྤུས་ཚད་འགན་ལེན་གྱི་དུས་ཡུན་ལས་བརྒལ་བའི་ཟས་རིགས། སློབ་གྲྭ་དང་དེའི་མཐའ་འཁོར་གྱི་ཟས་རིགས་བདེ་འཇགས་གནད་དོན་སོགས་ལ་ཞིབ་བཤེར་གཙང་བཅོས་བྱེད་པའི་ཆེད་དོན་བྱ་འགུལ་སྤེལ་ནས། ཚོང་ར་ཆེ་ཤོས་དང་རང་འདེམས་ཚོང་ར་སོགས་ཀྱིས་ཞིང་ལས་ཐོན་རྫས་སོགས་ཚོང་ཟོག་ཉོ་འདྲེན་བྱེད་པའི་དོ་དམ་ལམ་ལུགས་ནན་མོ་འཛུགས་པར་སྐུལ་འདེད་བྱས་ཏེ། ཆེད་དོན་བྱ་འགུལ་འདི་སྤེལ་བ་བརྒྱུད། མི་དམངས་མང་ཚོགས་ལ་བདེ་འཇགས་ཡིན་ལ་སེམས་ཁུར་མེད་པའི་འཛད་སྤྱོད་ཀྱི་ཁོར་ཡུག་ཅིག་བསྐྲུན་རྒྱུ་རེད།  །