ད་ལོའི་ཟླ་བ་བརྒྱད་པའི་ནང་རང་རྒྱལ་གྱི་ཆོས་ལུགས་གནའ་རྫས་རྟོག་ཞིབ་པ་གྲགས་ཅན་ཝུན་ཡུས་ཁྲེང་ལགས་དཀར་མཛེས་ཁུལ་དུ་ཆོས་ལུགས་གནའ་རྫས་ལ་རྟོག་ཞིབ་བྱེད་ཞོར་ཆབ་མདོ་རུ་ཕེབས།ཆབ་མདོ་ནས་ལེ་བར500ཙམ་ཡོད་པའི་རྨ་ཁམས་རྫོང་གི་པང་མདའ་ཤང་དུ་རྟོག་ཞིབ་གནང་སྐབས་བོད་ཁུལ་གྱི་ཆེས་ཆེ་བའི་ཉེ་བའི་སྲས་ཆེན་བརྒྱད་ཀྱི་རྡོ་བརྐོས་བཟོ་རྩལ་ངོ་མཚར་བ་ཞིག་རྙེད་པ་རེད།
     ཉེ་བའི་སྲས་ཆེན་བརྒྱད་ཀྱི་གཙོ་ལྷ་སྤྱན་རས་གཟིགས་ཀྱི་མཐོ་ཚད་ལ ་ལི་སྨི་436དང་གཞན་དག་གི་མཐོ་ཚད་ལ་ལི་སྨི་240ཙམ་ཡོད་པ་རེད། ཝུན་ཅའོ་ཧྲུའུ་ཡིས་གསུང་རྒྱུར། རྡོ་བརྐོས་ཀྱི་ཉེ་སྲས་བརྒྱད་ནི་མིག་སྔར་བོད་ཁུལ་དུ་ཆེས་ཆེ་བའི་ཉེ་སྲས་བརྒྱད་ཀྱི་རྡོ་བརྐོས་ཡིན་ཞིང་། བོད་བཙན་པོའི་དུས་ཀྱི་ཁྱད་དུ་འཕགས་པའི་བཟོ་རྩལ་གྱི་ཆུ་ཚད་མཚོན་ནུས་པའི་བཟོ་རྩལ་ཞིག་ཀྱང་ཡིན།
     1984ལོར་ད་ལྟའི་ཆབ་མདོ་ས་ཁུལ་སྲིད་གྲོས་ཀྱི་ཀྲུའུ་ཞི་གཞོན་པ་ཐུབ་དགའ་ཡིས་བྲག་གཡག་གི་ཉེ་སྲས་བརྒྱད་ཀྱི་བྲག་བརྐོས་བཟོ་རྩལ་ལ་སྤྱི་ལོ804ལོར་བརྐོས་པ་ཡིན་ཚུལ་ནི་འོག་གི་བོད་ཡིག་གི་གསལ་བཤད་ལས་གསལ་པོ་མཐོང་ཐུབ་ཅེས་གསུངས།