རྒྱལ་ཡོངས་བོད་སྐད་བརྡ་ཆད་ཚད་ལྡན་ཅན་གྱི་ལས་དོན་ཨུ་ཡོན་ལྷན་ཚོགས་ཀྱི་གྲོས་ཚོགས་བསྡུས།
ཟླ4པའི་ཚེས28ཉིན།རྒྱལ་ཡོངས་བོད་སྐད་བརྡ་ཆད་ཚད་ལྡན་ཅན་གྱི་ལས་དོན་ཨུ་ཡོན་ལྷན་ཚོགས་སྐབས་གསུམ་པའི་གྲོས་ཚོགས་ཐེངས་གཉིས་པ་པེ་ཅིང་དུ་བསྡུས་ཤིང་།རྒྱལ་ཡོངས་བོད་སྐད་བརྡ་ཆད་ཚད་ལྡན་ཅན་གྱི་ལས་དོན་མཛུབ་སྟོན་ཨུ་ཡོན་ལྷན་ཁང་དུས་མཉམ་དུ་བཙུགས་ལ།ཨུ་ཡོན་ལྷན་ཁང་འདིས་གཙོ་བོ་རྒྱལ་ཡོངས་ཀྱི་བོད་སྐད་བརྡ་ཆད་ཚད་ལྡན་ཅན་གྱི་ལས་དོན་ལ་མཛུབ་སྟོན་བྱེད་རྒྱུ་རེད།རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་བཅུ་བའི་ཨུ་ཡོན་ཀྲང་གཞོན་པ་རག་སྡིས་ལགས་ཀྱིས་རྒྱལ་ཡོངས་བོད་སྐད་ཡིག་གི་བརྡ་ཆད་ཚད་ལྡན་དུ་གཏོང་བའི་ལས་དོན་ཨུ་ཡོན་ལྷན་ཁང་གིས་རང་སྟེང་གི་རྩ་འཛུགས་ཀྱི་འཛུགས་སྐྲུན་དང་། བརྡ་ཆད་གསར་བའི་ལོ་ཙཱ།ཞིབ་བཤེར་གཏན་འབེབས་སོགས་ཀྱི་ཐད་ནས་གྲུབ་འབྲས་རབས་དང་རིམ་པ་བླངས་པར་ཁས་ལེན་གནང་།
བློ་མཐུན་རག་སྡིས་ལགས་ཀྱིས་བོད་སྐད་ཡིག་གི་ལས་དོན་ནི་བོད་ཁུལ་གྱི་ལས་དོན་གཞན་དག་དང་འདྲ་བར་ཏང་དང་རྒྱལ་ཁབ་ཀྱི་བྱེད་ཕྱོགས་སྲིད་ཇུས་དེ་བོད་ཁུལ་ནས་ལག་བསྟར་དོན་འཁྱོལ་བྱེད་པར་འབྲེལ་བ་དང་།བོད་མི་རིགས་ཀྱི་ཚན་རིག་རིག་གནས་བྱང་ཚད་མཐོར་འདེགས་སུ་གཏོང་བར་འབྲེལ་བ། བོད་ཁུལ་གྱི་བརྟན་བརླིང་དང་འཕེལ་རྒྱས་སུ་འབྲེལ་ཡོད་ཅེས་ནན་གྱིས་བསྟན་པ་རེད།
རྒྱལ་ཡོངས་བོད་སྐད་བརྡ་ཆད་ཚད་ལྡན་ཅན་གྱི་ལས་དོན་ཨུ་ཡོན་ལྷན་ཁང་གི་ཀྲུའུ་རིན་ཨུ་ཡོན་དང་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་སྤྱི་ཁྱབ་ལས་འཛིན་ལྷག་པ་ཕུན་ཚོགས་ལགས་ཀྱིས་ཚོགས་འདུའི་ཐོག་བོད་སྐད་བརྡ་ཆད་ཚད་ལྡན་ཅན་དུ་གཏོང་བའི་ལས་དོན་གྱི་གནས་བབ་ལ་དབྱེ་ཞིབ་བྱས་ཐོག  བོད་སྐད་བརྡ་ཆད་ཚད་ལྡན་ཅན་གྱི་ལས་དོན་ཨུ་ཡོན་ལྷན་ཁང་གི2014ལོའི་བྱ་བའི་འགན་འཁུར་བསྟན་པ་རེད།གྲོས་ཚོགས་སྟེང་རྒྱལ་ཡོངས་བོད་སྐད་བརྡ་ཆད་གསར་བ་ལོ་ཙཱ་དང་དཔྱད་ཞིབ་གཏན་འབེབས་ཀྱི་ཆེད་མཁས་ཨུ་ཡོན་ལྷན་ཚོགས་བཙུགས་པ་དང་།བོད་སྐད་ཡིག་ཁྱབ་ཁོངས་ཀྱི་ཆེད་ལས་མཁས་པ41གིས་གདན་ཞུ་ལྟར་ཨུ་ཡོན་གྱི་འགན་བཞེས།དེར་མ་ཟད་གྲོས་ཚོགས་ཐོག_༼རྒྱལ་ཡོངས་བོད་སྐད་བརྡ་ཆད་ཚད་ལྡན་དུ་གཏོང་བའི་ལས་དོན་ཨུ་ཡོན་ལྷན་ཚོགས་ཀྱིས་བརྡ་ཆད་གསར་བ་བོད་ཡིག་ཏུ་བསྒྱུར་བ་ཚད་ལྡན་དུ་གཏོང་བ་དང་བཀོལ་སྤྱོད་ཁྱབ་བརྡལ་དུ་གཏོང་བའི་བྱེད་ཐབས_༽ལ་གྲོས་ཞིབ་བྱས་ནས་གྲོས་འཆམ་བྱུང་བས།ཕྱིས་འབྱུང་གི་བོད་སྐདབརྡ་ཆད་གསར་བ་འཚོལ་སྡུད་དང་ལེགས་སྒྲིག  ལོ་ཙཱ་དང་དཔྱད་ཞིབ་གཏན་འབེབས་ནས་ཡོངས་ཁྱབ་ཏུ་སྤྱོད་པའི་བར་ལ་སྲོལ་ཡིག་གི་སྒྲུབ་ལུགས་ཤིག་ཆགས་པ་རེད།